( أصحاب فور أفر )►╚╝◄( الحــرقــة )►╚|★|

[عاصفة الورود]

المعيشة شطارة هنا ولا مورا البحر كل واحد
على حساب شطارتو .كاين بزاف ناس شاطرين حرقوا ووصلو بقاو قريب عشر سنين
وفي اللخر عمرو كابة تع شيفون وجاو مروحين علاه ؟؟منعرف
انا مع لي راهو يقول كرهت ومكانش خدمة هنا وكلش. مي روح جرب احرق
وشوف, اولا النظرة تع البلاد لي تحرق ليها :يشوفو في الحراق كريمينال
ومام اذا تقبلوك تبقى عايش وحدك .مكانش كيما واحد يخدم ويتعب وفي اللخر
يروح يلقا دارهم والديه .خاوتو وناسو .
المقصود :الحرقة والهربة عمرها ماكانت حل ومكانش جنة مورا لبحر
وكل واحد يعرف صلاحو
مرسي خويا على الموضوع بارك الله فيك .

​

 

[AdNan31]

سمحولي انا طولت هنا وسمطت عليكم
نخلي للناس لوخرين
سلام
صح فطوووركم
​

 

[AdNan31]

MiSs Sisi StyLe
--------------------------
ربي ينحك فالباك نتاعك
yes we can bac 2012

 

[tarek ess]

الخدمه كاينه الشباب تاعنا اللي راح يطير
يحوس يخدم بلا نيفو
ويحوس غير على البيرو
تقولو اخدم قهواجي يتكبر عليها
وكي يحرق يروح يكنس الخماج تاع الخنازير حاشاكم
صح لهيه العدل وبزاف حوايج خير من هنا
بصح حتى ليجون حايطيرو
ولكل رأيه
شكرا على الموضوع
​

لالا يا بنت الناس انتن الفتايت تحكيو بطريقة غريبة الخدمة مكانش الخدمة كاينة غير لود فلان وفلان
هنا تخدم قهواجي قوليل الله يرحم والديك وين راه النيف ماتحكيش على حاجة ماجربتيهاش والله يا المعلم غير مصلك دمك على جال والوا هنا كاين ناس كنست لخماج وخدمت في الشوانط وخدمت عند الناس اللي بلا رحمة بصح هنا الخدمة هدي تبقى مجرد بريكولاج مي هناك في بلاد العدل ما كانش الدل اللي تلقاه عند وليد بلادك اقسم بالله غير اكبر حقار للجزايري هو رب العمل الجزايري
يعني يخدم باش يلقى روحو طول حياتو يهمبر عند الغاشي اما في بلاد النور اوربا مهما تعيش مشاكل هما يلقاو الحل ويخرجو بسرعة من الآزمات هناك يا اختي تخدم عند واحد تخلص خدمت تدي حقك مباشرة ماشي عند ارباب العمل تاعنا كاين بزاف منهم ياكلولك عرقك واذا خلصوك يخلصوك بالتمرميد بالتقسيط وحتى لو يخلصوك خدمة البريكولاج تبقى مجرد مصروف جيب مافيهاش مستقبل اختي ياناس افهموا الناس تحرق على جال الفارق في العملة عندهم تخدم اي خدمة تدي حقك وتستفاد من الفارق الكمبير في العملة يعني تروح 3سنين 4 ربعت تول تعمل تاويلك وجي تاكل على ربي ما تجادلونيش فيها هناك المئات من الامثلة .

 

[tarek ess]

شي ناس عليها قالوا
الغربة صعيبة وغدارة
ماركم خاسرين والوا خلوهم يضرب دورة
​

 

[MiSs Sisi StyLe]

https://www.4algeria.com/vb/member.php?u=126635

MiSs Sisi StyLe
--------------------------
ربي ينحك فالباك نتاعك
yes we can bac 2012

https://www.4algeria.com/vb/member.php?u=126635https://www.4algeria.com/vb/member.php?u=126635

ان شاء الله
الله يخليك خويا عدنان

 

[tarek ess]

