انت تسأل وsami19280 يجيب لطلاب باك 2012 شاركونا استفساراتكم.

بليييييييييييييييز من فضلك اخى سامى

ممكن تنصحنى بطريقة حفظ مجربة لاننى احفظ دروسي و اراجعها و لكننى عندما ارى ورقة امتحان اجد صعوبة فى تذكر ما حفظته من دروس


كيف احفظ دروسي بشكل جيد حتى يرسخ فى ذهنى




ارجو الرد فى اقرب وقت
 
بارك الله فيك اخي عالموضوع القيم وجعله الله في ميزان حسناتك
نسقسيك على الفلسفة كيفاش تراجعها

 
جعل الله عملك هذا في موازين حسناتك


بالتوفيق لكل مقبل على الامتحانات النهائية وخصوصا شهادة التعليم المتوسط لهذا العام اي دُفعتي
وشهادة الباكالوريا

ناول الله الجميع كل ما يطمحون إليه
 
بارك الله فيك اخي على الموضوع واكيد اذا كاين اي استفسار رايحة نجي هنا وربي يوفقنا قاع في الباك​
 
السلام عليكم و رحمة الله تعالى و بركاته
لك مني جزيل الشكر أخي سامي على الموضوع الرائع
فعلا موضوع يهدف الى الهدف
لدي سؤال فيما يخص المواد الحفظية
كيف يلزمنا مراجعتها لأنني أجد صعوبة كبيرة في الحفظ و خاصة المواد الجافة كالقانون ...الفلسفة كذلك أواجه مشكل عويـــــــــــــــــــص معها...
سلام
​
 
شكرا جزيلا لك ,جعله الله في ميزان حسناتك يأخ سامي
 
قال m!ss♥lool♥:
بارك الله فيك اخي عالموضوع القيم وجعله الله في ميزان حسناتك
نسقسيك على الفلسفة كيفاش تراجعها

إضغط للتوسيع...


جامي خممت التخمام تاع نحفظ مقالات لانو صراحة مايوصلش ..كنت نحضر مع الاستاذة+ عندي مرجع اسمو نورمالمون المتميز ولا نسيت اسمو....+تتعودي على المنهجية راكم تديرو بزاف تطبيقات ...لانو اول الايام والحصص في الفلسفة كي حكيت مع الاستاذة على الحفظ تاع المقالات حتى هي قالت انو عملية ماتخرجش تخييلي تقدري تحفظي 100 ولا 200 مقالة هوما اصلا مجرد اجتهاد تاع طلبة واساتذة برك يعني معرضين للنقد...المهم قتلك جامي حفظت مقالة نحفظ اقوال الفلاسفة هذي معاك+فهمت المنهجية + طبقت في الباكــ باسلوبي الخاص والحمد لله ديت 14.5.
 
قال مروة 19:
بليييييييييييييييز من فضلك اخى سامى

ممكن تنصحنى بطريقة حفظ مجربة لاننى احفظ دروسي و اراجعها و لكننى عندما ارى ورقة امتحان اجد صعوبة فى تذكر ما حفظته من دروس


كيف احفظ دروسي بشكل جيد حتى يرسخ فى ذهنى




ارجو الرد فى اقرب وقت
إضغط للتوسيع...

بالنسبة للحفظ افضل طريقة عملية بالنسبة ليا هي انك تحفظي من بعد طريقة التسميع وفي الاخير تعاودي تعرضيهم كتابة يعني تكتبي وش حفظتي رايح تترسخ بسهولة هذي طريقة حفظت بيها
...........
 
قال fille unique:
السلام عليكم خويا
مبروك عليك الباك
بغيت نسقسيك على science راهي غير تصعاب psk انا علوم اجريبية surtout في عادوك تاع البروتين و المعادلات و كانل كيفاش ندير باش نفهمهم
merci

انشاء الله كامل نجيبو الباااااااااااااااااك
إضغط للتوسيع...
//بالنسبة للعلوم تبعيني مليح الكتاب المدرسي غني بالمعلومات مي تمارينو شوية ناقصين احسن مرجع مفيد هو المجتهد+ جزءان للتمارين تاع احمد امين خليفة برك ...ماتكثريش على روحك التخلاط راكي ماتقراي بيهم ماوالو .

 
قال برنســ اللمة ـيسة:
السلام عليكم و رحمة الله تعالى و بركاته
لك مني جزيل الشكر أخي سامي على الموضوع الرائع
فعلا موضوع يهدف الى الهدف
لدي سؤال فيما يخص المواد الحفظية
كيف يلزمنا مراجعتها لأنني أجد صعوبة كبيرة في الحفظ و خاصة المواد الجافة كالقانون ...الفلسفة كذلك أواجه مشكل عويـــــــــــــــــــص معها...
سلام
​
إضغط للتوسيع...


//المواد الادبية نقولهالك صراحة ماشي غير عام الباك والله كلشي وش عندك bagage يعني

فرونسي +انجليزية+لغة عربية ماش راح تتطرقو لحوايج جدد بزااااااااف خاصة الفرنسية مكان

والو جديد للعلميين نحكي كلها compte rendu راهي معروفة +انجليزية بعض القواعد سهلة

الاستيعاب + عربية قواعد جديدة فقط+الاجتماعيات ماتخليش المصطلحات تتراكم عليك التارريخ

تاع الباك ممتع...+الفلسفة اللي مخوفة الناس أكل مكان والو تقراي وتحضري الدرس +

+++نركز على هذي تعرفي المنهجية من الاول صدقيني كنت الوحيد اللي نقراها في لكلاصة مع

الاستاذة الله يذكرها بالخير وفي الاخير ديت 14.5 الحمد لله واللي ماقراهاش يدي غير 3 و4...يعني

تقراي تلقاي عادي خلاص.

