الله على الشباب الجزائري كم أنتم رائعون "ناس الخير"

[لاجودان شاف]

صح واش راك تهدر بصح و الله كاين ناس دايرين هاد الفايسبوك غير لدعاوي الشر بصح و الله حنا الحمد لله شبابنا بداو يفيقوا و يعرفوا معنى الفايسبوك و الحمد لله مازال كاين الخير في بلادنا و في شبابنا
الله يبارك عليهم

صح يا ختي راني معاك
الفايس بوووك سلاح ذو حدين وين تستعمليه تلقايه
كيما قلتي واحد مدايرو غير للعلاقات ودعاوي والشر
وواحد مدايرو للتبرع والصدقة
شكرا​

 

[لاجودان شاف]

وفي النهاية تذكير بالعناوين

الدبابات السورية تقتحم مناطق في اللاذقية وحمص وادلب وتفرض عليها حصارا محكما
يكثر خير لي دار الخير
شكرا ​

هههههههههههههههه
هههههههههههههههههههههه
ههههههههههههههههههههههههه
رانا في منتدى اللمة ولا في بلاتو الجزيرة
عييت نفهم ههههه​

 

[ماكانش]

ههههههه لا لا يا سفيان

القذافي والاسد كيعاد جبوووور:santa_1: برك يقتل صحا مادات قدام الشعب والغاشي كامل يفيلمي
زيد الفيديوات تاع الجزيرة والعربية من الفايس ولا من اليوتيوب لي يحطها الشعب
المجازر تاع ليهود رانا نشوفو فيهم
وكيما يحبو مجزرو واحد ما يشوفها يعرفو كيفاه يخدموها
ياولدي كي الفايس بوك كي منتدى اللمة كي منتدى وشراك تهدر كلهم صفحات للتواصل الاجتماعي
وشي هو الفايس بوك منتدى عالمي
اللمة منتدى محلي برك جزائري

هاذي هيا لافار​

ههههههه
تسما لا ديفيرونس في التسوقير والحقة برك ؟؟؟
نشاء الله تكون لحكاية هكذا ....

 

[الرومنسي الجاد]

هذوما دزيرية ولا راني نحلم

ايه ايه بلادنا مزال فيها الخير و الريح مايقيسهاش و لي في عينو يقلبها تتقلب على راسو مكانش لي يهفنا

قالك شفنا و عفنا فاتو علينا سنين مايتنساوش و مراحش نعاودو الديفو صايي فهمنا القصة

بصح تلقا جماعة هذوما دير ف الخير و البارح برك شدو جماعة وحدوخرا في عملية سرقة لابونك تاعنا ـــــهههههههههه

بلادنا فيها المليح و القبيح

بفففف تجي تفهم دوووخ​

 

[kazawa]

بارك الله فيهم حاجة قمة هدا هو الشعب الجزاءري

 

[♥بنت عنابة♥]

بارك الله فيك اختي العزيزة على الموضوع الباهي والله اول خطرة نشوف هاد الفيديو
مرسي
ايييه كي تشوفي هكا تقول مازال كاين الخير في الدنيا وكاين الرجال تاع الصح
يحياو ولاد بلادي وولاد العقلية دي زاد تستاهلي تقييم ++ ​

 

[miss algeria]

بارك الله فيك اختي العزيزة على الموضوع الباهي والله اول خطرة نشوف هاد الفيديو
مرسي
ايييه كي تشوفي هكا تقول مازال كاين الخير في الدنيا وكاين الرجال تاع الصح
يحياو ولاد بلادي وولاد العقلية دي زاد تستاهلي تقييم ++ ​

تعيشي بنت عنابة ربي يخليييك و الله انا تاني عجبني الموضوع على هاذا حطيتو

 

[NaDiA.]

سلام تي باك الله فيك على الطرح
ايه ادو ناس الخير عندي بزاف نلي سمعت عليهم وديا نتابع في اعمالهم و اشااللله قاع شبابو صغار مي يديروفاعمال خير ايلة
و زيد لوكان تروحو لفحت الفايسبوك تاعهم تشوفو الخير صح و بالصور و حطين فديوهات اخرى الله يبارك و الاعظم تفاعل الناس معاهم حاجة تشرف هاذي صح الجزاير

مادابيكم تدخلو الصفحةو تشوفو
​

http://www.facebook.com/nesselkhirmedea​

 

[sarah_]

مشاء الله يعطيك ويعطيهم الصحة
ناس الخير شكون مايعرفهم ربي يخليهم هما وقاع ولاد بلادي
وشكون قال ممازالش الخير
ربي يكون في عونهم
ويكثر من امثالهم
شكرا على الموضوع وصح فطوركم

 

[M!ss_f@ti]

ماشاء الله على ناس الخير دارو حاجة هايلة

نتمناو تزيد حملات كيما هاذي

تحياتي ليك