هناك الكثير من الامثلة اعرفهم شخصيا لاناس راحوا للاوربا خدموا تعبوا و رجعوا بعد مدة ليست بالطويلة 4سنين 5 بالتاويل وساعدهم في ذلك الاستفادة من الفارق الكبير في العملة
لا يحق لاي شخص انتقاد واو استهجان او الانتقاص من هذه الفئة هوما اصلا كرهوا من وجوه الشر عايشين في بلاد واحد ماراهو حاس بيهم وفي الاخير يقلك علاش يحرق ويبدى ينتقد ويقول يحبوا الدل
اخوتي ما نكذبوش على رواحنا رب العمل الجزايري حقار من لكبار وهنا اي عمل هذتاا مافيهش مستقبل تلقى روحك تخدم من اجل والوا من اجبل مصروف الجيب فقط بدون مستقبل الدنيا غالية والشهرية ماتكفيش وزيد وزيد
يعني تقول لشاب عندو طموح ارواح اخدم هنا عند لحقار وليد بلادك ويعطيك مليون ولا مليون ونص يناس كونوا واقعيين وماتقولوش التراب هنا خير من معيشة الذل الذل ياو عندكم هنا
واكبر دليل قطاع الصحة تروح بدون معرفة يعاملوك بطريقة راهي باينة تبقى انت الاخير السكانيير مكانش الخيط ياعاجابة يار بي يقلك اشريه انت واذا كانت معريفة الله يبارك تتعامل احسن معاملة هنا عنصرية تاع الصح ليست عنصرية عرقية او عنصرية اجناس ولكن عنصرية على اساس التيكي والكتاف والمعريفة
​

 

[dendor]

موضوع مليح هادا يعطيك الصحة
-هي في دزاير كاين ليجان تلقاهم قاريين وماشاء الله عليهم وقاعدين تحت لحيوط بويسك معندهمش المعريفة
وتلقا لي داب الديبلوم شراوهولو الخدمة بالمعرفة عايش لاباس عليه وهو فارغ
اكيد القاري يزعف وتبانلو غير بلاد برا وعندو الحق في بلاد برا يقيموه كي يكون قاري يلقاو فيه مصلحتهم يعيش معزز مكرم
-وثاني كاين لي فارغين وماهمش قاريين وماعندهم لاصنعة لا والو مايعرفو يديرو حتى شيء
نهار كامل وهوما مكاليين لحيوط وعاسين على الناس ويقلك الخدمة مكانش
وهوما اصلا ماشافوش حابين غير لبيروات
هادوما يلقاو خدمة التهنمبير ومادابيهم مايقعدوش يقولو الخدمة مكانش
مي القاري وماهوش لاقي هاديك رانا معاهم وتبانلي البرا احسن ليهم
هنا كلشي بالمعرفة والرشوة
هادا رايي

 

[دنيا البسمة]

يعطيكم الصحة لي عودة

 

[barca.moha]

شكرا ليكم على الردود حبابي
تسلموعلى التفاعل

​

 

[الرومنسي الجاد]

سلام
صح فطوووركم
/
ايه الحرقة صحيبي تقدر تقول ليجون تاعنا كامل يخممو فيها - حتى انا -
سورتو كي راحت الحرقة هذيك تاع بكري - فلوكة و مشتقاتها -
ذرك يحرقو ريقلومونتار .. يحط دوموند تاع فيزا و هذا بعد ما يدرح الميزاجور و ليشيفر دافار و .. و ..تسقاملو هنا بين زوج ملايين و 3
و كي يلحق لهيه يحرق الشهر تاع الفيزا و يبقا حراااق حتى يعدل كواغطو - خدمة زواااج ... -
تقدر تقول بلي راها ساهلة مبقاتش كيما بكري تسقام للواحد و زيد فوقها الريسك .. تسينيي بلي راك ميت و تمشي ..
و الكل يخرج ع جال - دراهم + مستقبل
لأنو بلادنا مهيش موفرة الجو تاع المعيشة هنا
الشباب بلا خدمة .. و حتى و تكون عندو شهادة متاكلش في وقتنا هذا ..و زيد الحقرا
وقتنا تاع رشاوي و وكل هذا و هذا و معارف بففففف
بزاف صوالح ضد الشاب عندنا
/
:​

 

[الرومنسي الجاد]

شي ناس عليها قالوا

الغربة صعيبة وغدارة
ماركم خاسرين والوا خلوهم يضرب دورة ​

سلآمو ..

تقريبا هذه هي الحكاية
فكرة كي تدخل لراس واحد يعول عليها و مينحيهاش من بالو
قضية الواحد يجرب و يحكم بنفسو
كل نهار نسمعو بفلان و صل .. فلان تحكم .. فلان خرج و دار دراهم .. و فلان خرج و روح فراغ مدارش برويطة لعمرو ..

