مطبخك في رمضــــــآن سيدتي * الجـــ 2 ـــزء*

[ibtesem]

صح فطوركم يالبنات وينكم

 

[imane27]

فلوسة اختى الف مبروك عليك المسابقة والله تستاهلى

 

[عفاف الجزائرية]

صحا فطوركم بنات
​

 

[nada242008]

اليوم طيبت بيتزا صورتها غير هي راح عليا الحال ومالحقتش

بصح صورتلكم سينية التاي
جا رووعة الف شكر يا روز على الوصفة
والله كنت خايبة جدا في التاي واليوم اول مرة يجيني هايل

وهذي الكفاتيرة هههه بالدليل

زوووم

صح فطور الجميع

 

[amina-amouna]

السلام عليكم :shiny:

واش راكم لبنات مشاء الله عليكم طوابلكم يشهو

انا اليوم درت الكعك نتاع الدار ورني حطيتلكم الصورة ان شاء الله يعجبكم

وصح فطوركم كامل وصح رمضانكم:sheer::sheer::sheer::sheer::sheer:

 

[imane27]

صح فطوركم لبنات
ندى لبيتزا جات تشهى ولا تاي الله الله عليه بصحتكم
امينة نونا كعك هايل لوكان غير تحطلنا الوصفة

 

[l'algeroise]

مساء الخير عليكم صح فطوركم
ibtessem و imane صح فطوركم تاع البارح أطباق يشهيو
أم ندى البيتزا جات هايلة بصحتكم
الكعك مشاء الله امينة امونا​

 

[faloussa]

صحا فطوركم البنات
وشكرا لكل من باركلي على نجاحي في المسابقة الله يخليكن
انا اليوم كان فطوري شوربة وبوراك وكفتة نتاع الدجاج اليكم صورة نتاع الكفتة

 

[nada242008]

ايمان الله يسلمك
امونة الكعك جاك هايل
فلوسة بصحتك الكفتة
لالجيغواز صح فطورك
انا نخليكم على خير ..راني خارجة رايحة نبارك
كان رجعت بكري نطل عليكم
صح فطور كل الملتحقات:sheer:

 

[روز]

فلوسة بصحتك وش طيبتي
لالجيرواز عاودت جعت كي شفت فطورك ههه ماشاءالله
بصحتك ام ندى البيتزا
وووووووووش نقول على هذاك لاتاي اممممممم ماقدرتش نشوف ومانشربش غدوة نخدمو ههه
رووووعة خدمتيه وذيك الرغوة مانحكيلكش خرجلك هايل باين من اللون نتاعو
مع روز مافيش مستحيل ههه

مزية لي قدرت نفهمكم فيه على الاقل تبقاو تتفكروني بيه وتقولو ذاك العام روز وراتنا الوصفة مع شوي دعوات هههه

 

[imane27]

فلوسة والجرواز فطوركم يشهى بصحتكم

 

[عاشقة سوريا]

السلااام عليكم يا لبنات
صح فطوركم
يعطيكم الصحة على الأطباق الشهية
الله يسلم ايديكم

​

 

[ibtesem]

صح فطوركم يالبنات طوابلكم اشهو
انا تعبت والله رقد هدا وين فطنت بصحتي هههههههههههه

 

[روز]

الرقاد يـبيع لبلاد ههههه

بصحتك انا كن نرقد انوض ميتة بالشر كن نلقا عبد ناكلو ههه
على ديك مانرقدش ابدا سيرتو في رمضان

 

[rima29]

مساء الفل
بصحتكم كامل يا حبيباتي
انا هذا وين كملت لماعن وسيقت وجيت راني تعبانة بزاااف
هذا البوراك والشربة ما صورتهاش

وهذي كسرة كوشة محشية

وهذي كفتة

وهذي بيري

وهذي كسرة كوشة

​

 

[روعة2005]

الله يبارك عليكم الجيغواز وفلوسة وريمة فطوركم يشهي يعطيكم الصحة
ام ندوش البيتزا هايلة والتاي روعة ربي يستر حبيبتنا روز
فطوري عادي شربة/كفتة جاج با الجلبانة/بوراك

 

[rima29]

الله يسلمك فوفة ونتوما زادة
هذيك بنتك ربي يحفظهالك بوسيهالي راهي تهبل ماشاء الله​

 

[روعة2005]

الله يسلمك فوفة ونتوما زادة


هذيك بنتك ربي يحفظهالك بوسيهالي راهي تهبل ماشاء الله​

تعيشي حبيبتي ريمة عينيك الباهين اييه هذيك لميس بنتي
قوليلي الخبز هذاك واش حشيتوه وكيفاش خدمتوه يعني حطيتو طبقة بطبقة ولا ?تعيشي فهميني عجبني بزاف

 

[اميرة الساحل]

السلام عليكم كامل
صح فطوركم و يعطيكم الصحة كامل على الاطباق راكم في القمة
خسارة ماراهش يكفيني كامل الوقت باش نشاركم مع نهار نكون مشغولة مع الخدمة و في الليل مع السهريات مع لحباب و عايلة
​

 

[روعة2005]

تسنيم لاتاي تاعك باين هايل راح نجرب طريقتك هذو اليومين الف شكر ياغالية