حكايات جارتين -من واقعنا بأسلوب هزلي- مع عاشقةبوقرة و NOUR_light

[نكهة مطر]

السلام عليكم صـــحا فطـــــــوركمـــــــ
سمحولي هذو اليومين مقدرتش نوافيكم بحلقات كانت عندي ظروف
الممهم غددوة نوعدكم بالحلقة الثالثة انشاء الله
مشكورين على التتبع
صحـــــــا صحوركمــــــــــ​

 

[العمروشي الطائر]

و الله غير عجبوني بزاف بزاف

 

[العمروشي الطائر]

ربي يوفقكم
ان شاء الله و انا من المتابعين للحلقات

 

[نكهة مطر]

الموضوع : المسلسلات التركية​

الشخصيات :صبرينة والزوج نعيم والابناء نسيم ونسيمة​

نور والزوج امين والابناء سيرين ومحمد​

نور في الهاتف مع صبرينة: الو صباح الخير جارتي لعزيزة​

صبرينة : صباح الورد والياسمن ,واش راكي سافا​

نور:والله شوية مشفتش الحلقة تاع نو مانيش مليحة ​

صبرينة: ايه انا تان البارح ماشفتهاش وقتاش يعودها مانعرف​

نور: المهم نكملوها اليوم,اسمعي جي تشوفي الرض الطيبة معايا ​

صبرينة:لالا وليدك محمد يهدر بزاف او ميخلينيش نسمع نتفرجها مع ولادي ​

نور: انا عرضتك وانتي دبري راسك كيما تحبي ​

صبرينة : مانعرف نشوف اذا قدرت نجي ​

نور: ايه ملا تبقاي على خير اومبعد نشالله ​

صبرينة لنعيمـ: نعيم راني رايحة نشوف المسلسل عند نور ​

نعيمـ : نتي يانهارك من هاذو المسلسلات ​

صبرينة : ايه لفيد واش يدير كون تديني نحوس كي النسا وتخرجني كيما الناس ممانيش لاسقة في تيفي اش فانت كات24​

نعيم : واش نخرجك يرحم بابك ايا روحي عند جارتك لعزيزة لي يانهار تخرجلك خرجا من القصب ايا روحي​

صبرينة : يعطيك الصحة او ربي يهديك هذا واش نقولك​

نور لامين : امين حنوني معليش تروح تترج في الشمبرا ذوك جي صبرينة مندخلهاش انا لشمبرتي تقعد غير توقب ​

امينـ :ايه ايه انا نخلي التلفيزيو بلازما والماتش والديكودور نروح نتفرجلك لتم يو بوسي عينك ​

