كيفاه تكون حالتك في السحور

[السلطانة]

صحاااا فطوركم
وصحا سهرتكم
صيام مقبول ان شاء الله
......
عندي دهر مكتبتش سخفت ندير موضوع كيما تقول نوغi-o:
موضوعي اليوم هو على ​

السحور :shiny:
حبيت نعرف حالتكم كي تنوضو تسحرو كيفاه
انا عن روحي
سواء بقيت ساهرة او رقدت ونوضوني ننوض فرحانة نحطو العيد :shiny:
ننوض مبسوطة اوي اوي
وكأني حلمت بفارس أحلامي

وفي المقابل عندي خويا

يالطيف:scared:​

وسعولو من الطريق​

ينوض مشنف
ميشوفناش خلاه
يشوف غير السني تاع الماكلة
ياكل ويجي مقدم يرقد
تقول مهبول ههه
حتى تشدو ماما من التريكو

بروصي سنيك
وصلي ووباش ترقد
:sheer::sheer::sheer::sheer:
وانتوما كيفاه تنوضو؟​

هيا عبروا​

اهدي تحياتي الى​

امي وابي وصديقتي ابتسام وجماعة ليمونغو ونوغ​

بلاما ننسى هادو الفنيانين لي لابسيف ينوضو في السحور :like_1::like_1:​

bilal22ا
و
ا لنورس

وعمو سام حسامو لي غالبو رمضانو ويجيبها نهار كامل وهو راقد ههه
ياو بخصت بيك على المباشر :tongue_1::tongue_1::like_1:
هات عمي المشرف يقبللنا الموضوع برك حتى هو نهديلو تحياتي:tongue_3::tongue_3: ​

 

[السلطانة]

حالياً الأعضاء النشيطين الذين يشاهدون هذا الموضوع : 3 (2 عضو و 1 ضيف) ‏شرطية اللمة, ‏ابتسام القالمية+​

حكمتك حكمتك

 

[هــــيلدا]

ننوض فرحانة نحطو العيد :shiny:

ننوض مبسوطة اوي اوي
وكأني حلمت بفارس أحلامي
​

​

هههههه قاوية هادي بزااااف،،

علا روحي انا منرقدش نبقا كي البومة حتى وقت السحور، نولي ندور عليهم نوضهم و ندير الحس ومن بعد كاشما نوجدلهم يتسحرو ،نصلي ونطير نرقد حتى 11 تاع الصباح :sheer:
​

 

[ღحنين الروحღ]

اس اس السلام عليكم
كيفك يا مجنونة
ههههههههه نهار كامل وانت تهدري على الماكلة نفسي نشوفك باينة وليتي بختة"ههههه نتمسخر"
صحا فطورك وتقبل الله صلاتك
اوووووو فرحانة لاني انا الاولى الي نرد
ههه
اما عن موضوعك فانا مانصحرش ياو كي نفطر راني مليحة ناس تتعب فالصيام وانا نتعب من الفطور
وش نحكيلك ماما تعيط باه نكمل الطرف نتاع الكسرى
اما عن
السحور "الله يعافينا تتكتب صحور احسن"
مانصحرش نوض نصلي وشربت ماء وخلاص
ولابسيف نرجع نرقد
اووووو طولت
موضوع هايل يا منغولا ميرسي
ودمتي بخير يا قشطة
تحياتي:tongue_3::tongue_3:
وصحيتي على الاهداء​

 

[ღحنين الروحღ]

حالياً الأعضاء النشيطين الذين يشاهدون هذا الموضوع : 3 (2 عضو و 1 ضيف) ‏شرطية اللمة, ‏ابتسام القالمية+​

حكمتك حكمتك

هههه حكمتني
كي قريت سحور قلت بالا الطفلة ولات سحارة فالعطلة +ماكانش خدمة قلت تحكمي بيها يدك
هههههههههههه
الصحور يا بنت
هههه باينة قتلك رمضان

:shay:
بحبك​

 

[آمِيْرَتُه]

صحا فطورك شوشو

والله يا شوشو كي نوض فالسحور نوض قاع دايخ و الله نهار الثاني كي نوضتني

ماما راني زدمت فالباب كنت ميت نعاس،لو كان ماجاش سنة و الله مانوض و نخاف تاني لا نجوع ههههه


صحا صحورك و ننتظر مواضيع جديدة

 

[السلطانة]

[/CENTER]

هههههه قاوية هادي بزااااف،،​

علا روحي انا منرقدش نبقا كي البومة حتى وقت السحور، نولي ندور عليهم نوضهم و ندير الحس ومن بعد كاشما نوجدلهم يتسحرو ،نصلي ونطير نرقد حتى 11 تاع الصباح :sheer:​

i-o:اهلا طاطا عاش من شافك
وليتي كي الظل متبانيش
:sheer::sheer:خخ ا لسهرة ماشية في الدم
وكي ترقدي انتي شكون يسهر سهرتك في فايدى مقارتي ينضو يلقاو كلش ساجي
صحيتي على المرور
تحياتي:re_gards:

