موضوع للنقاش

[narita]

أولا السلام عليكم...
وتانيا....صح فطوركم وتانيا..
جبتلكم موضوع بالنسبة ليا جد هام وأتمنى التفاعل...
.
.
.
.
.
.
.
.
.
.
.
هو صح ...أنه ليس كل متعلم مثقف وليس كل مثقف متعلم...؟؟؟؟
مثلا أنه ليس كل طالب في الجامعة أو خريج هو مثقف ...فهناك من نسأله سؤال ثقافة عامة لا يكون له جواب ....وأحيانا نجده عند شخص لم يكمل تعليمه ......
لمادا في رأيكم ....؟؟؟؟ أنا أرى أن أغلبية الطلبة وليس الكل يكتفون بما يقدم لهم من دروس في الجامعة ولا يجتهدون في اكتساب المزيد من المعرفة والثقافة ....
من هو المسؤؤل في رأيكم ...؟؟؟
هل هو الأستاد ...؟؟
أم الأولياء ...؟؟
أم هو المسؤول عن دلك....؟؟؟
وعندما نسألهم يتهربون لأجوبتهم المشهورة ههه ( لايدرسوننا الأساتدة جيدا ....لا توجد كتب...وووو..)
وعندما نعود للحقيقة فهناك كتب والانترنات اللتي يستعملوها إلا للتسليه ..فايسبوك... msn...وغيرها )
واللتي لا يستعملوها لبعض الوقت بل يسكنونها.......


مارايكم اخواني أحتاج لرأيكم
والسلام عليكم

 

[Amoula ALG]

اختي هذي التفاوت في الثقافة بين الاشخاص
مش مسؤول عليها لا الاولياء ولا الاساتذة
بل تعود الى شخصية الانسان وطريقة وتفكيره
يعني تلقي طالب متخرج ثقافتو مش كما واحد مكملش تعليمو
هذاك لي مكملش تعليمو مثقف علاش؟
ممكن عندو ظروف خلاتو يبطل من التعليم وهو في عقلو مزال يحب التعليم
تلقيه ديما يقرا ويطالع و...و..... يولي مثقف من الدرجة العالية
اما الطالب كما قلتي ممكن من قرايتو تاع الجامعةولا دروسو خلاص ميزيدش يتطلع على حوايج لخرى لي تزيدو من الثقافة
في الاخير ونعاودها الثقافة ودرجاتها تعود الى شخصية االانسان وطريقة تفكيره

مرسي ختي على الموضوع

​

 

[ramzi_chooc]

الشبعة راهى فى الراس ماشى فى الكرش
من عند ربي هذى مرسى
موضوع رائع هايل هبال يستاهل طلة مرة اخرى

 

[**اسيل جنان**]

الثقافة جامي نقيسوها بالمستوى التعليمي للفرد
ممكن تلقيه خريج جامعة مي يعرف غير شي لي درسو
وتلقي واحد تعليمو بسيط مي مثقف ممكن نتيجة الوسط لي فيه
والخبرات
والاراء تتعدد
​

 

[reme]

أنا في رأيي الثقافة مسؤولية الفرد...

 

[narita]

شكرا لكم أحبتي .....و أوافقكم ........
اكيد هي ترجع لشخصية الفرد والوسط اللي يعيش فيه
لكن هناك فرق بين اللي حاب يتثقف ولا يجد العوامل المساعدة وبين اللي عندو كل الوسائل وماعندذو حاجة.......
شكرا مرة تانية وارائكم تشتمل على الصواب

 

[ISMA.dz]

السلامـــ عليكمـــــــ
انا في رأيي الثلاث اطراف مسؤولة الاباء في البيت هاملين ولادهم الا من رحم ربي
الطلبة لما يروحوا يقراو يحسو روحهم في سجن
والاساتذة كرهوا الطلبة في الدراسة وخلي وخلي ....
يعني ماتلقاش اجواء تخليك تتثقف
خلينا نحكوا بصراحة هل المجتمع تاعنا مثقف؟
اكيد بصفة عامة لا
ويقول المثل اعطيني فاهم ولا قاري وش نديرو بالقراية اذا ماكناش مثقفين؟
يعني قوليقي كيفاه نتثقفوا؟
كلها اسئلة تبقا تدور
موضوع رائعـ وطرحكــ كانـ مميز

