وعلاه نقتلو فيهم على صغرهم .....

[دنيا البسمة]

احم احم
مساء الخير عليكم
شوفو ما تخلطوش فيا اليوم راني صايمة
بااااااااااااااااااااالكم :schmoll:
المهم رجعنا من جديد نخربشو عندكم
واليوم جاو في بالي لولاد صغار مساكن ومعاناتهم مع شهر رمضان
مرات نلقاو العايلات عندهم طفل صغير يقرى بالاك تحضيري يقولولو صوم بالسيف عليك باش تتعلم
وهو صغير الهدرة وما يعرفش يهدرها مليح
وعلاه راه مازال صغير وراه النهار الطويل والسخانة حنا الكبار وقتلنا وهوما كيفاش_o:
خلو الطفل ياكل يلقى صحتو ومعا الوقت يتعلم يصوم ماراحش يبقى هكذاك
ياك ربي سبحانو ما فرضوش عليه وقال حتى يكبر
اليوم بنت اختي صغيرة قالتنا وعلاه انا ما نصوموش
ناضت معانا للسحور على 11.00 طاحت مصفية
راسها ما قدرتش تهزو
تمشي وتتمايل
وكلتها بالسيف
وضوك راهي تقولي راسي
امالان يا حبابي نقولكم بلعقل عليهم
وما تخلوهمش يكلفو رواحهم بحاجة ما يقدروش عليها
ماعليش يصوم نص نهار برك باش يوالف
وكي يكبر يتعلم يصوم

ان شاء الله نكون وصلتلكم واش كاين في راسي
ورمضان كريم
وصحا فطوركم
وكثرو البوراك راني نحبو موووووووووووووت
​

 

[sahiko hamza]

وعليكم السلام
عندي انا هدي الطريقة الصحيحة

بويسك منو جاي يطيحلك رمضان في عزة الصيف ....
​

 

[adel-mz]

سلام
صح عندك الحق الاخت :re_gards:
ربي يجيب الخير.
شكرا

رمضان كريم
​

 

[دنيا البسمة]

merci على المرور
رمضان كريم

 

[الحاج الطيف]

واش يكون رمضان وصعوبته وقت الصوم صوم

 

[amouna ghazel]

ya3tik el sa7a 3la el mawdo3 ana khouya el sghir ki bgha ysom ma khalinahch psk mazal sghir w el youm rahi skhana bezaf mba3d w sahel ramdan mazel fih 29 wela 28 jours nchalah w ysom

sa7a ramdankoum w sa7a ftorkoum

 

[nassim007]

عندك حق اختي


شكرااا على الموضوع



ناضت معانا للسحور على 11.00 طاحت مصفية


تصحرو علا 11 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
​

 

[دنيا البسمة]

ya3tik el sa7a 3la el mawdo3 ana khouya el sghir ki bgha ysom ma khalinahch psk mazal sghir w el youm rahi skhana bezaf mba3d w sahel ramdan mazel fih 29 wela 28 jours nchalah w ysom

sa7a ramdankoum w sa7a ftorkoum

يا اختي حتى انا قلت هكذاك رمضان مازال طويل ومادام صغير ماشي شرط يصوم 30 يوم
صح يتعلم مي بزاف عليهم حنا كبار وماقدرناش

 

[♥بنت عنابة♥]

انا راني معاك في وش قلتي
وليد عمي صغير وفي عمرو 10 سنين رحت ليوم والله لقيتو صايم
قالي انا لي حبيت يصوم وامو تقولو افطر وهو يقلها لا

الصغير مليح يصوم بالصح ماشي بالسيف غير كي يحب هو
صحا فطورك و صيامك في الجنة انشاالله​

 

[ماكانش]

يعطيك الصحة على الموضوع الزين
مليح كيما كنا بكري يخليونا بإرادتنا
ويقولونا صومو نص نهار برك وافطرو ههههههه

 

[دنيا البسمة]

عندك حق اختي​

شكرااا على الموضوع​

ناضت معانا للسحور على 11.00 طاحت مصفية ​

تصحرو علا 11 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟​

هههههههههههههههههههههههههههههههههههه

يعني كي لحقت ال 11.00
ههههههههههههههههههههههههه
شكون اللي يتسحر على 11.00​

 

[دنيا البسمة]

يعطيك الصحة على الموضوع الزين
مليح كيما كنا بكري يخليونا بإرادتنا
ويقولونا صومو نص نهار برك وافطرو ههههههه

انا لوكان نصيب نصومو ساعة
ههههههههههه​

 

[*عزة الاسلام*]

يعطيك صحيحتك على الموضوع
بصح ختي
ساعات هم يبداو يبكوا ويقولو نصومو بالسيف ونتي وقتها واش تديري معهم
خويا المازوزي في وقت منين كان صقير صام اول يوم
وبدا يصفار
(كان هذا قبل عامين )
بصح والله مافطر وبقى مصر على انو يكمل اليوم تاعو..... عند وما شتاش يسمع الكلمة
*/
عندك الحق ما لازمش نصوموهم بالسيف
*/
بصح الوقت الي راهو جاي راهو صعيب عليهم
رايح يكون رمضان في السخااااااااااااااااانة
معناتها اليوم لول يصوم نص
واليوم الزاوج نص وربع وهكذاك بشوي حتى يكون في نص رمضان يقدر يصوم الي بقات منو
باش نديرو احتياطنا
(نهدر على الصقار الي ما يعندوش ويقولوا صايي ما قدرناش نكملو النهار)

​

 

[bombardino]

ياو عادي
هما الي يبغو يصومو ماكانش الي مسيف عليكم
​

 

[Sanaa-Antar]

يعطيك الصحة ختي
رمضان كريم و مبارك عليك ​

 

[هدى]

مليح اختي الصغير يصوم وقت الصغر
بصح مش اجباري منها يتعلم ومنها يوالف
بصح مش لدرجة واحد يقرى تحضيري
بصح كاين ناس ولادها في عمرهم 13 وتقلك مازال مش حق عليه ما يصومش
واشمن مش حق عليه لازم الانسان يبداوا والديه يدربوا فيه من الاصغر مرة على مرة يصوم نهار ومش راح يموت
ياك ساعات الولاد الصغار والله يدي نهار كامل وهو يلعب برى وما يوكل والو وكي تعود في الصيام راح تجيه صعيبة
على العموم شكراااااااااا على الموضوع اختي وصحا فطورك
​

 

[ما فهمت والو]

ربي يجيب الخير

 

[دنيا البسمة]

سلام عليكم
كل واحد فيكم عندو الحق في واش قال
وانا تاني عندي وليد خالي كان في عمرو 11 سنة ولا كثر يماه تقولو افطر وليدي مازالك صغير ما تصومش
وكي كان وقت البرد ديجا ماشي هاذ الوقت