مطبخك في رمضــــــآن سيدتي * الجـــ 2 ـــزء*

[merieme hassi]

السلام عليكم
بصحتكم كامل و يعطيكم الصحة
راجية العفو تبارك الله عليك يا الحبيبة و لا بالاحلام
السوال علي الغايبات ام دودو ام كوثر ام منصف ام سامي الخ

صح سحوركم

 

[labed93]

شكرا ان شاء الله نجربو يبان هايلziassia
لالجيرواز صوريلنا مراحل صنع الرشتة بالتفصيل لو سمحت و شكرا

 

[محاربة صحراء]

الجمعة مباركة

 

[merieme hassi]

السلام عليكم
فوفة الطاجين عملت فيه بصل و طماطم و جلبانة و لحم و تبلتهم مليح و مرقتهم و خليتو يغلي علي نار هادية و كي طاب زدتلو البيض ساهل مايخدش جهد و البنة منقولكش
جمعة مباركة للجميع

 

[أفروديت]

جمعة مباركة وصح رمضانكم كاااااااااااااااامل

ويعطيك الصحة على كل هذه الموائد المشهية

أنا من قبل رمضان متابعة لكل أطباقكم

بصراحة لا اجد ما أقوله ؟؟؟ سوى تباااااااارك الله عليكم
​

 

[أفروديت]

أختي ابتسام ها هو طابع قريوش عفاف
وهي حلوى جزائرية تقليدية ناس زمان كانو يعملوه
واسمه الأصلي حلوة الوريدات ‏ أو
‏rosaces ‎‏ ‏Les

​

 

[روز]

صباح الخيرات على الكل
افروديت فكرني الطابع نتاعك بأكثر قاطو نحبو الوريدات نتوعو يجو يهبلو ويجي يتقرمش هااايل
الله عليك فكرتيني فيه مانيش نقلى في هذ الطابع يتباع
نحب نخدم هذ القاطو

 

[عشقي الامارات]

saba7 elkhir 3likom lebnat
ki sba7tou????

 

[رآج ـية العفو]

السلـآم عليكم ورحمة الله وبركآته
جمعتكم مبـآركة أحبتي

بسووومة سمحيلي البـآرح مآ دخلتش صحبتي عيطتلي
وقـآلتلي نروحوا عند وحدة صحبتنآ ورحت بصح درك
نحط كآمل الوصفآت هنآ ومن بعد رمضآن ان شآء الله
نحطهم في موآضيع مستقلة مع الصور بالتفصيل لأنو درك
مآعنديش
الوقت

الله يبارك اسومة امممممممممم واش داني دخلت ههههههههها كامل حطة كل ماتقعدني انفعينا باالوصفات ولا ناك الكراميل بشوكولا امممممممممممممم ومرحبا بيك من جديد حبيبتي معانا وصحاااا فطورك

مريومة فطورك يشهي والبطبوط جاك حطة كامل بصحتكم روز بسومة ايمان تسنيم الجيغواز ريما كوكو ام ندى عفاف ام فاروق الجيغواز مينا وكل الحلوين صاااافطوركم
هاي جات الرشته تاعي والله نشكر حبيبتي ام ندى بزاف على طريقتها جات هايلة وعجبتني وعجبت زوجي قالي كيما لي ذقتها يابعد والحمد لله لي عندي حبابات بحالكم والله نحسكم خواتاتي ربي يديم المحبة بيناتنا يارب ونشكر كل من مدتلي النصيحة الجيغواز تسنيم بسوم مريوم////////حاسة روحي في حصة اهداءات ههههههههههههها

فطوري كان رشته بطريقة ندوش +شربة وسلطة خضراء

يبـآرك فيك حبيبتي الله يسلمك وربي يخليـك
ان شـآء أكيد وبصحتك الرشتة تشهي

مرحبا بيك اسومة نورتينا
صح فطوركم كامل
هذي سلاطة طماطم

وكباب مصري اول مرة نجربو جا هااايل

زووووم

وهذي المائدة

وسينية السهرة

والقطايف

اسومة الله يبارك كل طبق ينسي في اللي قبلو امممممم
فوفة يعطيك الصحة على الرشتة من الصورة باينة بنينة بصحتكم شهيتيني فيها
صح فطور الجميع:sheer:

النور نورك يالغـآلية يبـآرك فيك
يع ـطيك الصحة نتي ثـآني كل شي يشهي
خـآصة الكبـآب ان شـآء الله نجربه بطريقتك
بصحتكم

امممممممممممممم
اخت راجية العفو دخلت زدت جعت يعطيك الصحة
بانتظار الوصفات

الله يسلمك ختي ان شـآء الله

راجية العفو غير اعطينا وصفات لي خدمتيهم
كامل هايلين يعيطك الصحة شحال شكلهم يشهي

بسومة يا بسومة هههه مالقيت مانقول

ام ندى بصحتك الشوى وقيل غدوة نديرو ((( زعمة كرهنا اللحم ههه

بصحتك فوفة
راها تعرض فينا هاذيك الرشتة باش نذوقوها امممم المرة الجاية نجيبها معايا شهيتيني فيها

