مطبخك في رمضــــــآن سيدتي * الجـــ 2 ـــزء*

[ام منصف]

حبيبتي واش راهو منصف ان شاء الله رتاح
امييييييييييييييين كترينا من الدعاوي برك :showoff:

الحمد لله مازالت شوية السعلة
الف شكر على سؤالك اختي الغالية
ربي يحفظك ويسعدك
​

 

[عاشقة الوردة]

ممكن طلب
وصفة بوزلوف محمر جابوهلنا اليوم وقالولي طيبيه
عاووني بكاش وصفة
راني نستنا

 

[nada242008]

مساء الخير عليكم
المستغانمية الله يبارك فطور يشهي اممممم
ايمان التلمسانية طابلة منوعة بصحتكم
ابتسام يالفحلة طيبتي فطورك الصباح وكملتي باين بنين
فوفة ضرك تطيبيها وتعرفي بلي ساهلة خلاص ان شاء الله تجيك مليحة
ماء الزهر جاني بيزار ومع القرفة تبان طبق حلو ..كل واحد كيفاه تعود على ذوق الاكل تاعو ..انا الحوايج البيضا غير الملح والفلفل اكحل وكان كثرت نديرورقة رند.
انا نصبت الجاري وعندي لحم ودجاج داويتهم ياما نقليهم ولا نشويهم ونزيد معاهم فريت وسلاطة
وخدمت قطايف

 

[nada242008]

ممكن طلب
وصفة بوزلوف محمر جابوهلنا اليوم وقالولي طيبيه
عاووني بكاش وصفة
راني نستنا

حاباتو مداوي بصوص حمرا ولا بيضا

 

[عاشقة الوردة]

قالولي لازم محمر كيتاع برا

 

[ام منصف]

بصحتكم يا غوالي

موائدكم تشهي
معولين اليوم على مرقاز مع بيري وسلاطة ان شاء الله

بصح انا معروضة لدار خويا
يعني مانيش راح ندخل في المساء
nada242008 وردة الرمال جاتك هايلة فنانة بحق ما شاء الله عليك
​

 

[عفاف الجزائرية]

سلامو بنات
ان شالله تكونو كااملين بخير والحمد لله
ليوم راه جايني حماس للكوزينة ربي يستر برك ههه
وجدت قريوش الوردة المقلي كي نعسلو نحطلكم الصور
ومانعرف واش رح ندير للفطور
بالاك ندير لي كراب
​

 

[روز]

اممم بسومة الطاجين جاك هايل لونو يفتح النفس
ايمان مائدة تشهي
ام منصف الحمدلله لي راكي بخير وان شاءلله يريح منصف مليح
بصحتك مقدما الدجاج والقاطايف ام ندى
راني نسنى كي تخدميهم بالاك نخدمهم كي نكون راجعة للدزاير

 

[nada242008]

قالولي لازم محمر كيتاع برا

انا نعطيك واش نعرف والباقي عليك ههههه
اولا في طنجرة الضغط عمريها حوالي النصف ماء عادي
وحطي البوزلوف ومعاه حبة بصل كبيرة مقطعة ارباع وورقة رند وملح وفلفل اكحل سكنجبير واغلقي عليها وخليها حتان يطيب نص طياب
من بعد صفيها والماء اللي طاب فيه خلاص سيحيه //ماتحتاجيهش
وجدي التتبيلة رابي الثوم بزيادة ملح وفلفل اكحل ورند قطعيه والتوابل اللي مالفين طيبوا بيهم وقطرة زيت فقط وحكي البوزلوف مليح بالتوابل
حطيه في بلاطو ودخليه لفرن مسخن مسبقا ومعاه كاس ماء باش مايتحرقش
وغطيه بورق الالمنيوم وخليه يكمل طيابو
بعد مايطيب انزعي ورق الالمنيوم وخليه يتحمر في الكوشة
قدميه مع بطاطا مقلية وفلفل حار مقلي كيما يديروا تاع برا
ان شاء الله يعجبكم
---
ام منصف ربي يخليك وبصحتك العرضة وصحا فطوركم

