مطبخك في رمضــــــآن سيدتي * الجـــ 2 ـــزء*

[nada242008]

على فكرة جاااااني يهبل في المذاق يعطيك الف عافية حنونتي ام ندى
بارك الله فيك

حتى الشكل خرجلك هايل يعطيك الصحة
بالنسبة للاسئلة اللي حطيتيها قبيلة
ممكن العجينة المورقة مش مليحة
عندي وصفة عجينة الصابلي للتارتات تجي تذوب في الفم ومش يابسة خلاص
كان حبيتي نمدهالك

 

[روعة2005]

بصحتك وريدة الكفته جاتك باهية
بصحتك ام منصف السهرية والتاي اممممممممممم
انا من رايي ديري ليكراب تاعك هذوك والله حطة يشرفو امممممممممممممم ولا طاجين الجبن كيما قاتلك عفاف ثاني مليح

 

[حاملـة المسك]

بصحتكم الفطور البنات
ام ايناس وريدة ربي يعيشكم بصحتكم لفطور
أم منصف يوحشك الخيرههه راهي لحقتني العدوة من عندك و رجعت :cra_zy:
بصح لكان نت ضربتي فيها ساعتين سفر انا 6 سوايع فوقها الصيام مي الحمد لله الدشوفو ديالنا كلماتيزي:shiny:
يا البنات كما قاتلكم وريدة وصفاتكم بلييييز حطوهم في مواضيع
الفطور اليوم الطاجين المغربي بنننة .....كما قالت ندودة لحسناه
ودرت متبل ام فاروق حبيت نعاند روز حمصتني بذاك البياض بصح جاتني قري روز ستعملتي البدنجان الابيض؟
وزدت حميص فقط بالحار خبز الكوشة و الجارة بعتتلي حسوة
الصور متتكلوش جاو مظلمين يصلحولي غير في النهار
علابالكم غبت ايامات نسيت كفاش نتمشى في المنتدى البارح دخلت بتقييمات نتمنى رمضان كريم للاخوة انا كملت قلت تهنيت واجب و كمل
انا رقدت يخي الوساوس كلها تجي تفكرت بلي إسمي محطتوش....:sadwalk:inconnue
يخي حالة يخي ​

 

[ourida17]

ايه مدا بيك تمدييييييهالي تعيشي ام ندى
انا عندي la pate sucre تهبلللللللللني موالف نديرها بسيف باش نرفدها تعييني

 

[l'algeroise]

مساء الخير عليكم صح فطوركم كامل
imane فطورك يشهي كي العادة
أم ندى فوفة بصحتكم موائد تشهي
ماجبتلكمش فطوري اليوم عيد ميلاد وليدي يوسف الأول
هادي الطابلة لاتارت كان مكتوب فيها youcef فسدت لسقت في لباطة ​

الصامصة

 

[ourida17]

الله يسلمك حنونتي فوفة

 

[عفاف الجزائرية]

هاذا وين هداني ربي ونزلت تصاور الفطور
عملتلهم تارت الروز بالجاج والحمص والزيتون جات بنينة
وعملتلهم لي كروكات نتاع الجاج
شربتهم المرة الاولى في بيضة وموطارد وحبة قارص ثوم ملح فلفل احمر وزعيترة وخليتهم قريب ساعتين
ومباعد فوتتهم علىا لفرينة البيض الشابلير مخلطة بالفلفل الاحمر والملح
جاو تاني بنان ويتقرموشو
المهم هاهم ليكم

​

 

[روعة2005]

اهلا رغودة بصحتك الطاجين وربي يهنيك وين ماتكوني

 

[ourida17]

joyeux aniversaire youssef w kol 3am wnta bkhir hanoni yghayer machaa allah rabi yahfedholek hanona
w saha ftorek wmaydetek tchahhhhhhhhhhhi
osobri dork njo wnjiblo cadeau bosiholi t3ichi rabi yahefdo machaa allah

 

[ourida17]

الله يسلمك رغوودة ربي يحفظك وبصحة فطورك توحشنااااااااك

 

[روعة2005]

الله يبارك على ذاك الغزال ربي يصون وكل عام وهو بخير اختي الهام ربي يحفضهولك والكيكة والصامصة والطابلة بكل تشهي

عفوفة طابلتك تشهي وذوك الكروكات اممم يبانو مقرمشين امممم

 

[nada242008]

ايه مدا بيك تمدييييييهالي تعيشي ام ندى
انا عندي la pate sucre تهبلللللللللني موالف نديرها بسيف باش نرفدها تعييني