 

[ღحنين الروحღ]

‏ابتسام القالمية, ‏NOUR_light, ‏شرطية اللمة+, ‏zaho1994

بصحتكممممممممممم
​

 

[zaho1994]

السلام عليكم
صح فطور اختي
انا كي نوض فالصحور مانحكيلكمش نكون قلقاااااااااااااااانة الروضة مادورش
مانحبش حتى واح يهدر معايا
انا نانشتيش نصحر كيما اليوم ماصحرتش نوض نصلي ونرجع نرقد
مشكورة اختي

 

[الورد الأحمر]

مغسي مغسي شوشو عالاهداء
يا بشبش وصحا فطورك وسهرتك
ومغسي عالأس أم أس لي بعثتيلي
...
أنا في السحور معظم الوقت راني
كيفك كان سهرت ونضت ولا نوضوني
انوض فرحانة ونحكي ونضحك حتى
يقولولي معرف منين تجيبي ليناغجي
هدي والـgـوسطو تاع الشغلة مع الصباح
...
وعندي اختي تنوض بعينيها مغمضين
وما تهدرش تبقى غير تقول مم ممم ممم
والأمم مم مم هدي تقدر تعني حطيلي
لحليب ولا هاتيلي فنجان ولا ...
حتى تبدا ماما تعيط عليها تقوللها
افتحي فمك وانطقي كيفاش رايحة نفهمك
...
وخويا تاني ينوض كيفي زاهيتلو يضحك
ويتمهبل ونحكمو يدينا باختي لكبيرة
وكل عام مع السحور نولّيو نعيطولها
زيتونة تاع باباي رجل البحار هههه
...
ريم بعد تبقى تتمهبل معايا ونجيبو
الوقت تاع السحور مع الضحك حتى نوضو
من الطابلة نروحو للبيت كل واحد فينا
يعبي مصحف ويقرى قرآن حتى يأذن الصبح
نصليو ومنهم لي يرقد منهم لي يكمل يقرى
قرآن ... والمهم من بعد نرقدو حتى للـ11
...
مغسي شوشو عالموضوع راني درتلك جوغنال
...
بسيف لا رجعت فيا الروح ... وقدرت نكوناكتي
نوغمال ... لعشية جيت مي ما قدرتش
...
هيا سلامو بشبش واتهلاي في روحك
سلامو

​

 

[amina_b]

هههههههههههه
صحا فطوركم
انا تنوضني ماما بالسيف تروح وتجي عليا الف مرة باش نوض نشرب الحليب ونروح
تعيشي ختي علي الموضوع
وابقاي ديما افرحي للسحور باش متخليلهم والو ههههه
ودي
​

 

[الورد الأحمر]

‏ابتسام القالمية, ‏NOUR_light, ‏شرطية اللمة+, ‏zaho1994

بصحتكممممممممممم
​

مغسي ابتسام
صحا فطورك
:sheer::sheer:
سخفتيني
​

 

[هــــيلدا]

‏ابتسام القالمية, ‏NOUR_light, ‏شرطية اللمة+, ‏zaho1994

بصحتكممممممممممم
​

يااااااه سخفتيني :luve_2:
بالمعريـــــــــــــــــفة :tears::sneaky2::sneaky2: نشكيك لربي :crying_1::crying_1::crying_1:
​

 

[السلطانة]

:music_whistling::sad:

اس اس السلام عليكم
وعليكم السلام ههه وليتينا الشاب حكيم
كيفك يا مجنونة
:sheer:تعرفي نهبل من النشعات وجهي تصدع :sad:
ههههههههه نهار كامل وانت تهدري على الماكلة نفسي نشوفك باينة وليتي بختة"ههههه نتمسخر"
والله غير تشوفي حالتي تدهشي نخليهالك سيربريز :sadwalk:
صحا فطورك وتقبل الله صلاتك
الله يسلمك وانتي زادا
ان شاء الله لينا وليكم
اوووووو فرحانة لاني انا الاولى الي نرد
ههه
:sheer::sheer:اسناي نزغرت
كنتي طالسة ورايا كي كنت نكتب في الموضوع i-o:
اما عن موضوعك فانا مانصحرش ياو كي نفطر راني مليحة ناس تتعب فالصيام وانا نتعب من الفطور
مازلتي في احتياط وترقب خوفا من الماكلة ههه
وش نحكيلك ماما تعيط باه نكمل الطرف نتاع الكسرى
مازالت خايفة من حاجة اسمها سمنة
:closedeyes:

اما عن
السحور "الله يعافينا تتكتب صحور احسن"
مانصحرش نوض نصلي وشربت ماء وخلاص
ولابسيف نرجع نرقد
السحور وصى بيه الرسول عليه الصلاة والسلام
وهو بركة ياهبلة صحبة الهبلة

اووووو طولت
موضوع هايل يا منغولا ميرسي
ودمتي بخير يا قشطة
ايوا هو دا هههه
انا قشطة وانتي موزة خخخ
اهو صرنا بنعاكس زي الشباب المصريين
خخخ
تيمو نفع فينا
تحياتي:tongue_3::tongue_3:

وصحيتي على الاهداء
:shay:​

شكرا على المرور الامور
jtm ​

 

[هدى]

تاعمن البوقوسة هادي خمسة وخموس عليها
ربي يحفظها غيرني شعرها انا تاني راح نطول كيفها
​

 

[**سارة**]

هههههههههههه
اهلا شوشو واش راكي صحا فطورك
ههههه عجبتني بزاف تاع فارس أحلامي هادي احم احم هههههه من بعد نحكيو بيناتنا يزيدو يسمعونا ههههه
انا مانوضش نصحر كيما نسهر في الليل ناكل ونرقد خطرة فالفال نوض نسحر برك وكيما نوض ندير كيما خوك بعد ههههههه سالي عليه ( اسمعي كبير ولا صغير هههههه)
ها جدك نورتينا بموضوعك المليح كيما نتي
يعطيك الصحة حبيبة ربي يحفظك
صحا رمضانك
سلامو ​

 

[الورد الأحمر]

حالياً الأعضاء النشيطين الذين يشاهدون هذا الموضوع : 11 (9 عضو و 2 ضيف)
‏NOUR_light, ‏**سارة**, ‏أسماء الجزائر, ‏هدى, ‏المتفائلة_91, ‏ابتسام القالمية, ‏بنـ MaPa ـت+, ‏شرطية اللمة+, ‏
°Wishes°

بصحتنا الفوطو
بصحتكم لبنات
ربي يحفظكم
​

 

[المتفائلة_91]

انا الصراحة نوض كيما خوك وماذابيا ما نوضش خلاص ، غير بابا يبقى رايح جاي نوووووضي ، تبقاي تداوخلينا غدوة نبقاو بلا فطور هههه(على مصلحته) ،


يعطيك الصحة على الموضوع الزين ،


صح فطورك وصح صيامك



سلام​

 

[هدى]

ايييييييييييه يا شوشو واش نحكيلك لكان انتي تنوضي فرحانة تقول عيد
اكي رايحا تعبي كرشك وعلاش ماتفرحيش
انتي على كرشك تخلي عرشك ههههههههه
انا والله نوض الدنيا مش شايفتها قدامي نوكل بعينيا مغمضين ونصلي بيهم مغمضين
ونرجع نرقد بيهم مغمضين ونوض مشنفة كيف خوك نليقو على بعضانا
ماقتليش قداه عمرو خوك هههههههه
المهم كي نوكل ونرقد ونوض مجددا باش يبدا يوحلي الكلب والتشناف
بصح كي نلقى حاجة مليحة تفتح الشهية نوض فرحانة لكان لقيت الدعوة مشيحة انا مشنفة خليقة ونزيد نقلب خشمي لفووووووووق للسما
​

 

[السلطانة]

:tongue_3:

صحا فطورك شوشو

والله يا شوشو كي نوض فالسحور نوض قاع دايخ و الله نهار الثاني كي نوضتني

ماما راني زدمت فالباب كنت ميت نعاس،لو كان ماجاش سنة و الله مانوض و نخاف تاني لا نجوع ههههه


صحا صحورك و ننتظر مواضيع جديدة

الله يسلمك وانتي زادا :sheer:
ههه اي السهرة واش تدير
كي تسهر متنجميش تنوضي راسك يتصدع خخخ
شكرا على المرور
:re_gards:

‏ابتسام القالمية, ‏NOUR_light, ‏شرطية اللمة+, ‏zaho1994

بصحتكممممممممممم​

يمممممممممممممم يسلمك :showoff:وخليلي شوي نفليكسيه تاني :shay:

السلام عليكم
صح فطور اختي
انا كي نوض فالصحور مانحكيلكمش نكون قلقاااااااااااااااانة الروضة مادورش
مانحبش حتى واح يهدر معايا
انا نانشتيش نصحر كيما اليوم ماصحرتش نوض نصلي ونرجع نرقد
مشكورة اختي

وعليكم السلام
اهلا اختي زاهو
الله يسلمك وانتي زادا
ههه انتي تاني كيما خويا تنوضي مقلقة
لوكان جيتي اختي راني هبلتك تنوضي تصرفقيني
صحيتي اختي على المرور الطيب
تحياتي