 

[روعة2005]

سلام لبنات وشراكم ليوم ؟
اختي فوفه حنا ثاني نديروها الرشته كيما قاتلك اختي لالجيغواز ، نفوروها بالماء قصدي نرشوها بالماء و المرقه نخلوها وحدها معا تالي نحطوها معاها و نسقوها بيها ، و كيما قاتلك السر ثاني فالقرفه
و تبانلي الطريقة لي قاتلك عليها ام ندى ثاني راح تجيك بنينه كي تتشمخر بالمرقه، ان شاء الله المره الجايه نديرها بطريقتها
---
ان شاء الله تجيك هايله و تعجب راجلك و تجيه بنينه خير من تاع صاحبو

ربي يعيشك حبيبتي مريم والله خجلتني بكلامك الطيب امين ياربي:shay:

 

[mina87]

مساء الخير عليكم
انا هدا وين دخلت لدار الكوزينة راهي تسني فيا
حبيت ندخل و نشاركم
درك ننصب برك و نولي هيا بصحتكم

 

[روعة2005]

بصحتك ام منصف العرضة سلمي عليهم
وبصحتك ام ندى القطايف باين هايلين بلا مانشوف كلش من يديك روعة
بصحتك عفوفة القريوش انا ثاني معولة نخدمو في ليل ان شاء الله بصح تاع الضفيرة ماشي الوردة

 

[عفاف الجزائرية]

هاذي مائدة نتاع اول مبارح
وليت نعجز باه نحط الاطباق في يومهم
فلفل مشوي ومقلي

بوراك

سلاطة زرودية وبيطراف

جلبانة ببولات اللحم

والصورة الجماعية:sheer::sheer:

مع المطلوع اكيد والشربة
​

 

[عفاف الجزائرية]

بصحتك ام منصف العرضة سلمي عليهم
وبصحتك ام ندى القطايف باين هايلين بلا مانشوف كلش من يديك روعة
بصحتك عفوفة القريوش انا ثاني معولة نخدمو في ليل ان شاء الله بصح تاع الضفيرة ماشي الوردة

ايه يجي خفيف هذا نتاع الوردة المقلية يجي خفيف بزاف وزاكي
مباعد نحطلكم تشوفوه واذا حبيتو نحطلكم المقادير
​

 

[روعة2005]

ايه يجي خفيف هذا نتاع الوردة المقلية يجي خفيف بزاف وزاكي

مباعد نحطلكم تشوفوه واذا حبيتو نحطلكم المقادير​

غير حطي عفوفة حوايجك كامل حطة
وفطوركم يشهي تعجبيني كي ديكوري الطباسة اممممممممممم وهذاك الفلفل الصغير تعرفي نموت عليه احنا نسموه فلفل اولاد عمار

 

[meriem104]

لبنات شكون لي عندها وصفة الصبيعات

--
أختي فوفه ولا عفاف راكم تهدرو على القريوشه أنا نعرف غير نتاع الضفيره ، شفت مره نتاع الورده و عجبتني تجي مخبله و دايره ماشي كيما ضفيره طويله ، راكم على هاذي ولا وحدخرى

 

[meriem104]

اختي عفاف ايه كي تكمليها صوريهالنا رانا نستناو

 

[imane27]

مساء الخير عليكم واش راكم دخلتو للكوزينة
هدا فطورى تاع لبارح
درت شوربة فريك بطبوت سلاطة لحم لحلو

 

[روز]

هايل البطبوط خرجلك هايل ايمان بصحتك
هل كاين موضوع على البطبوط ولا لا
حبيت نجربو اعطونا الوصفة نبطبطو حنا ثاني ههه فكرني في الفريكاسي

 

[محاربة صحراء]

عندي ثلاثة وانا نقول واشي هذا