مطبخك في رمضــــــآآآن سيدتي * الجـــ 3 ـــزء* ‏

[عفاف الجزائرية]

السلام عليكم
واش عشيتو وكيفاه راكم
هيا رانا الله يبارك في الجزء الثالث
اتفضلو ادخلو برجلكم اليمين كيما عملت انا
وكي العادة والعوايد
موائد اطباق اكلات جديد ساعة ساعة اخبار وتقرعيج (وهل يخفى القمر:shiny

واش عولتو على نهار اليوم بما انه النصفية
​

 

[روز]

دشن :shiny:
اليوم النصفية :scared: والله ماعلابالي
المهم
اليوم درت فطور 3 من الناس مي مايفطروش في الدار
درتلهم شوربة وبوراك ماصورتهم قع تعرفو شكلهم وزدت هاذوم
لي كريب بالدجاج
ولي فولوفون بالخضر والمايونيز والفرماج والطون

 

[عفاف الجزائرية]

حالياً الأعضاء النشيطين الذين يشاهدون هذا الموضوع : 3 (2 عضو و 1 ضيف) ‏عفاف الجزائرية, ‏روز22+

اهلا روز
الضياف فيها فيها حتى الدار جديدة وصححو وجوههم وجاو
ايا مرحبا بيهم الدار دراكم مي سجلو وادخلو ما تبقاوش توقبو من بعييييييييييد

 

[عفاف الجزائرية]

دشن :shiny:
اليوم النصفية :scared: والله ماعلابالي
المهم
اليوم درت فطور 3 من الناس مي مايفطروش في الدار
درتلهم شوربة وبوراك ماصورتهم قع تعرفو شكلهم وزدت هاذوم
لي كريب بالدجاج
ولي فولوفون بالخضر والمايونيز والفرماج والطون

اييييييييييه يا روز اليوم النصفية
ياي انتم اللي في الغربة والله ما تحسو للاول ولا النصف
راكم غير كوراج تفوتو فيه وحدكم
مي ميعليهش راه قريب يلحق 23:sheer::sheer::sheer:

انا عولت على جاجة في الفور
مع بطاطا تاني معاها في الفور
بوراك وندير شويا موشتو للوالد بالكبدة
والباقي راه يجي

 

[نبع اليقين]

أيا مبروك على افتتاح الجزء الثالث
ايه اليو راني نصف الشهر عقب تمتم ربي يبارك
يعطيك الصحة اختي روز على اطباق راكي شاطرة ربي بارك كملتي بركي مايخافش عليك العبد :sheer:
بصحتكم مسبقا الفطور يا عفاف
واش بيهم اليوم الشعب مش باين غالبهم الرمضان بلاك :shiny:

احنا فطورنا
شربة فريك وبيتزا وبوراك ولحم محشي ومرولي
وسلايط وديسار وقازوز طبعا الله يديمها نعمة يارب ​

 

[ام منصف]

الف مبروك افتتاح الجزء الثالث
لعقوبة للجاي ان شاء الله
مساء الخير عليكم كامل
الليلة موسم نتاع نصف رمضان وفطورنا
بربوشة

وجاري

وسلاطة

روز ماشاء الله عليك اطباقك كالعادة رائعة
ربي يقبل اختي العزيزة

 

[aidouch]

سلام البنات
اختي روز ماكلتك تشهي
ممكن تمديلي الوصفة تع الكريب بالجاج
خاصة الحشو​

 

[ibtesem]

اممممممممممممممممم روز الله ابارك خرجوك هايلين
بصحتكم
صح فطورك
انا قلت نعمل طعام وحدو لانو اصلا ثقيل
اليوم النصفية ربي تقبل منا يارب

 

[عشقي الامارات]

salam lebnat
rose jawek haylin les crépes
les volovent ana mdariya nahchihom wendirhom felfour wensekihom bla sauce nta3 tajin zitoun

 

[ibtesem]

هدا اطبافي تاع البارح

بوراك عنابي

طاجين الحوت مغربي

هدي الطاولة

صحن الحوت

شهية طيبة للجميع
صح فطوركم​

 

[ibtesem]

روز لعجينة عملتها تاع المورقة او شرتيها

 

[rima29]

مساء الخير
الليلة ليلة النص
حنا فطورنا:
شربة وبوراك
شخشوخة ظفر
وكفتة تاع ندوش
وسلايط...الخ
​

 

[nada242008]

روز الكريب والفولوفون جاوك تحفة بصحتكم وصحا فطورك
ابتسام بصحتك الطاجين
انا لحد الان مازلت نخمم
نروح ننصب الجاري ومن بعد يحلها الحلال

 

[روز]

سلام البنات
اختي روز ماكلتك تشهي
ممكن تمديلي الوصفة تع الكريب بالجاج
خاصة الحشو​

هاهو رابط لي كريب
لي كريب بالدجاج ...والشرح بالصور

عفاف والله ماني عارفة بالنصفية راه كل شي سامط عندنا راه قريب يلحق 23 والواحد يحس شوية بالرمضان تاع الصح
يسلمك ام منصف وبسومة الله يبارك على البوراك هايل وش يفرق العنابي على البوراك نتاعنا نورينا الله ينورك
نبع اليقين شكرا اطباقك تاني ماشاءالله بصحتكم وش اطيبو كامل

 

[روز]

يسلمك ام ندوش منكِ نتعلم:showoff:
شريتها ابتسام لابات
مي هنا ماتتتباعش لي فولوفون واجدين كما لي في الدزاير اسمها هنا البف باستري
تتباع مربعات فوق بعضاهم وتنحي وتخدمي
راني نحط 4مربعات فوق بعضاهم باش يخرجو شوية مرتفعين
راهم 4 فوق بعض ومش مرتفعين ياسر ..!

