سلوكات ماشي حضارية

[شذى الإيمان]

السلام عليكم ورحمة الله وبركاته

اليوم حبيت نطرح عليكم واحد الموضوع، لي قلقني البارح، وأكيد أنكم شفتوه ولا سمعتو بيه

البارح شريت بريوش وكي كنت خارجة جات وحدة وراحت تمس في البريوشات بيديها وتسقسي في صاحبتها: ندو منهم ولا لالا:cra_zy::cra_zy::cra_zy:

أنا الحمد لله كنت شريت بريوشتي، بالصح الل يجي من بعدي رايح يشري حاجة الناس خلطو فيها بيديهم، ممكن يكونو شراو بيهم البصل، لبسو بيهم صباطهم " حاشاكم " أو أي شيء آخر_o:_o:_o:

إذا كان الواحد كي يشري خضر ولا فاكية يغسلها وينحي منها الميكروبات، بالصح لازم نولو نغسلو الخبز والبريوش تاني؟؟؟_o:_o:_o:

وهاد الإنسان اللي يسمح لنفسو بلمس حاجة ماراهوش رايح يشريها، يقبل لوكان واحد آخر يعملهالو؟

راني حابة نعرف رايكم في الموضوع، ومانخبيش عليكم البريوش كي عجبني ماحبيتش نخمم بللي يقدر يكون كاش واحد خلط فيه من قبل :shiny::shiny::shiny:

صحة فطوركم وعليكم بالحيطة والحذر​

 

[joker-17]

مرة تعفرت مع راجل مس الخبز نتاعي و أنا رافدو و مرة شيخ كبير فتح الساشي نتاع القضيان و أنا واقف تما ماشي عقلية ههه علابالك راني نكتب فيها و زعفان

 

[AdNan31]

هاو كيباغيين نديروله
الخباز يليق يخدم ب ليغون ولا شاه
​

 

[المتفائلة_91]

الحق في لحوانت اللي حاطين الخبز البرا ، حتى ما يمسوهش العباد ، كاينة الغبرة بسلامتها تمس كل شي ،،،

صح ناقصين حضارة​

 

[لاجودان شاف]

السلام عليكم
صح كلام صواب وعندك حق
انا شفتهم يمس البانية كامل ويدي خبزة برك وساعات مايديش
وراكي علابلك لي يشم يشم ولي يتكيف يتكيف ووووووو
وكاين ناس يديهم مراض ومراض بزاف
ربي يستر شكرا
+
تقيييييييم​

 

[adel-mz]

عندك الحق اختي وهادا السلوك غير لائق ،
مي ماتريش الخبز لي في الطريق ،باسكو الغبار كامل يشد فيه تالمو المخبزة تنعدم فيها شروط النظافة احيانا ومابالكي الشارع.
مارسي اختي

 

[شذى الإيمان]

مرة تعفرت مع راجل مس الخبز نتاعي و أنا رافدو و مرة شيخ كبير فتح الساشي نتاع القضيان و أنا واقف تما ماشي عقلية ههه علابالك راني نكتب فيها و زعفان

ماتزعفش يا خويا، سلامة راسك
دير كللي ماشفت والو
" عين لا شافت قلب لا عاف "​

 

[شذى الإيمان]

هاو كيباغيين نديروله ​

الخباز يليق يخدم ب ليغون ولا شاه ​

عند الحق يا خويا، حتى حنا مازال ما وصلناش للخباز،
رانا طالبين الناس برك يبعدو يديهم​

 

[شذى الإيمان]

الحق في لحوانت اللي حاطين الخبز البرا ، حتى ما يمسوهش العباد ،

كاينة الغبرة بسلامتها تمس كل شي ،،،​

عندك الحق يا أختي، لكن بالاك هوما تاني كرهو،
يحطو الخبز في الفيترينة، ويجو الناس يرمو يديهم:scared::scared::scared:​

 

[شذى الإيمان]

السلام عليكم

صح كلام صواب وعندك حق
انا شفتهم يمس البانية كامل ويدي خبزة برك وساعات مايديش
وراكي علابلك لي يشم يشم ولي يتكيف يتكيف ووووووو
وكاين ناس يديهم مراض ومراض بزاف
ربي يستر شكرا
+

تقيييييييم​

وعليكم السلام ورحمة الله وبركاته
" شهية طيبة وصح فطوركم " _o:_o:_o:​

مع ناس كيما هادو لازم ننساو كامل واش نعرفو على الجراثيم والأمراض اللي تديرها، شروط الصحة والسلامة، و... و... و...
ونونسو روحنا ب:

" اللي ما قتل يسمن "

شكرا لمرورك المميز أخي​

 

[شذى الإيمان]

عندك الحق اختي وهادا السلوك غير لائق ،
مي ماتشريش الخبز لي في الطريق، باسكو الغبار كامل يشد فيه تالمو المخبزة تنعدم فيها شروط النظافة احيانا ومابالكي الشارع.
مارسي اختي

شكرا على النصيحة أخي،
لوكان شريت من الطريق، كنت أنا نستاهل، المشكل أنو حتى
داخل المخبزات وفي الخزانة وما نسلكوش، تلقى ناس
يجو بلا حشمة يبداو يقلبو في الرفوف​

واش نقولو، ربي يهدي وخلاص
شكرا لمرورك الكريم أخي​

 

[DARINE05]

ربي يسترنا من الامراض مرسيييييييييييييييييي

 

[مسيلية فوور]

وعلاه مخممتيش في اللي طيبها :um_sh::glare:
الصراحة عقلية خاسرة:thumb_down:
يا اخي نتا كي رايح تمسها راك تعير فيها ولا؟
ربي يهدي هذا ما نقولو
​

 

[شذى الإيمان]

ربي يسترنا من الامراض مرسيييييييييييييييييي

أمين حبيبتي شكرا لمرورك​

 

[شذى الإيمان]

وعلاه مخممتيش في اللي طيبها :um_sh::glare:
الصراحة عقلية خاسرة:thumb_down:
يا اخي نتا كي رايح تمسها راك تعير فيها ولا؟
ربي يهدي هذا ما نقولو​

عندك الحق يا أختي، لكن هاداك اللي طيبها تقدري
تصفي نيتك وتقولي دوك كلش تطور،
وراهم يخدمو بالماشينات، وبالاك يكون داير
لي قون " قفازات " بالصح كي تشوف عينك :scared::scared::scared:

شكرا لمرورك الطيب أختي​

 

[abc.imane2009]

واش نقلك اختي كلام كامل صحيح ربي يستر مرسي ....

 

[انتصار*]

عندك الحق حنا في الدار كي يجي الماء نغسلوه ههههههههههههه

 

[ghezal32]

حصلت واش نقول

 

[شذى الإيمان]

حصلت واش نقول

يعجز اللسان عن التعبير :scared: :scared: :scared:
شكرا لمرورك أخي​

 

[شذى الإيمان]

عندك الحق حنا في الدار كي يجي الماء نغسلوه ههههههههههههه

هههههههههههه، والماء اللي تغسلو بيه مغسول ولا لالا؟؟
نورتيني حبيبتي شكرا لمرورك الخفيف:sheer::sheer::sheer:​