الله يسلمك حبوبة روز ان شـآء الله رح نحطهم

-----------------------------------------
هاذي نتاع ابتساااااااااااام

------------------------------------------------

وهذا القريوش اللي قلتلكم عليه
ان شالله يعجبكم

مممممم عفوفة يشهو خـآصة القريوش بصحتكم ​

حمسي البصل و ديري معاه قطع انتاع الجاج و شوية جلبانة و التوابل ألي تحبيهم

انا درت الكمون و فلفل أسود و الزنجبيل و الزيت و الملح و تحمسيهم مليح ممبعد تديريلهم الماء و تخليهم يطيبو
و من جهة أخرى تقلي البطاطا و بعدما يطيب الجاج خلي فيه شوي مرقة انتاعو و أجبدي الجاج و فتيه قطع صغيرة و ممبعد خلطيه هو و البطاطا في المرقة انتاعو و زيديلو 3 حبات بيض و لا كيما تحبي و خلطيهم
ممبعد جيبي المول و فرشي نصف الكمية و جيبي الفرماج و فرشيه فوقو و بعدها كملي النص الباقي من الكمية ألي خليتيها و ديريلوا فرماج رابي من الفوق ادا حبيتي و ديريه في كوشة قيس مايطيب هداك البيض ​

وان شاء الله نكون أفدتكـ حنونة

​

بـآين بلي هـآيل مرسي ختي على الوصفة يع ـطيك الصحة​

مساء الورد يا أحباب واش راكم اليوم

يعطيكم الصحة على طوابلكم لي تشهي الله يديمها نعمة يارب

يعطيك الصحة على الرشتة يافوفة مايخافش عليك راكي شاطرة جاتك تهبل
يعطيك الصحة اختي ام ندى القطايف يسخفو ويهبلو تسلم ايدك يافحلة
اهلا بيك وبي وصفاتك لي تهبل اسوم عاش من شافك توحشتك حنونة
يعطيك الصحة على القريوش اختي عفاف جاك يهبل
يعطيكم الصحة كااااااااااامل


​

أهلييييييييين نبوعة وآش رآكي يالحبيبة
يتوحشك الخير أنـآ ثـآني توحشتك مرسي حبوبة ​

مرحبا اختي راجية الـعفو ممكن تعطيني طريقة التحضير راها شفتهم ماما و عجبوها شكراتك قالتلك الله يبارك

و صح فطوركم كامل و صحوركم ماننساش
​

أهلـآ بيكي وفـآء
يبـآرك فيهآ وربي يخليهـآلك مرسي
ان شـآء الله درك نكتب ليك الوصفآت

السلام عليكم
بصحتكم كامل و يعطيكم الصحة
راجية العفو تبارك الله عليك يا الحبيبة و لا بالاحلام
السوال علي الغايبات ام دودو ام كوثر ام منصف ام سامي الخ

صح سحوركم

يبـآرك فيك حبيبة مرسي مريومة ​

 

[روز]

عفاف نعطيك فكرة أخرى يخرجلك شكلو أحسن من هذا
لما تغطسي وتحطيه في الزيت يتقلي غير تتنح على الطابع اقلبيها وعاودي غطسي وحطيها فوقها شغل زوج فوق بعضاهم يجي يهبل وسيي العجينة تكون أخثر شوية مي لازم الزيت يكون ياسر باش تتقلي مليح سيي تراعي الوردة تكون فوق اختها مايكونوش متعاكسين راه يجي ماشاءلله
وتجي غليظة والوردة أكبر ومقرمشة...موالفة نعملهم هكذا وديري فوقهم شوي جلجلان وعسل خاثر اممم تفكرتهم نحب نخدمهم والطابع مالقيتوش كي جيت باش نشريه

 

[عفاف الجزائرية]

أختي ابتسام ها هو طابع قريوش عفاف
وهي حلوى جزائرية تقليدية ناس زمان كانو يعملوه
واسمه الأصلي حلوة الوريدات ‏ أو
‏rosaces ‎‏ ‏les

​

ايه هاذا هو الطابع اللي خدمته بيه
شفتي يا روز شحال يجي مقرمش
والله هايل حتى ويتعسل يبقى مقرمش
​

 

[روز]

اليوم يمكن شوا ولادولمة بالكرم مش عافة وش نعمل بالضبط
مع الخبز اللبناني وحميس وشربة

 

[عفاف الجزائرية]

عفاف نعطيك فكرة أخرى يخرجلك شكلو أحسن من هذا
لما تغطسي وتحطيه في الزيت يتقلي غير تتنح على الطابع اقلبيها وعاودي غطسي وحطيها فوقها شغل زوج فوق بعضاهم يجي يهبل وسيي العجينة تكون أخثر شوية مي لازم الزيت يكون ياسر باش تتقلي مليح سيي تراعي الوردة تكون فوق اختها مايكونوش متعاكسين راه يجي ماشاءلله
وتجي غليظة والوردة أكبر ومقرمشة...موالفة نعملهم هكذا وديري فوقهم شوي جلجلان وعسل خاثر اممم تفكرتهم نحب نخدمهم والطابع مالقيتوش كي جيت باش نشريه