يارحمك يا نتوع الدزاير

 

[نبع اليقين]

يعطيك الصحة اختي ابتسام على الطابلة تهبل تسلم ايدك بصحتكم
سخفني البورراك العنابي ....... وينو التاي سوفي هههههههههه​

 

[إشراقة حب]

ههههه حبستولي رااااسي علاه انتم عندكم النصفية 14 رمضان
ولا 15 رمضان خخخخ اوااااه واش دار فيكم رمضان ماخلاش
وليتوا ماتفرقوش بين 14 و15
ماعليش ياكرشي ماعلليييش
صراحة احنا مازال النصفية عندنا غدوا ان شاء الله النصفية
وزيد طاحت في دالتي تاع الطياب والله ماني عارفة واش نديرلهم
الشوربة والبوراك هذوك لازمين
بلاك ندير غراتان نتاع اللحم مرحي وندير كاش حاجة
والله ماني عارفة واش نديرلهم الطبق الثاني
اااااااااه لقيتها انا نموت على طاجين الزيتون ايا خلاص لقينها مال
شوربة طاجين الزيتون غراتان والبوراك ولي سالاد
خسارة ماعنديش كاميرا كنت نجيب نحط التصاور معكام
الله غالب ماعليش

ايا رمضانكم كريم وصح فطوركم
​

 

[عشقي الامارات]

lebnat chekoun ta36ini la recettes nta3 elkibab mechwi
rah ndiro elyoum inchallah

 

[رآج ـية العفو]

السلـآم عليكم
كي عشيتو يآ لبنآت أنآ هذآ وين نضت رآني مريضة شوية
الله يبآرك وصلنآ للجزء الثآلث ربي يجمعنآ دآيمآ على المحبة والأخوة
الفطور اليوم نزيدو غير فريت وديسآر وبي مونآد بآسكو
بآقي من فطور البآرح
بصحتكم وآش طيبتو كآمل يع ـطيكم الصحة يالشآطرآت

راجية العفو ما احلاها كي تدخل تحطلنا تلخيص وبالصور على كل وش قدمو لاعضوات ههه والله يعطيك الصحة ربي يشافيلك خالك ويعافيه ان شااءلله راكي فحلة الله يبارك واطباقك كاملة هايلة
ووصفة المرمشلة غير جربيها انا مانشبعهاش معولة نخدمها هذ الايامات ان شااءلله كي نشري الكبدة

ههههه الله يسلمك حبيبة وربي يخليك ويبآرك فيك
اللهم أميييييييين والهآيلة نتي هي ووصفة المشرملة أكيد
بآينة روعة من مقآديرهآ وطريقتهآ مرسي حنونة

دشن :shiny:
اليوم النصفية :scared: والله ماعلابالي
المهم
اليوم درت فطور 3 من الناس مي مايفطروش في الدار
درتلهم شوربة وبوراك ماصورتهم قع تعرفو شكلهم وزدت هاذوم
لي كريب بالدجاج
ولي فولوفون بالخضر والمايونيز والفرماج والطون

بصحتكم يع ـطيك الصحة جآوك هآآيلين يالشآطرة




درك مآ ندخلش حتى نجيب ليكم الصور ​

 

[nada242008]

ههههه حبستولي رااااسي علاه انتم عندكم النصفية 14 رمضان
ولا 15 رمضان خخخخ اوااااه واش دار فيكم رمضان ماخلاش
وليتوا ماتفرقوش بين 14 و15
ماعليش ياكرشي ماعلليييش
صراحة احنا مازال النصفية عندنا غدوا ان شاء الله النصفية
وزيد طاحت في دالتي تاع الطياب والله ماني عارفة واش نديرلهم
الشوربة والبوراك هذوك لازمين
بلاك ندير غراتان نتاع اللحم مرحي وندير كاش حاجة
والله ماني عارفة واش نديرلهم الطبق الثاني
اااااااااه لقيتها انا نموت على طاجين الزيتون ايا خلاص لقينها مال
شوربة طاجين الزيتون غراتان والبوراك ولي سالاد
خسارة ماعنديش كاميرا كنت نجيب نحط التصاور معكام
الله غالب ماعليش

ايا رمضانكم كريم وصح فطوركم
​

اليوم 14 رمضان يعني ليلة الموسم
وغدوة النصفية بصح الموسم اليوم
---
عشقي الامارات
كباب مشوي على طريقتي