مطبخك في رمضــــــآن سيدتي * الجـــ 2 ـــزء*

[اميرة الساحل]

اليوم درنا شوربة فريك / سلاطة حشيش مع بيطراف/لوبيا باللحم/ بيتزا

و هذه مائدة السهرة ​

 

[روعة2005]

السلام عليكم وصحة فطوركم ام ندى /اميرة/الجيغواز/ عفوفة/مريومة التاي جاك هايل مايداتكم تشهي واكيد صحا فطور كامل لحبابات
اليوم مصورتش المايدة بكل صورت برك السوفلي/وكمونية/سلاطة/الشربة والحميص والديسار والمشروبات راهي كل يوم تتعاود كيما تقول ام ندوش

الف شكر عفوفة على طريقة الرشته يسمى نفورها مرتين والمرة الثالثة نجمرها.........راني خايفة منها موت على بالك راجلي كلاها عند صاحبو وعجباتو شرهالي وقالي ديريها وانا جااامي مسيتها

 

[nada242008]

السلام عليكم وصحة فطوركم ام ندى /اميرة/الجيغواز/ عفوفة/مريومة التاي جاك هايل مايداتكم تشهي واكيد صحا فطور كامل لحبابات
اليوم مصورتش المايدة بكل صورت برك السوفلي/وكمونية/سلاطة/الشربة والحميص والديسار والمشروبات راهي كل يوم تتعاود كيما تقول ام ندوش

الف شكر عفوفة على طريقة الرشته يسمى نفورها مرتين والمرة الثالثة نجمرها.........راني خايفة منها موت على بالك راجلي كلاها عند صاحبو وعجباتو شرهالي وقالي ديريها وانا جااامي مسيتها

بصحتك فوفة السوفلي جاك هايل والكمونية ثاني حنا نديروها حمرا برك

الرشتة راهي ساهلة خلاص
التفويرة اللولة بعد ماتحليها بالزيت
والثانية ترشي عليها المرقة مش ياسر غير كيما ترشي الما على البربوشة
وخليها تتشربها مليح حتان تنشف
ومن بعد فوريها المرة 2 وماتحركيش ياسر باش ماتفسدش
وكي تجي تجمريها ديري مرقة قليل
واذا جات ناشفة زيدي شوي خطراه كون تكثري تعجن وتفسد خلاص
هذا واش فيها راكي قدها وقدود:showoff:
--
اميرة الساحل بصحتكم طابلة منوعة الله يبارك

 

[روعة2005]

الله يسلمك حبيبتي عفوفة والله طلعتيلي المورال غدوة ان شاء الله راهي فطورنا وهاني شفت موضوعك نتبع طريقتك وان شاء الله نتوفق فيها صحا صحورك وربي يخليك اختي الغالية

 

[tasnim55]

صح فطوركم مشاء الله اعليكم موائد تشهي ام ندى مريومة لالجيرواز فوفة اميرة الساحل محاربة الصحراء نعمة دايمة انشاء الله
فوفة الرشتة انديرها كيما ام ندى ومن فضلك وصفة السوفلي اعجبني بزاف وبصحتكم اختي

 

[tasnim55]

لالجيرواز عندي طلب منك يالغالية شوفي الصفحة 42
​

 

[روعة2005]

الله يسلمك حبيبتي تسنيم وصحة فطورك ثاني
عجينةالسوفلي هيانا عملت نص الكمية
كيلو فرينة+مغرف كبيرة خميرة/تاع الخبز/+قرصة ملح+1باكي ونص خميرة قاطو+فنجان ونص زيت تخلطي المقادير وتعجني باالماء بلا ماتدلكي غير تلمي برك وخليها تريح ربع ساعة ومباعد ولي شكلي دوائر واثقبي بالفرشيطة وعمري وغلقي باالفرشيطة وادهني بالبيض