300 غ فرينة
175 غ زبدة بدرجة حرارة الغرفة من الاحسن تكون ستار
2 صفار بيض
2 م ك سكر ارطب
رشة ملح

تمحريها مليح ومن بعد تضيفي الصفار
تهليها ترتاح شوية ومن بعد تحطيها في المول وتثقبيها ودخليها لفرن مسخن مسبقا 200 درجة وبعد ما تطيب تحشيها بالكريمة وتزينيها
جربيها ورجعيلي الخبر
--
لالجيغواز طارطة تسخف ربي يخليلك يوسف وعقبال 100 سنة ان شاء الله
--
ميني بيتزا ضرك نحطها موضوع كيما قالت رغوودة نضلوا نقلبوا في الصفحات على جال الوصفات
--
ام منصف ربي يعينك والله برمة قد ماس القد واش حيبننها هههه
--
عفاف طابلة تشهي وخاصة تارت الروز اممممممم

 

[ibtesem]

روز ابتسام قاتلك ثلثة الطحينة هههه يعني صلصة الطحينة وماتقصدش اللي انت فهمتيه اللي هو طحينة الحمص
---
ربي يعاونك يا روز والله ماتقوليليش تعمري البرم تاع المرة اللي فاتت
حوايج ناشفة اكيد من بينها معجنات
وعجبني طاجين الجبن تاع ايمان
وزيدي روطي دجاج

راني ويت انوثة هههههههههههه
ثنتي طارت البارح
,,,,,,,,,,,,,,
روز ماتلومينيش معنديش الحروف تاع العربية راني غير حافضتها من ايام الليسي
كنت نضرب فب داكتيلو كل يوم ههههههههههههههههه

صلصة الطحينة
متطونة من
ملعقتين طحينة
عصير قارس
ملح
سنة ثوم
ماء
باش تحليها فيه او تعمليها في الخلاط
توصع في الشورما والمشاوي مع الطماطم
خيار
فلفل
معدنوس
بصل اخضر
امممممممممممممممممم:scared:

 

[ibtesem]

راني عملت حلوة الجوزية تاع قسنطينة جات اممممممممممممممممممم
غدوا نحطها ان شاء الله

 

[nada242008]

ميني بيتزا مورقة بعجينة ال 10 دقائق

 

[l'algeroise]

joyeux aniversaire youssef w kol 3am wnta bkhir hanoni yghayer machaa allah rabi yahfedholek hanona
w saha ftorek wmaydetek tchahhhhhhhhhhhi
osobri dork njo wnjiblo cadeau bosiholi t3ichi rabi yahefdo machaa allah

الله يسلمك ourida مرحبا بيكم كامل

 

[l'algeroise]

الله يبارك على ذاك الغزال ربي يصون وكل عام وهو بخير اختي الهام ربي يحفضهولك والكيكة والصامصة والطابلة بكل تشهي

عفوفة طابلتك تشهي وذوك الكروكات اممم يبانو مقرمشين امممم

الله يسلمك ختي فوفة الله يحفضلك لميس و محمد

 

[روز]

يعطيك الصحة ام منصف ارواحي برك مي مش باش اطيبي ارواحي تاكلي ونحاكاو ونحوس بيك ^^

العفوفات ...تارت الجبن تشبع نديرها هي او لي كريب بالدجاج وحدة فيهم مايتلاقاوش
نظن لي كريب أحسن
وتارتالجبن ثقيلة شوية بسكو راهم الاخرين جايبين أكل

ونزيد حاجة تاع معجنات كما قلتو نزيد لي فولوفون راه يموت فيهم اذا عرف يشريهم غدوة اذا ماعرفش نفكر وش ندير في بلاصتهم

رغودة درت الدنجال نورمال مي انا انقيه مليح نحلو الزريعة ونفوت عليه السكين من فوق باش تروح الحمورية نتاع الطياب نحبو ابيض
انا درت القشطة في بلاصةاللبن ماكانش عندي اللبن يمكن هاذوم هوماالسبب

 

[روز]

لا لجيرواز الله يبارك على وليدك يهبببل ماشاءالله عليك
لعقوبة ل100 سنة وتشوفيه حاجة كبيرة ان شاءالله
ربي يفرحك بيه
لاتارت هايلة الله يبارك يعطيك الصحة

 

[l'algeroise]

الله يسلمك أم ندى ربي يحفضلك ندى نشالله