غريبة باللوز والبيسطاش ............بالصور

[MĺŹǾ žĕĥÔŖ]

السلام عليكم​

جبتلكم وصفة رائعة اليوم
عبارة على حلو​

المقادير
3 بيضات
كاس ونص سكر
كاس لوز مطحون
كاس مايزينا
مغرف خمارة
كاس زبدة
كاس زين
والفرينة حسب الحاجة​

للتزيين​

ولوز وبيسطاش ايفيلي
و شيكولا دايبة ومربى​

الطريقة​

نجمعو المقادير الاولى مع بعض على نحصلو على عجينة طرية
ممبعد نحلو لعجينة ونقطعوها بالطابع الي عندك ​

وندخلوهم للفور
ممبعد ندوبو الشيكولا ونلصقو كل حبة مع اخرى وندهنوهم بالمربى ونزينوهم بالوز والبيسطاش ايفيلي​

وهادا الشكل النهائي​

إن شاء الله تنال إعجابكم​

صحا فطوركم​

 

[طيف الامل]

هايلة يعطيك الصحة

 

[fleur flower]

بارك الله فيك أختي
ويعطيك الصحة على الوصفة

 

[rima29]

بااارك الله فيك خيتي
صح فطورك​

 

[أم نيفين]

هاذي هايلة للعيد... بارك الله فيك

 

[MĺŹǾ žĕĥÔŖ]

بلا مزيااااااااااااااااااااا نورتووو الموضوع

 

[jinan27]

بارك الله فيك اختي
جاتك الغريبية روعة
يعطيك الصحة بالنتظار حلويات اخرى
صح فطورك​

 

[A_abir]

كاس زين

يعطيك الصحة حنونة جاتك تهبل باينة طيبة
بصح ختي حابة نسقسيك مفهمتش هدي الكلمة
قلت نجربوها في العيد مي وش تعني
هدي قوليلي
كاس زين ؟؟؟؟؟؟؟؟؟؟؟؟؟؟
نسنا فيك
ومرسي على الوصفة جاتك هايلة

​

​