نور:على خاطري غاجلي لعزيز​

امين:روحي واش نقول​

صبرينة جات دخلت او قعدو يتفرجو​

دخل عليهم محمد لقاهم يبكو ​

محمد:ماما علاش اكم تبكو ​

نور: اسكت ياوليدي مهند قاستو رصاصة​

صبرينة:ا نور واش تفهمنا​

نور:ايا موحا وليدي روح عند سيرين​

صبرينة : ايه راهوا خلاص دك تبدا لميس ​

نور :ايه​

امين :نور...نور..نور​

نور: انعم راني جيت ...واش تسحق ؟​

امين :طيبينا القهوة راني ميت للجوع​

نور:هذا مكان قول سيرين طيبلك ​

امين:افففففففففففففففففففففففففف نسحق نتي طيبيلي ​

نور : خليني منك ​

نور تسمع الدقديق تقول لامين: هايليك الباب روح فتحها
امين:اواه نت نتي يجي نهارك
امين يفتح الباب يلقى نسيم وليد صبرينة
نسيم : مساء الخير عمو عيطلي لماما
امين : روح عندها لصالون
نسيم:ماما بابا قالك رواحي نسحقك
صبرينة :قولو منجيش راني نتفرج
نسيم: ايه ميكون غير خاطرك
نسيم يروح لدارهم ويقول لباباه :قاتلك منجيش راني نتفرج
نعيم:تفرجي او مبعد نوريلك زنباع وين يتبباع
نعيم يخرج البرا ويتلاقى امين
نعيم لامين:السلام عليكم اجاري
امين :عليكم السلام جاري لعزيز
نعيم :واش راك لاباس
امين:والله ماتشكورش
نعيمـ :خير نشالله وقيل كي حالتي
امين:الافلام التركية راح يهبلو المرا
نعيم ـ انا قتلك كي حالتي
امين:تعرف واش راني نخمم
نعيم: واش قوللنا معاك
امين:راح نجيب زوج نسا فاميلتي من البلاد وحدة ليك وحدة ليا
نعيم:وشنو وشنو راك معول نجيب خدامة لداري
امين :لالا
نعيم :مالا نتزوج بيها
امين :هيا بدات
نعيم :وشنو نتزوج على صبرينة مهبول نتيا
امينـ:يخليني نهدر
نعيم:ايه سمحلي قاطعتك
امينـ:: هاني نقولك فامليتي نجيبوهم نلبسوهم مليح ونقوللهم تزوجنا بيهم مبعد نسا هذوك ينصحوهم ويهدرولهم الحقيقة وحنا نجيبولهم كادو وهي تفرا
نعيمـ :هذي خطة مليحة وقتاش نروح لبلاد نجيبوهم
امينـ:ذك نعيط لختي ونفمها هي توجدوهم وتلبسهوم غدوة على 5 تاع صباح نتلقو في هذي البلاصة
نعيمـ :ا يه ميكون غير خاطرك
امين : ايا بسلامة غدوة
نعيم: غدوة
راحو السيدين وجابو النسا ودخلو عليهم
نعيم لصبرينة:نعرفك بليليا مرتي الدوزيام لي تسكن معاك ولي ترفدني ماشي كيما نتي لوحتيني نسيمة مسكينة لي عندها بيام رافدة هم الدار عليها
صبرينة:وشكون الحق تزوج عليا
نعيم : الاسلام محلل علينا ربعة اذا معجبتنيش هذي نجيب الثالثة واذا معجبتنيش الثالثة نجيب الرابعة هذا مكان
صبرينة دخلت لغرفة الذراري وراحت تبكي
دخلت مورها المدعي في ليليا وقاتلها:انا واسمني سامية وراجلك جابني باش نفطنك في واش راه صاري ضيعتي ولادك ورتجلك وحملتي مسؤولية الدار لنسيمة مسكينة ياك عندها بيام فيقي روحك هذو راهم يدو في دراهم ونتي تهدمي في دارك
صبرينة :صح عندك الحق والله ضيعت عقلي وضيعت داري ولادي وراجلي والله ماتتعاود
راهو جا راجلك نخليكم
صبرينة:هذي هدة ديرهالي والله ماحق عليك
نعيم:كون ماشي الضرة ماتفطنيش
صبرينة:صح كاينة
نعيمـ :صح جبتلك هذا الخاتم
صبرينة:ميرسي راجلي لعزيز دوك كل مانشوفو نتفكر هذي لحكاية
صرات نفس الحكاية مع نور او تصالحو وكل وحدة فهمت روحا قعدو مدة 15 يوم لانو كل وحدة لاتيا بدارها
واخيرا نور راحت لصبرينة
صبرينة:اهلا جارتي لعزيزى توحشتك اقلبي
نور :حتى انا جارتي
صبرينة:جوزي جوزي حتى الصالون وتوحشك
نور:ربي يخليك والله ملي داري راجلي هذيك الهدة وانا واقفة على داري هذا وين ريحت
صبرينة:والله صح حتى انا كون مدروناش هذيك الهدا والله مانفطنو
نور:والله صح لحمدلله فقنا قبل ماتصصرا صح
صبرينة :شوفي لي راجلنا كي مخلصين او مسمحوش فينا كانو قادرين يديروها صح
نور :والله صح الحمدلله ياربي
صبرينة :نشالله ماتتعاودش
نور:ايا بقاي على خير دوك يجي نعيم
صبرينة:ايا بسلامة او راني ندرب دورة ليك​

مع السلامة في الحلقة القادمة​

 

[العمروشي الطائر]

هههههههههههه
مليحة هادي
يعطيكم الصحا
زيدو مواضيع اخرى

 

[nour mary]

حلقة فووور
المسلسلات التركية دارو رايهم فالنسا نتاع دورك
شحال من فامي تفككت على جالهم
يعطيكم الصحة
سلااااام​

 

[نكهة مطر]

مشورين على المتابعة انتظرو الحلقة المقبلة

 

[ђĩหđǿĉħǻ]

merci for..........
​

 

[Jagwar]

44444444444
يعطيك الصحة عمل جميل
موضوع رائع
صحا فطوركم
​

 

[Houda Chaouienne DZ]

حلقة هااااايلة
نستعرف بيكم
​

 

[{مُدَلَّلَتُهُ}]

حلقة فوووووووووور مرسي عليكم

 

[biba-anoucha]

شكرا لك اختي

 

[العمروشي الطائر]

ويييينكم نستناو في الحلقة الجديدة بفارغ الصبر

 

[NaDiA.]

الله يبارك عليكم يا الفحلات و الله موضوع ولا خليني

قصص من الواقع و فيها عبر كبييييييييييييييييييييييرة ماشاءاللله عليكم خياتي

ننتضرو المزييييييييييييد

صحا فطوركم

سلااام​

 

[امبراطور الصبر]

والله موضوع منضم ولا اروع شكرا لك

 

[نكهة مطر]

سامحوني يا متبعين والله ظروفي مسمحتليش باش نديركم حلقة جديدة بصح لكم وعد مني بلي نخصص لكم وقت ونديرلكم حلقات اروع ونشالله تعجبكم(محبيتش ندير حلقة متسرعة تعود متعجبكمش)
صح صحوركم​