ممكن متكوبنا لهيه علاش لا ..؟​

 

[الرومنسي الجاد]

هناك الكثير من الامثلة اعرفهم شخصيا لاناس راحوا للاوربا خدموا تعبوا و رجعوا بعد مدة ليست بالطويلة 4سنين 5 بالتاويل وساعدهم في ذلك الاستفادة من الفارق الكبير في العملة

لا يحق لاي شخص انتقاد واو استهجان او الانتقاص من هذه الفئة هوما اصلا كرهوا من وجوه الشر عايشين في بلاد واحد ماراهو حاس بيهم وفي الاخير يقلك علاش يحرق ويبدى ينتقد ويقول يحبوا الدل
اخوتي ما نكذبوش على رواحنا رب العمل الجزايري حقار من لكبار وهنا اي عمل هذتاا مافيهش مستقبل تلقى روحك تخدم من اجل والوا من اجبل مصروف الجيب فقط بدون مستقبل الدنيا غالية والشهرية ماتكفيش وزيد وزيد
يعني تقول لشاب عندو طموح ارواح اخدم هنا عند لحقار وليد بلادك ويعطيك مليون ولا مليون ونص يناس كونوا واقعيين وماتقولوش التراب هنا خير من معيشة الذل الذل ياو عندكم هنا
واكبر دليل قطاع الصحة تروح بدون معرفة يعاملوك بطريقة راهي باينة تبقى انت الاخير السكانيير مكانش الخيط ياعاجابة يار بي يقلك اشريه انت واذا كانت معريفة الله يبارك تتعامل احسن معاملة هنا عنصرية تاع الصح ليست عنصرية عرقية او عنصرية اجناس ولكن عنصرية على اساس التيكي والكتاف والمعريفة​

سلآمو ..

كلامك كلو صواب و يقيس ف الصح و هذا هو الرسمي تع الحكاية ..
في بلادنا مديرش التاويل لعمرك .. تخدم ليل و نهار و متلحقش ..
/
عجبتني ثاني هدرة قطاع الصحة لي راهي تصرا ذرك بلا حشمة و الضحية ديما الشعب .. مفهمتش تقول راهم يخرجو ف الدراهم من جيوبهم .. مع انو تع الدولة ..
والدولة تاعنا لي راها راقدة متبعش الدراهم و تشوف آسكو راهم في قيد اللاستغلال و لا راهم تحت الطابلة ..
ربي يهدي و يصلح لحوال مكناش باغيين بلادنا تكون هكذا مي المشكل راه الفوق و بين الريوس الكبار لي معمرين سرقة و ضربة و هربة ..
​

 

[youyousra20]

الغلطة تاني تاع الدولة
باش يخدم يليق اللارمي
وتاني أصحاب اشهادات العليا راهم بطالين
العرف والدراهم

 

[الرومنسي الجاد]

الغلطة تاني تاع الدولة
باش يخدم يليق اللارمي
وتاني أصحاب اشهادات العليا راهم بطالين
العرف والدراهم

صح عندك الحق ختي
بلادنا مخدمت ولا اي جانب
حتى ناس بشهاداتهم و راهم في حصلة ​

 

[Madjid Farid]

الخدمه كاينه الشباب تاعنا اللي راح يطير
يحوس يخدم بلا نيفو
ويحوس غير على البيرو
تقولو اخدم قهواجي يتكبر عليها
وكي يحرق يروح يكنس الخماج تاع الخنازير حاشاكم
صح لهيه العدل وبزاف حوايج خير من هنا
بصح حتى ليجون حايطيرو
ولكل رأيه
شكرا على الموضوع
​

بالنيابة عن أخي barca.moha


أقول كلي خيتو هذا رأيك وانتي حرة فيه

لكن كاينة حاجة مالازمش تغلطي

بارسكو ليجان لازم تعطيهم الدولة لاvونتاج

سي بيانسير الواحد يكره خدمة تاع الذل في بلادو


ويقبلها في بلاد برى

بارسكو الشعب تاعنا هدار

برقاق

وكذاب

•●أصحاب قور أفر Ҳҳ ●•الغاشي اراشي ......هل يمكن تربيته؟؟


وزيد على كلمة أخدم قهواجي خيتو

ربما انتي بنت ماتعرفيش

واش معناها تخدم قهواجي


يالله سلام عليكم
​

 

[Madjid Farid]

واش هو الحل؟؟؟؟؟ سؤال يبقا دائما مطروح ..جابلي ربي قاع فوتيف كي جزاير كي ناسها وعقليتهم

انتي راكي تشوفي هكذا ؟؟؟

انا نقلك الفوتيف الوحيد هو الدولة تاع العوج...

