هاذا وين اكتشفت شحال كنت بريئة

[hiba14]

ههه عندك الحق حنا تني كنا نقولو
تاع الشمس
و تاني يديرونا الحليب و يقولونا قد ما تشربو ديرو دراهم و الله يا النية

 

[roseblanche]

نعرف سلة لقلوب للي ما يرقدش تجيه عجوزة عندها سلة تحط فيها لقلوب نتاع لولاد للي ما يرقدوش

 

[♥بنت عنابة♥]

ههههه يحسراه يا حسراه على هاديك البراءة والله توحشناها ةاحنا كبار وزيد عند الجيل المجلجل هادا ماتلقاهاش نشفى كيفاه كانو يقولولنا طيشت سنة الداب اعطيني سنة الغزال ولا تاع ارقدي لا يخرجلك بولولو من تحت السرير هههههههههههههههههههههههههههههههههههههههههه ولا الغولة راهي تحوس على لولاد لي يبكيو هههههههههههههههههههه يا حسراه كي كنا نتكلحو لولاد تاع دوركا راهم لسانهم ماضي من لي يزيدو من كرش ماتهم جنون مايخلو حتى شيء مرسي على الموضوع حنونة ​

 

[عاشقة FCB]

هههههههههههههههههههههههه

 

[نجمة رجاص]

ya hassra 3la yamat zmane

knt ntaych snani 3la garmoud

w ngoul hak snt lhlib w 3tini snat el dhab

 

[NICHA03]

ههههههههههههههه
والله كانواا ديريللنا الرعب كي كنااا صغار الناس ترثد ولادهاا بالموسيقة و احنا ارقد لا تجيك الغولة
و نشفى ثاني ساعات كي يكونو
خارجين ل كاش بلاصة و لا كشما وين يروحواا ميحبوش يديوني يقولولي رانا رايحين لطبيب و الطبيب كذا و كذا دارولي عقدة منوااااا​

 

[nawal 88]

ههههههه
انا ولد خويا في عمرو عامين كي نحب نخلعو نقلو جاتك باعيا يضحك ويقلي تهمك انتييييييييييييييي
ياخي جيل ياخي​

 

[**اسيل جنان**]

ههههههههه حنا كانو يقلولنا ارمو سنة ديال لحمار هههههههه تجيك سنة غزال هههههههههههههههه
​

 

[TeNtOuNa]

ههه
كي كنت نعطش فالليل تقولي ماما ارقدي برك دوك تجيك الغزالة وتشربك
​

 

[مروة 95]

sa7iti, nicha
mawdo3ek hayel
7na kamel kona no9tlo bel baraa
y9olek tarmiha lechems
wt9olilha haki sent l7lib wa3tini senet lghzala
7na ndirouha
wlazem tochrbi bol ta3 7lib wala tji molathem tedihemlek
wlazm tbrossi senik fe lil wala tji lfara takelhomlek
hhhhhhhh
mais ta3 dork adi my sis 8 ans tkedbi wech tefhem


hada jil fort bezaf mana9drolouch ​

 

[طير الجنة]

هههههههههههههههههههههه
والله غير عندكم الحق داروا فينا رايهم بكري
الواحد كي يتفكر يبدا يضحك على روحو
شكرا ليك حنونة فكرتيني فيامات الصغر
​

 

[hannsg]

ههههههه والله ما كانش كيما براءة الطفولة هههه و الطفل لي ما عندوش براءة مالا وش من طفولة جوز؟ هههههه
يعطيك الصحة

 

[programmeur]

هههههههههههه
مرة نزعت سن قاتلي الوالدة ديرها تحت المخدة و أرقد في الصباح تصيب دراهم
أمالا كي نضت الصباح صبت 10 دج
نهار كامل و أنا فرحان ههههههههههههههههههههههههههههه

و في المقيل كنت نرقد بالضرب هههههههههههههههههههههههههههه

ايييييييييييييييه يامات زمان

 

[jojo hina]

انا كانوا دارنا يقولولي ارقدي في القيالة و لا يجيك شيخ القايلة و يديك معاه

مالا نرقد و انا خايفة​

 

[احلامdz]

كي نحوا السنة نرموها فوق البيت وتقوليلي يا الشمس هاكي سنة الحليب وعطيني سنة الغزالة وكي يكونوا رايحين لكاش بلاص ويحبوش يدسونا يقلك رانا رح نقتلوا الذيب لي راه في الجبل باش كي ترقدوا في الليل ميحبطش ياكلكم او( يهمكم)
واكره حاجة كانت تزعفني بابا نهار لي يكون رايح برا يقولي البسي حوايج ملاح ولبسي صباطك وراني هنا عند الباب خفي برك انا نروح نجري نلبس ونوجد كي نخرج مانلقاهش من باعد نقعد نبكي ومنهدرش معاه كي يجي بصح المشكل يكون حاسبها دايما يجيبلي معاه حاجة نولي ننسا وش صرا كامل

 

[NICHA03]

كي نحوا السنة نرموها فوق البيت وتقوليلي يا الشمس هاكي سنة الحليب وعطيني سنة الغزالة وكي يكونوا رايحين لكاش بلاص ويحبوش يدسونا يقلك رانا رح نقتلوا الذيب لي راه في الجبل باش كي ترقدوا في الليل ميحبطش ياكلكم او( يهمكم)
واكره حاجة كانت تزعفني بابا نهار لي يكون رايح برا يقولي البسي حوايج ملاح ولبسي صباطك وراني هنا عند الباب خفي برك انا نروح نجري نلبس ونوجد كي نخرج مانلقاهش من باعد نقعد نبكي ومنهدرش معاه كي يجي بصح المشكل يكون حاسبها دايما يجيبلي معاه حاجة نولي ننسا وش صرا كامل

ههههه شفتي شحال تغيظ تاع البسي و امشطي راني نستنى فيك تجي تخرجي متلقاي حتى واحد هههههههههههههههههههههههههه مام انا كنت نبكي نكي و نقول منهدرش معاه و كي يجيبلي كاش حاجة نسكت ههههههههه

 

[همس الوُرود]

هههههههههههه والله صح أنا مع لي صغار نولي نحس روحي براءة عليهم هههههه يام يعرفو كتر مني

 

[طيوف]

ههههههه و الله صح يا ختي مكانش منا لي مدارش الطوايش هاذو

 

[مينة آلاء الْقُدُّوس]

يا اختي راني حنيت لهادوك ليام

مكانش خير منهم

الاطفال تاع درك ولاو 10 سنين تلقاي عندو فايس بوك

كاشما بقى

صوم مقبول وافطار شهي​

 

[NINA_c9]

سلام اختي هههههههههههه شفتي البراءةهههههههه
كي تنحي سنتك تخلي حتى تجي الشمس وتقولي هاكي سنة الداب واعطيني سنة لغزال هههههههههههه يخي منكر يخي هههههههههه ولكان مترقديش يجيك الغول تحكمك الرجفة حنا كنا النية فلهبال ههههههههه دك هادا الجيل ما تخفى عليه خافية عادو يعرفو خير منا ني خوف ني والوااااااا هوما لي يخوفوك لفحولة ولفياقة والطيرة يا لطيف متسلكيش منهم انا عندي اختي عمرها 8 سنين لعجب تعرفو والاسئلة لي تسئل فيهم يا يماااااااااااا تتبلوكاي منهم ومتلعبيهاش عليها مره ههههههههههههه
مرسي اختي