ملابس العيد

[lakhdar29]

صح فطوركم واش راكم ملاح

​

كيما عادة راه رايح يخلاص رمضان بصحة وستر وجاو ليامات تاع حلوة وقش عيد_ليوم روحت مع خويا باه نشروا قش عيد كيف كيف ايا دخلنا للمرشي نشوفوا ,واش نحكيلكم سلعة غالية بلبزاف وتبقي تشوف غير بعينيك ولاكان معندكش تحتك من مليون لفوق ننصح خويا هنا غير مايشقيش روحه ويساعفني يشري قميص برك باه يصلي فيه صلاه عيد _ايا بقيت نسقسي فسروال شحال يقولولك 250 الف حتى350 الف ومانحكيلكومش على صوالح لخرين

بغيت نعرف حاجة برك ومسكين مين غادي يجيب _وميعيدش _والله غير خسارة وسيرتوا وحنا عايشين في بلد اسلامي
ونتوما كاش قش ولا والوا
ونتمني تعيد بصحة ولهنى وتشاروا مساكين فرحتهم


سلام[/center]

 

[raile]

السلعة راهي ما تتقربش خلاص...

نقولك الصح راني مزال مادرت الكوراج ....

بلاك هاد لاسومان نشوفو كاش ما نتحركـ...

ولا كيما قلت ندربو فيها عباية بيضا نصلو فيها نهار العيد وخلاص....

ايا مرسي عليك خويا gاع تسلك

​

 

[لاجودان شاف]

السلام عليكم

ههههههههه فقتلك بلي راح تعيد
هيا ازرب قلنا قداه عمرك ههههههههه
مشكور خويا​

 

[ALEXIS SANCHEZ]

ايــــــــــــــــــه
ناس تستغل الفرصة باه تربح
معليش لي يدي كثر من حقو يجي النهار لي يخلص فيه ربي

​

 

[القلب الابيض]

صح يا ختي عندك الحق كلشي غلا سورتو معا يقرب العيد يزيدو فالاسعار يقلك نبروفيتيو على الغاشي
ونتوما كاش قش ولا والوا
انا عندي سمانة ملي شريت قلت نشري بكري خير لعقوبة ليك ختي و انشاء الله نجوزوه بالصحة و لهنا

 

[adel-mz]

صح الشي غالي على الزوالي مسكين
مي ان شاء الله تلقا الناس الحوايج لي يحوسو عليها باسعار معقولة ونعيدو لباس ان شاء الله.
وانا صايي راح زمانا.هاكم تعرفوا؟؟؟؟؟؟؟؟؟
بارك الله فيك لخضر

 

[naGam]

خويا السلعة غالية وكون جات حتى مليحة والله ماتلقى حاجة تصلح
انا نقولك اشري قميص وصلي بيه والبسوا هاذاك الصباح ومن بعد البس قشك نورمال
وصحا فطورك
​

 

[makour]

ههههههه والله يا اختي غير السروال شريتوا 400 الف بابا فلستوا مي واش اديري يجينا خطرة فالعام

 

[lakhdar29]

خويا السلعة غالية وكون جات حتى مليحة والله ماتلقى حاجة تصلح
انا نقولك اشري قميص وصلي بيه والبسوا هاذاك الصباح ومن بعد البس قشك نورمال
وصحا فطورك
​

هذاك مكان مايسلكهاغير قميص

 

[lakhdar29]

السلام عليكم

ههههههههه فقتلك بلي راح تعيد
هيا ازرب قلنا قداه عمرك ههههههههه
مشكور خويا​

صاي راني كبرت في عمري 25 سنة ههههههههههههه

 

[hiba14]

moshkil ta3 rela tjrs kein darwek moshkil jdid f bladna ga3 b drahmk w matssibsh sha teshry

 

[لاجودان شاف]

صاي راني كبرت في عمري 25 سنة ههههههههههههه

هههههه 25 سنة وراح تعيد
سير نتا هو المازوزي تاع الدار ههههههههه_o:
ياخويا بصحتك​

 

[AdNan31]

كي العادة نعيدو بقميس وبلغة ومور العيد ربي يدير التاويل
باسكو حنا جامعيين الدخلة في اكتوبر ههههههههههه
​

 

[sissi-jijlya]

يووووه و الله الحوايج غاليين بزاااف
مي راك تعرف كلما تلحق مناسبة يطلعو في السومة تاع القش
شكرا خويا على الموضوع و تعيد انشاء الله بالصحة و الهناء
صحا فطوورك

 

[chahinez04]

تعيد بالصحة و الهنا ان شاء الله
كيما قلت يسلكها غير قميص ههه
و انا ما زال ما شريت والو هه

 

[lakhdar29]

صح الشي غالي على الزوالي مسكين
مي ان شاء الله تلقا الناس الحوايج لي يحوسو عليها باسعار معقولة ونعيدو لباس ان شاء الله.
وانا صايي راح زمانا.هاكم تعرفوا؟؟؟؟؟؟؟؟؟
بارك الله فيك لخضر

والله غير عندك صح زمانا راح ولي راح مايولي

الله يحفضك حبيبي

سلام

 

[هدى42]

صح والله الغلى كاين كاين انا والله غير الحمد لله راني شريت بصح كملتلهم الشهرية ههههههه بصح لازم مرة فالعام العيد ماشي كول يوم

 

[فقير صغير]

هههههه مليح اسيدي اذا راكم تشريو في قش العيد
امالا كي يجيوكم الضياف احكم المصروف هذاك لي يمدوهولك وماتحشمش ههه​

 

[om djawad]

انا حبيت نقولكم حاجة انا وليدي عندو 3 سنوات وكي رحت نشري لقيت les ensembles غير من 500 الف و طلع و les robes تاع لبنات كاين حتى تاع 850 الف بزززززززززززاف ياخي
انا عندي واحد قادرة نشري نورممال واللي عندو زوج و ثلاثة و ربعة و الشهرية قليلة كيفاش يدير
وماتنساوش الصباط وباقي الاكسسوارات

 

[الرومنسي الجاد]

نورمــــال غير لهيه برك​