رسالة من العضو بيكهام و nassim007 الى اللمة كرهنا خلاص يااااو

[بيكهام]

برعاية الراعي الرسمي لموت الشباب

حياتنا النفسية ​

توقف عن التدخين​

سلام عليكم لحباب
واش راه داير فيكم رمضان ؟؟؟؟
///////////
المهم اليوم جيتكم انا وبن خالتي nassim007
وحبينا نحكولكم على واحد الحاااجة لتعبتنا بزاااف وصبنلهاش حل وهي التدخين

او بيما يعرف ب الدوووخان

ميهمش التسمية لتهم الرهج وسم لفيه قتلنا والله
متقدر تمشي متقدر تجري تطلع سكاليات تموووت تولى تعرق وتتنفس بقوة تقول رايح تموت
راه قتلنا صح كاش نهار تسمعوبينا هوا اللي بطلنا
مشي حنا عيانا صح
ندمنا ندمة صح وش دانا ليه
هذا سي نسيم يشعل في قارو انتاع بعد الفطور

مالا نوصيه لي جان لي مراهش يتكيف غير يكمل هكاك
..........

وحنا لنتكيفو شوفولنا حل ليينا وماتدوهاش بلي رانا ضعاف ولا
...............
لهذا رانا قررنا من اليوم ان شاء الله نحبسوه بصح بشرط ؟؟؟

لهو : انتم عاونونا شوية برك الله يخليكم ادعولنا ولا اعطونا نصائح ولا ....الله يسهل المهم حطو يديكم معانا شوية

في الاخير تقبلو تحياتنا من بيكــهام/dj bob ونسيم 007
وادعوولنا الله يرضي عليكم الوالدين
ونستناو رايييــكم ونصائحكم
تشاو تشاو
اذا كنتو تشوفو في موضوع يستاهل تقيم الف شكرا ليكم
واذا لالالا ربي يسهل والف شكرا على زيارة

​

 

[programmeur]

أيا ربي يعاونك خوووووووو
كي دوقو دوقة وان شاء الله يحبس الكل

أقعد تنقص منه غيل بالشوية حتى تقوله باي باي

 

[°/°مبدعة اللمة°/°]

ربي يسهل ليكم خوية
ويجعل ليكم لي فيه خير وحاولو تنقصو منو شوي شوي حتى تتعودوا
​

 

[FØùfà Bïô]

آآآهـ من الدخآن ..

نحير وآش فيه من بنّــه .. غير يهلك الصصح‘ــه ويتعبهآ ..

آنآ نكرههـ للدم ..

وزيد يلي يحمصص .. يلي يتكيف ميحترمش روحه ويتكيف وحدهـ وبعيد عن الغآشي ..

لآلآ .. يتكيف كي يولي في وسط لمّــه .. مكفآهش ضضر روحه

يزيد يضضر لعبآد لخرين ..

يع‘ـطيكم الصصح‘ـه كي خممتوآ تبطلوهـ .. والله آحسسن قرآر ..

ربي معآكم ويسهللكم .. وآن ششآء الله تبطلوهـ ..

وصصحآ رمضضضآنكم ^^
​

 

[{مُدَلَّلَتُهُ}]

rabi yehdikoum w y3awenkoum bach tbatloh na9so ghi b chwia 7ata t7absouh w rana f ramdan hadi ocasion bah t7absouh rah mechi s3iba li9elha bark chwia volanté

sa7a ramdankoum

 

[POLIYANA]

خويا ماظنيتش تقدر تحبسو هكدا مرة وحدة ابدا نقص غير بالشوية وخاصة ضرك راك في رمضان يعني النهار كامل بلا بيه
كنت تتكيف 3 ورا الفطور اليوم دير زوج ومن بعد واحد وحتى تقول اخطيني منو وخلاص ماتحسش بيه ان شاء الله
المهم كي نويت ورايح تبدا هادي الخطوة كبيرة بزاف ربي يقدركم ​

 

[الخيزران]

هاذي حملة وعليها الكلام
شكرا الأخوين نسيم وبيكهام
لازم البنات ثانة يعاونوكم تحبسو
لي عندها خوها .زوجها .باباها,خطيبها,الخ يكمي الدخان ما تهدرش معاه حتى يحبس

 

[miss-imane]

والله هاذي خطوة مليحة بالبزااااااااااااف ان شاء الله ياربي يعينكم باش تبطلوه والله انا نحير فيكم كيفاش تكميو في الدخان h 24 والله مافهمت والو واشمن بنة فيه المشكل راه يديرلكم المرض برك واش نقلكم راكم ديجا درتو حاجة 4 باش تحبسو على هذا الفيروس :scared:ربي يكون معاكم ايا نخليكم وصح فطوركم

