هل يوجد هذا عندكم

[ghezal32]

السلام عليكم و صح رمضانكم
البارح صرات قدامي واحد الصيرة ربي يعلم الا غير هنا عندنا ولا partout
المهم انا راني ف الطريق نروح نصلي المغرب ما بقالوا يا ربي 2 دقايق وقدامي زوج كيما يقولوا اخوة قميص ولحية ماشاء الله المهم لقيتهم يكلوا حبات تمر
دنيت عندوا قتلوا اخي مازال ما اذن الا مفقتش
خلاعني كي قالي حنا ما نستنوش الاذان حنا نشوفوا للشمس :scared: كي تغرب
انا خلاص و ليت ما نفهم والوا ايهمال اولاه كاين اذان

 

[ماكانش]

وينو المشكل ووين راهي الغلطة ألي دارها هذ البولحية
الصوم من طلوع الشمس إلى غروب الشمس
ولا من الأذان إلى الأذان ؟؟؟
الأذان في الجزاير خرطي في الخرطي ...

​

 

[لاجودان شاف]

ههههههه هيه تصرا

هاذي سموها التعجيل

صح عندهم حق كيما قال سفيان​

 

[kadermébi]

السلاااااام عليكم و صحا فطوركم..هياا شوف لوكاان دااروهااا زوج مااشي اخوة بلاك ماا تقولهااش ..المشكل كي جااو باللحية و القميص ..من المفروض هد الامور ماا يتنحكااوش اماام الملئ و الله ادر و اعلم.
احوكم في الله kadermébi@justnew
و صحااااااا سحوركم و السلااااااااااااام عليكم

 

[يوسےفے]

الله أعلم و رسوله
شكرااااا​

 

[دعاء19]

لابد عليهم يتسناو حتى ياذن المؤذن هكا كنديرو كامل ماشي شي اشرق وشي اغرب

 

[nassim007]

يعني زووج دقايق جاو بزاااااااااااااف

بففففففففففففففف
​

 

[kazawa]

ياخي فتوة علاش دايرين الادان ...

 

[دنيا البسمة]

هههههههههههههههههههههههههههههه
الاخوة هاذو نسمعو من عندهم غير العجب حاشا اللي ما يستاهلهاش
وفي بالي ماشي نورمال
لوكان هكذاك لوكان ماداروش الاذان
كيما واحد نعرفو كان واقول كان كي ياذن ف tv يفطر
وماعلابالناش شكون اللي عندو الحق​

 

[assinat]

لازم يسمعوا للاذان لانو يعمل وفق الشروط بحسابات دقيقة

و الله اعلم

 

[برائة انسانة]

ياخاه وعلاه هادا ولد القدافي يصوم كيما يحب ويفطر كيما يحب
اصلا انا اللي لاعبينها اخينا كامل نكرهم مناه اغلبيتهم منافقين حاشة اللي مايستاهلش منهم اكيد
مي والله عيش تشوف لافيريتي شوكيتني بقصتك هادي
كون قتلو هيه او عندك الحق وعلاه هنا نعرفو خير من السلفيين موحال هههههههههههههههه
هم يضحك وهم يبكي
يعطيك الصحة على الموضوع وربي يهدي ماخلق
تحياتي
رونق

 

[♥بنت عنابة♥]

ربي يهدي
حتا هنا شفتها قداه من خطرة
نورمالمون ما يفطرش حتى يسمع للاذان خاطر يقدر يكون غالط

 

[hiba14]

هادي قاع ماكاش منها ربي قال حتى للغروب صح بصح يلا ولينا هاك كل طير يلغى بلغاه
ربي يهديهم