سلاااااااااام​

 

[assinat]

التقافة لا ترتبط فقط بخريجي الجامعات و المعاهد

 

[hiba14]

نقولك دروك يقرا و عار لا اتثقف بكري كان المتقف ما يقراش و واحد قاري و ما تصيبيهش متقف
و حاجة كان يقولهالي واحد البروفيسور في الجامعة الله يبارك علمو تقافة قالي احنا الهدرة تاع اعطيهني فاهم و الله لا قرا هي اللي مخليتنا التوالى و عندو الحق لوكان نشوفو للواقع
تقبلي الراي نتاعي ان شاء الله
في لامان

 

[ما فهمت والو]

هادي مسؤولية كل فرد لا اساتدة لا مجتمع لا والو
الاساتذة يمدولك واش تحتاج في القراية وانت حاول تبحث عن معلومات زيادة و في مجالات اخرى و تثقف روحك

 

[nour el yakine]

موضوع هادف أختي صح عندك حق حسب تجربتي وحسب ماني قاعدة نشوف فيه أنو الطالب ينحصر في مجال التخصص ديالو مايطلعش على مجالات أخرى وأنو يكتاسب فقط من المحاضرات والدروس فوقها مايزيدش .عن نفسي نرجعها لضيق الوقت مع أنو راني نحاول نكتاسب أشياء أخرى تفيدني.
وكذلك الثقافة ماتنحصرش عند خريجي الجامعات فقط الأغلبية لي قاعدين ما كملوش التعليم ديالهم تلقايهم مثقفين.
دمتي​

 

[عالي الحمدي]

مشكورة على الموضوع ..

الثقافة ليست مرتبطة بالمستوى الدراسي دائما ..

انما ارتباطها الحقيقي بمدى الاطلاع والمعرفة والبحث ..

 

[narita]

موضوع هادف أختي صح عندك حق حسب تجربتي وحسب ماني قاعدة نشوف فيه أنو الطالب ينحصر في مجال التخصص ديالو مايطلعش على مجالات أخرى وأنو يكتاسب فقط من المحاضرات والدروس فوقها مايزيدش .عن نفسي نرجعها لضيق الوقت مع أنو راني نحاول نكتاسب أشياء أخرى تفيدني.
وكذلك الثقافة ماتنحصرش عند خريجي الجامعات فقط الأغلبية لي قاعدين ما كملوش التعليم ديالهم تلقايهم مثقفين.
دمتي​

مرسي على رايك.... راكي محقة مي بيناتنا تاع معنديش الوقت هي غير سابة نتخباو فيها والصراحة انا تاني نقول الوقت مي ويلا حبينا ساعة في النهار نقدرو نسرقوها نقراو اوموا كتاب ولا حاجة ....هو من المشاكل اللي نواجهوهوا هو اننا نلقاو الاسباب دايما اللي تغطي المشكل ....وهادي طبيعة فينا الكل ...
راني مش عليك ختي ..وبالنسبة انو مش غير الطلبة الجامعيين راني معاك صح مي انا ركزت على هد الفئة لانها هي االلي لازمها تكون مكونة للاخير وهي رايحة تتوجه للعمل وقادرة حتى تقري وهم يعطيو معلومات لناس اخرين يعني لازم يكونو متقفين ومكفيين .............شكرا

 

[narita]

انا اشكر كل من شاركنا النقاش هنا وراكم تحكيو غير الحق ...والمشكل في الانسان هو غياب النقاش الهادف ومحاولة ايجاد الحلول ونحاولو اننا اوموا نخففو منها......................
راني استفدت من اقوالكم ومرسي

 

[بالقرآن نحيا]

الإجابة الجيدة والسليمة يا غاليتي توجد بين الأسطر التي كتبتها.ولا زيادة على ذلك......................بارك الله فيك وزادك علما ونورا