 

[~هدا السكون~]

جزيت خيرا على الموضوع المهم
لا ادري لم اهذا الاقبال عايه
شكرا على التنبيه

 

[Houda Chaouienne DZ]

ربي يعاونكم خاوتي نسيم و بيكهام إن شاء الله
خطوة مليحة .. رحلة الاف ميل تبدأ بخطوة
إذا عندكم إرادة حاجة ماتردكم
و استغلوا فرصة رمضان باش تتخلصوا منو
و اطهلاو في والديكم مليح يرضى عليكم ربي و يعاونكم
و عليكم بالدعاااء لانه السلاح الوحيد للانسان في هذه الحياة
و تذكروا بلي راهم معاكم خاوتكم هنا فاللمة نستناو النهار لي تقولولنا بلي راكم اقلعتو ع التدخين نهائيا
و نفرحو بيكم ان شاء الله

شكرا لكم على هذه الخطوة و ان شاء الله تتخلصو من هاذ السم كي نهار اليوم
​

 

[بنـ MaPa ـت]

وعليكم السلاام

راهي جاتكم الفرصة باش تبعدو عليه
حاولو بعد الفطور ماتتفكروهش ومايغركمش الشيطان وتقولو نديرو جبدة خفيفة
وديرو في بالكم الناس لي تتكيف تكبر بالخف ماشي في المظهر...تولي ماتقدرش دير سبور كيما قلت تولي ديما عيان وتحكمك الفشلة + الدخان يدير القلب ويعييه.....وفيه بزااااف اخطار على الصحة راكم تعرفوها بصح ربي معاكم علابالي لي ماتقدروش عليه...
المهم كل ماتفطرو انساو لي نتوما تتكيفو
+ كولو الشوينgوم في السهرة بزاف معليش تسماطلكم حبة زيدو وحدوخرة ههه
هو صح الشوينgوم ينحي ريحة الدخان برك مي معليش جربوه بالاك هو يحبسولكم

وربي يكون معاكم

تحيآآ’’تي
​

 

[هدى]

[URL="http://lnks1.org/showlink.php?link=aHR0cDovL3d3dy5tYXppa2FvLm5ldC92Yg=="]
[/URL]
خطوة رااااااااائعة منكما اخوايا
وخطوة الالف ميل تبدأ بميل وواثقة بأنكما ستحققان نتيجة ايجايبة
اذا عزمتما على تحقيق هدا التغيير

وهذه بعض نصائح الدكتور حسان للمدخنين الذين برغبون في التوقف عنه

نصائح تساعدك على ترك التدخين:

1. حدد الوقت الذي تنوي فيه التوقف عن التدخين، في عطلة نهاية الأسبوع مثلا.
2. قبل أن تتوقف عن التدخين، حاول أن تغير نوع السجائر إلى نوع لا تحبه من السجائر، ثم اتلف السجائر والكبريت وصحون السجائر التي لديك.
3. قم بزيارة طبيب الأسنان، ودعه يزيل عن أسنانك بقع النيكوتين.
4. ابتعد عن أصدقائك المدخنين واشغل نفسك في اليوم الذي تقلع فيه عن التدخين بأعمال كثيره، اذهب إلى اماكن خاليه من التدخين كالمخازن الكبرى(سوبر ماركت) وغيرها.
5. استعمل العلكه (اللبانه) أو أقراص النعناع والفواكه عندما تشتهي تدخين سيجاره ما.
6. لا تحمل معك سجائر، ولا تدخن مباشرة عندما تفكر بالتدخين. انتظر مضي عدة دقائق. وخلال هذا الوقت حاول أن تغير العمل الذي كنت تقوم به.
7. ابتعد عن كل ما يثير رغبتك في التدخين، ولا تدخن أبدا أثناء مشاهدة التلفاز.
8. فكر دوما في الآثار السيئه التي يتركها التدخين على صحتك. وفكر في المال الذي توفره على نفسك وعائلتك بالإقلاع عن التدخين.
9. نظف أسنانك ثلاث مرات يوميا، وتناول كميه كبيره من الماء والعصير وأكثر من تناول الفاكهه والخضار، ومارس نوعا من الرياضه.
10. عليك أن تتوقع حدوث بعض الأعراض عقب التوقف عن التدخين كالصداع والسعال والإمساك والدوخه والتهيج وتغير المزاج أو بعض الهمود، ولكن لا تشغل بالك أبدا بهذه الأعراض، مهما كانت شديده، فإنها لا تهدد حياتك بالخطر، وعادة ما تختفي خلال اسبوع أو اثنين. وتذكر دوما كم تجني من التوقف عن التدخين.
11. انظر إلى نفسك تجد أن رائحتك أجمل وتنفسك أسهل.
12. تذكر أن التوقف عن التدخين ليس سهلا، إلا أنه ليس مستحيلا. ولا تشعر بالخجل أو اليأس إن فشلت في الإقلاع عن التدخين لأول مره بل حاول التوقف من جديد.

