روح تاكل خير علاش تعدب في روحك

[tarek-83]

السلام عليكم و رحمة الله و بركاته اعضاء منتدانا الحبيب
انا اليوم جبتلكم واحد الموضوع في ما يخص واحد الظاهرة راها مزالت في بلادنا
و راهي محيرتنا بالنسبة للناس الي راهم يصومو رمضان و و يسناو المغرب باش يفطرو و امبعد ما يخرج من الدار و تلاقيه يقولك صحا فطورك و انت تاني و يسلم عليك

المشكلة موش في هدى ولا في الصيام المشكل انو مراهش عنبالو واش راه يدير علاش مراهوش يصلي اصلا و الله ما يعرف انتاع ريي و تلاقاه حالتو حالا و ممكن تلقاه داير كتمان و لا م ب تروا و داير غنا في ودنيه و لا ماشي في السيارة و داير موسيقي و عنبالو راهي حاجا نورمال و راه صايم

لا صلاة و صيام ألي ميصليش و ميتوبش على المحرمات في شهر رمضان غير يريح ترونكيل

يكل برك و يشرب غير ميعدبش روحو

 

[hayet bicho]

وعليكم السلام وي خويا عندك الحق رمضان ماراهش تاع صيام برك وتحبس الماكلة والشراب حتى يأدن المغرب رمضان راه شهر العبادات والصلاة راهي هي عماد الدين كيفاه يقدرو يصومو بلا ما يصلو !!!!!! والله تحير ربي يهديهم ويهدي جميع شباب المسلمين

 

[Jeune Sghir Mc]

صحيح يا صاحبي
لي يصوم وحاب ربي يقبل منو يصوم على كلشي
باه يرضي ربي
والناس gـاع فسدتلها العقلية
ربي يهدينا
سلام
.
.
.
​

 

[tarek-83]

وعليكم السلام وي خويا عندك الحق رمضان ماراهش تاع صيام برك وتحبس الماكلة والشراب حتى يأدن المغرب رمضان راه شهر العبادات والصلاة راهي هي عماد الدين كيفاه يقدرو يصومو بلا ما يصلو !!!!!! والله تحير ربي يهديهم ويهدي جميع شباب المسلمين

امين يا رب العالمين نتمنا تكون آدان صاغية في هدا المنتدى

 

[tarek-83]

صحيح يا صاحبي

لي يصوم وحاب ربي يقبل منو يصوم على كلشي
باه يرضي ربي
والناس gـاع فسدتلها العقلية
ربي يهدينا
سلام
. ​

ألي ما يصليش غير ياكل برك

 

[youba115]

الهم تقبل صيامنا وقيامنا وجعلنا من الفائزين برمضان

 

[nassim007]

نسمع غنا نووورمال

بصح نصلي
​

 

[حطيست1]

ربـي يهدي برك آ حبيبنآ ، هذا مانقدرو نقولو

كل وآحد واش يشوف فـي الدنيآ هآدي وتبالي كلمات كيما هادي ماتخليهمش يفهموا

نطلبو من ربـي يهديهم وخلآص

 

[نسيم الربيع]

هاذو كامل شوي
شوف هذاك اللي يسب والديه ويعيط عليهم ويقولك الله غالب رمضان
واللي يطيح ربي حشيش ويقولك رمضان متخلطوش فيا
اللي يسمع هكا يقول رمضان هذا شهر المنكرات على حسابهم
مارسي عليك​

 

[tarek-83]

نسمع غنا نووورمال ​

بصح نصلي​

لا يجوز اصلا باش تسمع لغنا في رمضان لانو اصلو حرام
شكرا على المرور

 

[fufa22]

ربي يهدي
**
​

 

[{مُدَلَّلَتُهُ}]

rabi yehdi ma khla9 7asbine el syam ghi 3la el makla w chrab li ma ysalich ghi yro7 yakoul psk hada ga3 mechi syam

rabi yet9abel mena w menkoum

sa7a ftorkoum