قعـــــدة بوقاليــــة طيلــــة شهـــر رمضــــان الميــــــارك ( بسم الله انويو )

[مغرورة بأنوثـتي]

33 ـ باسم الله بديت ..و على النبي صليت ...وعلى أصحاب الأسماء ألي تبدأ بالميم هذى البوقالة نويت...
سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .
و حكمتكم : المشقة كلها في تأديب الجاهل

مشكووورة حبيبتي

 

[الخيزران]

و هذي ليك حبيبتي
فاطمة الزهراء
أعقدي و انوي
علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة . يا رب تعجبك

هايلة ربي يحفظك


​

--يامولات السعد لبيض ربي يكملك حوست كل البلدان ماريتش مثلك ان شاء الله ربي يجعلني سبة باش نكون سباب سعدك.

 

[secret de coeur]

14 ـ باسم الله بديت ..و على النبي صليت ...وعلى أصحاب الأسماء ألي تبدأ بالجيم هذى البوقالة نويت...
رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.
و حكمتكم : جد بالكثير ، واقنع بالقليل​

 

[أشرقت]

لكل الماريـــن من هنـــا
​

يامولات السعد لبيض ربي يكملك حوست كل البلدان ماريتش مثلك ان شاء الله ربي يجعلني سبة باش نكون سباب سعدك.
و نلتقي في السهرة إن شاء لله تعلى ​

 

[احساس انثى dz]

18ـ باسم الله بديت ..و على النبي صليت ...وعلى أصحاب الأسماء ألي تبدأ بالراء هذى البوقالة نويت...
عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.
و حكمتكم :ربما أراد الأحمق نفعك فضرّك

شكرا بوقلات روعة

 

[أشرقت]

صـح فطور الجميع
و مرحبا بكم معنا
و للجميع هذي البوقالة
بسم الله
الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من خديك و نرد وجهك مرايا يا ربي يا معبود اقبل دعاية يرجع لي زهو الزمان ويعيا الحبيب قاعد معايا .
​

 

[أمينة16]

صح فطوووووووووووووووووركم كاامل

وصح فطووووووووووووووورك يا الزينة

ايه هدي ليك اعقدي وانوي

عين لحبيب عليا وعيني احذاه من هيه
وبصفاوة النية اعرف بلي نبغيه
جاء وقال ليا اللي كنت ناويه

اممممممممممممممممم
تولويلة يووووووووووووووووووووييييييييييي
​

 

[أشرقت]

للغائبين الحاضرين
صح فطوركم
هذي بوقالتك
بسم الله
سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .
​

 

[أشرقت]

للعزيزة ديالي أمينة 16
صح فطورك
و سهرة ممتعة
و هذي بوقالتك أعقدي وانووي
في الساقية يغسل في طريفاتو بالمسك العالي يكحل في عويناتو نطلب ربي العالي إخليه لميمتو ويكتب من نصيبي و يعلي شانو.
شرط : على من نويتها أمونة ؟​

 

[أشرقت]

صح فطوووووووووووووووووركم كاامل​

وصح فطووووووووووووووورك يا الزينة​

ايه هدي ليك اعقدي وانوي​

عين لحبيب عليا وعيني احذاه من هيه
وبصفاوة النية اعرف بلي نبغيه
جاء وقال ليا اللي كنت ناويه​

اممممممممممممممممم
تولويلة يووووووووووووووووووووييييييييييي​

و انت زاده يا العزيزة
البوقالة شابة
ربي يحفظك و يطول في عمرك ​

 

[أشرقت]

حبيبتي جينان صح فطورك
أنوي واعقدي هذي بوقالتك
النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .

سهرة ممتعة ​

 

[أمينة16]

للعزيزة ديالي أمينة 16
صح فطورك
و سهرة ممتعة
و هذي بوقالتك أعقدي وانووي
في الساقية يغسل في طريفاتو بالمسك العالي يكحل في عويناتو نطلب ربي العالي إخليه لميمتو ويكتب من نصيبي و يعلي شانو.
شرط : على من نويتها أمونة ؟​

الله ينورك يا الغالية
الزين ما يجيب غير الزين
هههههههههه يا نقولك مي بيناتنا عمري اوكي :shiny:

اعقدي وانوي

الا أنت برونوس انا حاشية فيك و الا أنت محبس انا وردة فيك و الا أنت تبغيني انا نموت عليك.
​

 

[أشرقت]

غاليتي bouchra*02
صح فطورك
و هذا فالك لهذي الليلة
جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق .

جلسة طيبة ​

 

[أشرقت]

الله ينورك يا الغالية

الزين ما يجيب غير الزين
هههههههههه يا نقولك مي بيناتنا عمري اوكي :shiny:​

اعقدي وانوي​

الا أنت برونوس انا حاشية فيك و الا أنت محبس انا وردة فيك و الا أنت تبغيني انا نموت عليك.​

هههههههههه
شكون هذا الميني للمجهول
أمونة بوقالتك إهبلو
قتلك لازملي فوطو كوبي
الله إخليك و يطول في عمرك
أيا أنوي هذي
بسم الله
أعلميني يا لالا نهار تروحي لحمامك نرفدلك السلة و نمشي قدامك ندور على يمينك و نزيد على شمالك و نبقى لك خديم و طايع على طول زمانك .
​

 

[أشرقت]

حبيبتي ندى
صح قطورك
و هذا فالك
أعفدي ...و انوي
بسم الله
في يدي القمح المسبل ومليت حجري ترفاس
وسعدي الزين المدلل تاجي فوق الراس
على عهدي ما نتبدل لوكان دور قاع الناس
بصحتــــك


​

 

[أشرقت]

حبيبتي أم منصف
صح فطورك
و هذا فالك

الزينة يا زوينة و الزين ربي عطااك
وطبعتك لحنينة وكحل العين وتاك
وردة في جنينة في يد اللي احضاك
يحفظك ربي من لعوينة ويخليك للي بغاك

بصحتك ​

 

[أشرقت]

حبيبتي محاربة الصحراء
هذا فالك أعقدي و انوي
بسم الله
يا لشمس الضوايا يا العالية في سماك لو كان صبتك مرايا و نشوف وجهي بضواك يعود ربحي و غنايا و يقسم سعدي ذاك

بصحتك ​

 

[أشرقت]

حبيبتي تسنيم
صح فطورك و هذا فالك
بسم الله
أقعدت تحت النخلة قالولي دقلة نور جات أدور أطلعت فوق النخلة و بالعسل رشيت الصور معاه المعيشة تحلى حبيبي الساكن في القصور .
بصحتك​

 

[أشرقت]

غاليتي إيمان 09
صح فطورك
و هذا فالك
شجرة ياسمين نايضة في وسط الغرفة عروقها سكنجبير و أغصانها قرفة والله ما ننساك يا زينة الوقفة

يصحتك​

 

[أمينة16]

هههههههههه
شكون هذا الميني للمجهول
أمونة بوقالتك إهبلو
قتلك لازملي فوطو كوبي
الله إخليك و يطول في عمرك
أيا أنوي هذي
بسم الله
أعلميني يا لالا نهار تروحي لحمامك نرفدلك السلة و نمشي قدامك ندور على يمينك و نزيد على شمالك و نبقى لك خديم و طايع على طول زمانك .
​

هههههههههههه
ماشي مشكل نديرلك فوتو كوبي ولا نعطيلك الكتاب
المهم عجبو ختيتو

والله ينورك على البوقالة الزينة

التبق بين يديا و الخاتم في صباعتيا افرحوا يا والديا زهري ولا ليا و اليوم نستشفى في العديان كيما ستشفاو فيا.

​