اتمنى لكما التوفيق باذن الله ونتيجة ايجابية
http://lnks1.org/showlink.php?link=aHR0cDovL3d3dy5tYXppa2FvLm5ldC92Yg==​

 

[هدوء المطر]

خويا بيكهام و خويا نسيم

▓▓(_̅_̅_̅_̅_̅_̅_̅_̅_̅_̅()ڪے
......
◄ إذا كان راكم تشوفو بلي الـgــارو حلال و علاه ما تسميوش كي تعود رايحين تشربوه ؟؟؟ و تحمدو ربي بعد كل gـــارو ؟؟؟
.......
◄ و إذا كنتو تشوفو بلي الـgــارو نعمة و علاه طفيه بسباطك ؟؟؟
.......
◄ و إذا راكم تشوفو بلي الـgــارو حاجة نورمال و علاه ما تشربوش قدام والديك ؟؟؟
.......
◄ و إذا راكم تشوفو بلي الـgــارو عندو متعة سـpــيسيال و علاه مالا ما تعلمهاش لأولادك ؟؟

إستغلوا رمضان باه تتخلصو من هاذ السم اللي راه يهلك في صحتكم

ربي يهديكم و يقدركم باه تبطلوه إن شاء الله

صحا فطوركم
​

 

[مرام التيبازية]

سلام
واش خويا نسيم وبيكهام مكاش واش نقولكم غير ربي يهديكم وانشاء الله تحبسوه وطبعا لازم تكون الارادة وربي يعاونكم باه تحبسوا هاد السمّ والهمّ وراه يهلّك فيكم ونقصوه غير بشوية حتى تتعوّدوا.
ربي يعاونكم ورانا هنا ندعولكم وربي يرضى عليكم.

تقبّلوا راي اختكم مرام التيبازية(امينة42)
احبكم في الله يااحلى واغلى ناس

 

[assinat]

الله يوقكم في هذي الخطوة انشاء الله

جمعة مباركة صح فطوركم

 

[Orodent]

حاجة بزآف مليحة كي خممتو تبطلو
مي لآزمتلها شوي صبر وقوة وارآدة برك
ونشآلله تخطوه وتبطلو منو
ربي يوفقم خآوتي ويحسن عونكم​

 

[zahya]

ربي يعاون خويا ورمضان هو الفرصة الدهبية للتخلص من هدا السم استغل الفرصة وحبس غير بالشوية نهار بنهار ربي معاك

 

[hayet bicho]

مليح ربي يكون معاكم وتقدرو تبطلوه كامل ان شاء الله وما تولوش ليه مي لازم تبطلوه شوية بشوية وباه ما تحسولوش بزاف

 

[معاك يا الخضراء]

سلام عليكم
يعطيكم الصحة
ربي يعاونكم ان شالله و تبطلوه
لازم الارادة برك تكون قوية
وهاكم عمبالكم بلي غير يهلك ومايخليكش تعيش حياتك

عجبتني الصورة تع اختي المدخنة ههههه
راني ماندخش ههههه

او راك نسيت حاجة
الدخان يصففففففر السنييييييييييييييييييييييييييييين
بعععععععععععععععععععععععع

بالتوفيق اخوتي

​

 

[dendor]

السلام عليكم خاوتي
والله عندكم الكوراج والرجلة كي عرفتو بلي ماهوش مليح وحابين تبطلوه
وهاكم تشوفو الأضرار تاعو وراكم عايينها
يتعب ويخليك متقدرش دير ابسط حاجة تحتاج مجهود
حاولو نتوما في رمضان متجبدوش جبدة
في السحور وبعد الفطور في البداية راح تعودو تتعصبو على اتفه حاجة
وريسانكم يوجعوكم مي سمانة سمانتين توالفو ومعادش تحسو بوالو
وربي يعاونكم نشالله
تنحو عليك الهم هادا
تقبلو مروري

​