حااااااااااااااظر سيدتي ههههه
هذا الطابع يا روز صغير ماهوش الكبير اللي راكي تقصدي فيه
حتى انا جيت نشري الكبير لقيت الصغير برك قلت نشد يدي ما بين ما جابو الكبير
الجنجلان نعترف بحاجة طلعتها من دارنا من تحت باه نحمسها ونحطه عليها ما فقتش حتى وين حطيتها وليت درت البيستاش كي فات وقت الفطور والسهرة وجيت نرقد نلقاها فوق الطابل دو نوي نتاعي
(دخلت كشما نرفد من تم حطيت الباطة وخرجت خليتها )

 

[روز]

ههههههه ياعفاف عقلك وين كان ههه
وش خصو البستاش تاني هايل الجلجلان انا متعودة عليه برك
والطابع لي كان عندي صغير يااااسر من القدم كان صغير وثقيل شفت اخرين مي خفاف واليد تاعهم طويلة كي تكوني تقلي تحرق ايدك من السخانة كي تطلع
حبيت كما لي حطاتوالاخت في الصورة اليد نتاعو مايلة يساعد اكثر في الخدمة
حتى وهو مايحتاجش يطيب ياسر قد ما يولي لونو اصفر برك شهيتيني مزية راني قريب نروح للدزاير نشري 10 هههه

 

[عفاف الجزائرية]

اللي راهم درك كااااااامل خفاف ويحرقو كيما قلتيها
انا تاني هذا مدايرتلو سوبالا على الذراع نتاعو باه ما نتحرقش
المهم خير من مكانش خلاص

ايه تجي للدزاير تشري الطوابع وتبردي قلبك
​

 

[رآج ـية العفو]

أهييييييييييييييييييييييي
كي كتبت أغلب الوصفآت وجيت نعتمد رآحولي
أووووف درك نعآود نكتب ​

 

[nada242008]

صباح الفل عفاف وروز واسومة ومريم وكل المتواجدات والغائبات
واش عولتوا تطيبوا اليوم؟
انا بقاتلي الكفتة مداوية من البارح راني نخمم في طاجين تاع فوفة تاع لي بولات

 

[faloussa]

صباح الخير البنات وجمعة مباركة على الجميع

 

[رآج ـية العفو]

سمحولي على الإطآلة والله كل مآ نولي قريب نكمل روحلي كل شي

كيكة بالبيمو والنيسلي

1و1/2ك بيمو مرحي + 1/2ك زيت + 1/2ك سكر
+ 1/2ك جوز الهند + 1/2 ك حليب + 1 بيض + فآني
+ 1 م ك خميرة كيميآئية

يخلط البيض مع السكر والفآني جيدآ ثم نضيف الزيت ونخلط ثم الحليب
مع الخلط ثم جوز الهند والبيمو والخمآرة تفرغ في قآلب وتدخل للفرن تطهى
ومن الفوق حطيت نستلي طآيب كرمآل وزينتهآ بجوز هند مقلي وفوقهآ
خطوط شكولآ تبرد وتقطع

ديسآر بالبيمو والكريم كرميل

الكيك: 2بيض + 3 م ك سكر يخلط جيدآ ثم 6 م ك زيت
و6م ك حليب ويخلط + 6 م ك فرينة و1 خمآرة يخلط يفرغ في قآلب
ويطهى يشرب بالسيرو ونخضر الحشو
في كسرونة 2 ك حليب + 2 فلآن أو 1 كبيرة كريم كرميل
وسكر ونخلط حتى يغلي نحطوه في الروبو ونضيف 10 حبآت بيمو
ونطحن الكل ثم نضيف 20سل كريم فريش ونخلط
يفرغ فوق الكيك ويترك حتى يبرد جيدآ يقطع مرلبعآت ويزين
حسب الرغبة

وأخيرآ كآسآت بالنوتيلآ والبيمو

طبقة 1: بيمور مشرب في الحليب ونحطو الحبة في قآع الكآس
طبقة2: 1/2 علبة كريم فريش + 3م ك نوتيلـآ نخلطهم مع بعض
ونفرغهم فوق البيمو
طبقة3: بيمو مشرب في الحليب ونحطو حبة فوقه
طبقة4: كمية كريم شآنتيي تخلطيهآ مع كريم بآتسيير حليب
و 4 حبآت جبن كيري نخلطهم ونحطهم فوق البيمو كطبقة 4
طبقة5: شكولآطة + 3م ك نوتيلآ نذوبهم ونحطهم من الفوق
يزين ويترك ليبرد


درك نزيد نكمل بآقي الوصفآت​

 

[روز]

يعطيك الصحة راجية العفو يستحق التقييم مجهودك

ام ندى والله ماعرفت وش نعمل البيض كملي وحبيت نعمل شحال من حاجة بيه
يمكن الكفتة لي درتيها البارح
ماتسحقش البيض في كل الاحوال وقيل ولا لالا..!