قعـــــدة بوقاليــــة طيلــــة شهـــر رمضــــان الميــــــارك ( بسم الله انويو )

حبيبتي تسنيم الهناء
صح فطورك
و ان شاءلله ما طوليش
هذا فالك يسم الله
طلبت من الله العوافي رسي كل مغبون ب مينا ويكسي كل عريان وحافو وبعد لهموم علينا
رد الفال لا تخافي عندي تخلاص الغبينة
دير النية بالقلب الصافي والنية باقية في القلوب الزينة
ياربي في كل وافي وغرس الخصايل فينا
بالفال تعود واف وبالنية باقيا الدنيا زوينة


سهرة ممتعة
 
اخــــــــــــتي صحا فطووورك
ربي يعيشكـ اعطيلي بوقالة
في الانتظار
 
اخــــــــــــتي صحا فطووورك
ربي يعيشكـ اعطيلي بوقالة
في الانتظار
صباح الأنوار حبيبتي
أعتذر هذا الطلب ماشفتوش البارح
لكن اليوم نعطيك فالك
حتى ومازال الحال مي ما عليش
أيا بسم الله
الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من خديك و نرد وجهك مرايا يا ربي يا معبود اقبل دعاية يا رجع لي زهو الزمان ويعيا الحبيب قاعد معايا .
 
يللا ياوردة بوقالتييييييييييي
 
داوي داوي ودواكم ما يفيد أبنوا ساس على ساس يسجالي نبني غرفة في العلالي نعيش فيها أنا وغزالي بركة الله الغالي


^-^

 
يللا ياوردة بوقالتييييييييييي

مرحبا سامي
صح فطورك
نورت القعدة
و صحيت بزااف على الزيارة
يالله هذا فالك
بسم الله
دارنا في الجبل مقبلة مكة و فراشها حرير طبقة على طبقة و مصباح الفضة يشعل ما يطفى
سهرة ممتعة
 
لكل المتواجدين هنا
و لو صدفة
صح فطوركم
و سهرتكم ممتعة
و هذا فالكم بسم الله
غرســـت ياســمينــة فــي وســط الدار طاحــو وراقهـــا وحـــد النهــار
قلــت حبيبـي أنسانـي
قـالـي مانسـيتـكـش بلعـانــي
مـالقـيتـش الطيــر ألـي يوصلـك ســـلامــي
 
للغالية أمينة
صح فطورك
سير راكي ما القاطو
الله إعاونك بصح احنا ما ننساوكش
هذا فالك
بسم الله
سجـدة سجـدة وصليت عـلى النــبي الكـريم
وتمــنيت ورفـدت يـدي ودعيــت
ورفــدت عيــنيا وبـكـيت
يــاربي يـاكــريم حققلي كــل مـا فـي قــلبي
ورجـعلي ذاك ألـي طـول عمـري نسـتنـا فيــه
سهرة ممتعة
 
حيبتي تسينيم الهناء
صح فطورك
البارح ما كنتيش واليوم ان شاءلله تكوني
و هذا قالك بسم الله
الطبــــق مـــا بيـــــــــن رجــــلـيـا والخـــــاتـــم مـــا بيــــن يــــديــــا
أفرحـــــي يـــا يـــما سعــــدي رجــــع ليــــا ونسـتشفـى فــي العـــدو كيمـا استشـــفى فيــا


سهرة ممتعة
 
جينـــا ن
وينك يا العزيزة
راكي هنا وما تجوزيش خير ان شاءلله
على كل لما تمري هذا فالك
بسم الله
أقعدت تحت النخلة قالولي دقلة نور جات أدور أطلعت فوق النخلة و بالعسل رشيت الصور معاه المعيشة تحلى حبيبي الساكن في القصور
سهرة ممتعة
 
و هذا الفال لفضيلة
بسم الله
طلبت من الله العوافي رسي كل مغبون ب مينا ويكسي كل عريان وحافو وبعد لهموم علينا
رد الفال لا تخافي عندي تخلاص الغبينة
دير النية بالقلب الصافي والنية باقية في القلوب الزينة
ياربي في كل وافي وغرس الخصايل فينا
بالفال تعود واف وبالنية باقيا الدنيا زوينة

شكرا جزيلا
 
مرحبا بالجميع وصح فطوركم
صح فطورك حبيبتي وردة وش احوالك؟؟
حبيبتي عندي يومين غايبة كنت شوية مشغولة اكي تعرفي كي يقرب العيد
واخر تواجد ليا نسيت ما سجلتش خروج من المنتدى
يعطيك الصحة على البوقالة ربي يعطيك ما تتمناي
انوي الالا هذا فالك من عندي وان شاء الله يعجبك
بسم الله
الاسمر يا لسمر يا شباب الحومة وشبيك غضبان علينا، احنا ما نسواو بلا بيك ، لوجه ربي راضينا وارض علينا.
ههههه منعرف هالاسمر يرضيك ولا يبقى غضبان ؟؟؟
فال عالنية ومعاها تولويلة في خاطرك وخاطر الاسمر هههههههههههههه
يوووووووووووووووييييييييااااااااااااييييييييي
اتهلاي في روحك حبوبة
 
إلى كل المارين من هنا
أعضاءا أوضيوف
صح فطوركم
و هذا فالكم
بسم الله
دارنا في الجبل مقبلة مكة و فراشها حرير طبقة على طبقة و مصباح الفضة يشعل ما يطفى
سهرة ممتعة
 
أمونة صح فطورك
هذي غيبة حبيبتي
خير إن شا ءلله
و فالك حاضر رغم كل شيئ
بسم الله
أمينة يا أمونة وين ما تكوني نرسلك مرسول إذا سكنتي البحر نرسلك عوامة وإذا سكنتي السماء نرسلك حمامة و إذا سكنتي القبر يحاسبك مولانا .
عودة ميمونة
 
حبيبتي جينان
صح فطورك
لأنوي
هذا فالك
أعلميني يا لالا نهار تروحي لحمامك نرفدلك السلة و نمشي قدامك ندور على يمينك و نزيد على شمالك و نبقى لك خديم و طايع على طول زمانك
سهرة طيبة
 
هذا فال سامي
راك روطار
مي على بالي بليك درك تجري
صح فطورك
و هذا فالك
السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها
سهرة طيبة
 
و هذا فالي أنا
ور الـــروح دة
أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح
آمين يا رب
 
و هذي لروح
ور الــــروح دة

و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة



 
ايه يا لالو جين لقيت فالي واجدي تعيشي ومنا ببقدلم غير وحدي مسبقااااااااااا هههه

شكرااااااااااااااااا وردة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top