تقبلي تحيتي بالنيابة عن صاحب الموضوع

وعن فريق


مع تحيات•●۩(¯ҳҲأصحاب فور أفر Ҳҳ¯)۩●•

​

نتي راهي حاكملك في هاد لالجيري علا بيها تقولي هاك ونزيدك نتي تقولي يحوس يخدم بلا ديبلوم فل بيرو ولي عندو الديبلوم وقاعد يتميزر ويستشفاو فيه رانا محقوريين ما تبقاوش تزيدو علينا ما قدرناش انا كرهت لالجيري ...... وكرهت هاد الردود لي كيما هاك سمحيلي اذا قتلك هاك مي دايما الحقيقة مورة

بصح كاينة حاجة خويا

احنا ليجان مانكرهوش لالجيري

احنا كرهنا الوجوه والكتاف والرشاوي والفساد

احنا بصراحة كرهنا الدولة وليس البلاد....

تقبل تحية طيبة من صاحب الموضوع barca.moha

وبالنيابة عن :


مع تحيات•●۩(¯ҳҲأصحاب فور أفر Ҳҳ¯)۩●•

​

سلام خويــا بهاد الموضوع راكم تحلوا بزاف انشغالات و اراء و اقتراحات ههه
و الله الاغلبية الساحقة تاع ليجان فالدي زاد رافدين مستوى لا باس به من التعليم و اغلبهم حاصلين على شهادات ربي يبارك
مي الله غالب واش راح يديروا في بلاد لا خدمة لا والو
c vrai اوروربا ماشي جنــة مي يقولك ميزيرية القاوري و لا معيشة بلادي
انا في رايي يحرقوا خير ما يقعدوا يبريكوليوا هنا و يرفدوا الهموم
مالقري الحقرة لهيه و لاسوفرونس مي يحملوا خير هه
هدا راي و ان شاء الله لي عوده

يعطيك الصحة

أول مرة نلقى بنت تخمم بهذي الطريقة

هذا هو خيتو

انا واحد من ليجان نقول

نتميزر في بلاد برى خير ....:sadwalk:

تقبلي خيتو أجمل تحية بالنيابة عن صاحب الموضوع

وكل من

مع تحيات•●۩(¯ҳҲأصحاب فور أفر Ҳҳ¯)۩●•

​

 

[Madjid Farid]

هذه هي بلادنا

سي vــري هذي هي بلادكم

وبلادنا ...........:schmoll:


هذه تحيتي بالنيابة عن صاحب الموضوع

وعن فريق


مع تحيات•●۩(¯ҳҲأصحاب فور أفر Ҳҳ¯)۩●•

​

 

[barca.moha]

وش من بلادنا شابة كتلتونا من هاد الهدرة العاية بركو ما تكدبو على رواحكم وين راها هاد الخدمة اللي راكي تقولي عليها
الناس راها بديبلوماتها وراها عاطلة
بركو ما تغطو الشمس بالغربال
تحي الحرقة
​

صح حبيبي راها بديبلوماتها وعاطلة مي شاب ميعجزش كل هاد القدر حتى يحرق
يتوكل على ربي ويكثر لي دوسي ويجي نهار وين أكسبتوه
كاين في الحرقة ناس منجحتش
وكاين اللي ماتو في البحر
وكاين اللي حرقو قلوب والديهم

​

 

[barca.moha]

شوفت خويا كيفاش هافييين رواحهم ويزيدو يحلو فامهم ويقولو ولاد بلادنا ما بغيينش يخدمو تقول نتا الخدمة راهي كاينة وحنايا ما بغيناش تخدمو تعرف انا عندي زودج تاع الديبلومات خطرات نقول روح نقطعهم ونتهنا ونديير روحي ما قريتش ونا منكدبش عليك كي نشوف هادووك الردود نجهل الواحد مهموم وهما يزيدوه عند بالهم قهواجي تعيش ما علابالهاش بلي قهواجي يخلص 500الف الغي الميزيرية و الذل تاع القاوري ولا تاع الكلاب تاوعنا سمخلي علا التدخل باسكو عجبني الرد تاعك صاحبي
صح فطورك

المزيرية ولا الغربة
دزاير دارت لونساج للشاب
وواحد لازملو يقرا على روحو والبقية تجي بمكتوبو
واسباب اللي يقدمها مش يقعد ويبدا يشكي انا مابغاوليش راهم يدخلو المعارف راهي الخدمة بالرشوة

​