*كيفكم عساكم بالف خيرات ان شاء الله*
*رمضانكم كريم وتقبل الله حسناتكم*
*توحشتكممممممممممممم بزاف بزاف
عندي فترة ما درتش موضوع واليوم حبيت نهدر على احلى شئ في رمضان
هو
"القعدات الرمضانية"او "اللمة الرمضانية"
..اييييييه يا حصرااااااااااا على ايام زمان الي كنا نتلموا ونقصروا ونضحكوا ونجبدوا حكايات زمان..
...الجدة تلم اولادها وتحكيلهم على احلى الايام ...
...الدراري صغار يلعبوا برى هاذي غمايضة وهاذي طرشايقات ...
...وكل يوم تعرض واحد من الفاميليا خالك ومرتوا او عمك ومرتوا جداك وجدك..
..وفي المقابل يعرضوك وتعدي احلى سهرية على سنيوة مشكلة من كل نوع كل واحد يجيب في يدو حاجة "هاذي مقرقشات هاذي زلابية هذا تمر هذا محلبي هذا فلون.........."
...تفكرت كنا نتلموا حنا صغار ونغنيو حتى يوصل وقت لاذان..
..وكنا نخرجوا برى ونبينوا لساناتنا لبعضانا واذا لقيناه بيض فراك صايم واذا حمر راك فاطر..
..كنا نغتانموا فرصة حلول شهر رمضان باه غير نتلموا ونضحكوا باه ننسجوا احلى الاجواء الحميمية يميزها الدفئ العائلي واللمة ...
..وكانوا صحابات يروحوا يفطروا او يسهروا عند بعضاهم..
..وتفكرت كي كنت صغيرة ونخرج برى ونلقا صحاباتي صغار صايمين نسخف فالغدوة نصوم ومانخبرش ماما..
..وكانوا لبنات يسرقوا الخيمارات من الديار باه يوحوا للمساجد يصليو مع بعضاهمممممممم...
:sadwalk::sadwalk:
..مييييي قلت لنفسي يا حصرااااااااااااا راحت ايام زمان ومش حترجع..
..لانوا في وقتنا هذا واحد ماعاد يروح عند واحد حتى نكهة رمضان راحت..كون ماجاوش لحريرة والبوراك والصيام راو راح رمضان..
..كل واحد حاكم روحوا فالدار حتى كي يخمم يروح يزور حبيب او قريب يحسب الف حساب قبل مايقدم..
..يخاف مايتقبلش..
نتمنى مانكونش طولت عليكم
جا وقت اسئلتي
*وش رايكم بقات القعدة واللمة نتاع بكري ايام رمضان ولا راحت
*هل تروحوا تسهروا عند بعضاكم ...وتتلقاو وتتلموا على سنيوة وحدة ولوليدات يلعبوا حداكم.......ولا لالا قاعدين فالدار
*كل واحد يقولنا ويحكيلنا كيفاه يقضي السهرة
*انتظر اراءكم بفارغ الصبر
*دمتم بود وحفظكم الله ورعاكم*
*اتمنى ان ينال الموضوع اعجابكم واعجاب المراقب*
*موفقين*