بالنسبة لكيفاش راجعت انا شخصيا ماعطيتهمش حقهم كامل ونتمنى نتي تعطيهم حقهم انا كنت

ساعة على ساعة نخطفلهم شوية وقت خاصة للاجتماعيات برك والعلوم الاسلامية ..اللغات عندي

شوية bagage فادني بزااااااااااف .كنت نقرا المواد الادبية ساعات في نهاية الاسبوع ولا كي

يعود كاين فرض ولا امتحان ولا في العطل .....
 
سلام عليكم اخ سامي
من فضلك وش هوما المراجع الي كنت تعتمدهم في المواد خاصة الرياضيات والفيزاء والعلوم
وربي يجازيك الخير
 
قال ahlem93:
سلام عليكم اخ سامي
من فضلك وش هوما المراجع الي كنت تعتمدهم في المواد خاصة الرياضيات والفيزاء والعلوم
وربي يجازيك الخير
إضغط للتوسيع...

الرياضيات//رياضايات المغرب الاقصى

الفيزياء //موقع الاستاذ قزوري شافي وافي كافي د

العلوم// الكتاب المدرسي +جزئي التمارين لاحمد امين خليفة.
 
السلام عليكم ورحمة الله وبركاته
صح عيدكم كامل الأعضاء

أخي سامي في الحقيقة انا حاب ندي النصائح نتاعك وراني مهتم بزاف بالرد نتاعك
انا تحصلت على باك 2011 بمعدل 13.15 وهو معدل غير مرضي للحصول على تخصص جيد
حيث السنة الفائتة لم أدرس كما ينبغي وكانت عندي اللامبالات حيث كنت مهتم فقط بالمواد العلمية
وسأدم لك نقاطي وأسباب الحصول عليها

رياضيات 17.5 ( درستها طول العام وكنت قادر نجيب كثر )
فيزياء 16.5 ( كذلك قريتها العام كامل )
علوم 10 ( المصيبة أني قريتها بزاف بزاف ولكن.........)
ع.اسلامية 17.5 ( الحمد لله حفظت ونلت )
اجتماعيات 13.5 ( حفظت لكن لم أركز على المصطلحات لكن الحمد لله )
الفرنسية 7.5 ( كارثة جامي قريتها بصح هذا العام غادي نركز عليها )
الانجليزية 8.5 ( تفاجأت بالنتيجة )
فلسفة 9.5 ( حفظت مقالات لكنها لم تجدي نفعا وقد أدركت الخطأ )
أدب عربي 12 ( أصلا لم أهتم بها وهذا خطأ كبير )


يعني كما ترى أخي الكريم أغلب المواد أدركت فيها خطئي ما عدا العلوم هل بإمكانك اعطائي منهجية دراستها طول السنة فأنا مقبل على اعادة الباك

ممكن تخبرني بمعدلك في البكالوريا؟ وشكرا لك مسبقا
 
السلام عليكم اخي نور الدين ، حسب ما مررتُ به فان افضل الاشياء في العلوم هو حل التمارين
عليك بحل أكبر قدر ممكن منها
فالتمارين تمكنك من اكتساب المنهجية اللازمة ..
انا مثلا العام الماضي لم اهتم كثيرا بجانب التمارين وبالتالي كانت علامتي في العلوم سيئة (13) رغم ان الموضوعين كانا في متناول الجميع ورغم انني كنت أنتظر علامة اكبر من ذلك بمقارنة اجابتي بالاجابة النموذجية ولكن أدركت أن منهجيتي في الاجابة لم تكن موفقة ..
انصحكم بكتاب ''امين خليفة '' بجزيئيه به يمكنك لاستغناء عن كل المصادر والمواضيع ..
بالتوفيق لكم ان شاء الله ​
 
+ لاحظت أخي نور الدين ان علاماتك في اللغات الاجنبية ضعيفة نوعا ما ، عليك بالعمل على تطوير نفسك من هذا الجانب ليس فقط للحصول على علامة جديدة في الشهادة ولكن لأنك ستحتاج إلى اللغات كثيرا في دراستك الجامعية ، فعلى سبيل المثال إذا درست الطب إن شاء الله فسيكون كل شيء بالفرنسية الشرح والدروس (حنا جامي يهدر معاك الاستاذ بالعربية ، الفرنسية ولا ماكانش) ​
 
بارك الله فيك أخي طيور الإسلام على الرد السريع فعلا المنهجية ضرورية في العلوم وكذلك أنا أعمل على تطوير نفسي في اللغات

عندي سؤال حول كتاب العلوم هل اسمه " امين خليفة " ؟ وشكرا جزيلا لك
 
وفيك بركة أخي العزيز
وأما كتاب العلوم فاسمه ''الامتياز'' وكاتبه هو ''محمد الامين خليفة''
ابحث عنه جيدا هو في جزئين غالي شوية مي هايل معاه تسوري علامة مليحة في العلوم (اذا ما لقيتوش كاين الجزأ الاول في النت)​
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top