الحشو انا دهنت العجينة بشوية مايوناز وهريسة غير شوي ثم حطيت اللحم المرحي المتبل ومقلي وزدت فوقهم قطعة فرماج تعرفي جات تذوب في الفم هايلة
هذه اول مرة نجرب هذه العجينة ولقيتها في واحد السيت وربي يجازي صاحبتها فعلا تجي روعة

 

[tasnim55]

الله يسلمك حبيبتي تسنيم وصحة فطورك ثاني
عجينةالسوفلي هيانا عملت نص الكمية
كيلو فرينة+مغرف كبيرة خميرة/تاع الخبز/+قرصة ملح+1باكي ونص خميرة قاطو+فنجان ونص زيت تخلطي المقادير وتعجني باالماء بلا ماتدلكي غير تلمي برك وخليها تريح ربع ساعة ومباعد ولي شكلي دوائر واثقبي بالفرشيطة وعمري وغلقي باالفرشيطة وادهني بالبيض

الحشو انا دهنت العجينة بشوية مايوناز وهريسة غير شوي ثم حطيت اللحم المرحي المتبل ومقلي وزدت فوقهم قطعة فرماج تعرفي جات تذوب في الفم هايلة
هذه اول مرة نجرب هذه العجينة ولقيتها في واحد السيت وربي يجازي صاحبتها فعلا تجي روعة

مشكورة حبيبتي ربي يحفضك وصح سحورك :re_gards:

 

[ibtesem]

صح فطوركم يالبنات الله ابارك عليكم مواكل ماشاء الله عليكم

 

[imane27]

تنسيم رانش عارفة ولا نتبهتى كتبتلك لغوسات تاع شو مرتين مارنيش عارفة ولا شفتيها

 

[merieme hassi]

روز وأم ندى و meriem hassi بصحتكم موائد روعة

meriem hassi البطوط جاك هايل الله يبارك عيشك قوليلي فاش طيبتيه ؟؟؟؟

محاربة الصحراء بصحتكم الرشتة​

طيبتو في الطاجين هاهو الرابط
https://www.4algeria.com/forum/t/277672
صح سحوركم

 

[merieme hassi]

لالجيرواز ز اميرة الساحل بصحتكم موائد تسر العين و تشبع المعدة
فوفة بصحتك و علابالي بلي فحلة تقدري تجبيها
محاربة الصحراء يعطيك الصحة
ابتسام و ايمان 27 ربي يهنيكن
ايمان التلمسانية يا بنت بلادي هديك الهريسة تشهي يعطيك الصحة
يصحتكم و صح سحوركم

 

[l'algeroise]

صباح الخير عليكم
نهار مبارك انشاء الله
أميرة الساحل البيتزا جات هايلة بصحتكم
فوفة يعطيك الصحة لي سوفلي يشهيو بصحتكم
أم ندى و meriem hassi شكرا على الوصفة تاع البطبوط نفسها لي عندي فالكتاب حبيت برك نعرف فاش نطيبوه باش يجي مليح جربتو فالطاجين الكهربائي ماطلعش مليح قلت بالاك في مقلة تيفال ولا طاجين عادي يجي خير

ربي يعاونكم كامل أنا اليوم مانزيد والو عندي كلشي حتى السلاطة بلاك نزيد مطلوع برك ​

 

[عاشقة الزهور]

صباح الخير بنات
​

 

[l'algeroise]

لالجيرواز عندي طلب منك يالغالية شوفي الصفحة 42​

صباح الخير تسنيم أسمحيلي ختى والله مانتبهت للطلب ديالك

 

[روز]

صباح الأنوار يا بنات اللمة

 

[merieme hassi]

السلام عليكم
صباح الانوار و البركات
واش راكم معولين اليوم
يوم مبارك

 

[nada242008]

صباح الفل مريم وروز ولا لجيغواز:sheer:

 

[mina87]

صباح الانوار يا لبنات​

 

[روز]

اهلا بالجميع
معولة على فلفلة ملونة محشية باللحم والرز مع صوص حمر ان شاءالله
وشوربة وسلاطة باذن الله