واش تقولو في ناس كيما هكا ؟؟؟

[MiSs Sisi StyLe]

الرجلة مش على مرتو يروح يتفل في خدمتو الرجلة جامي كانت في انك تحقر المرا الرجلة هي انك تحترم و توق مرتك
على كل ربي يهديه و يعينها عليه
لكن عندي ملاحظة انتي قلتي في احد الردود انو هي اكبر منو ب 5 سنين
يمكن حتموها عليه والديه و الا غلط معاها و كي تزوجها ندم و مقدرش يعيش معاها ولا يتصرف معاها هادي التصرفات و الا في حياتو مرا اخرى و الله اعلم

 

[programmeur]

لاحول ولا قوة الا بالله
مرتو يعمل فيها كيما هكدا ؟؟؟؟
مرتو وام ولادو ؟؟؟ الله يهدي ماخلق

 

[kiki96]

ما عندي ما نقول غير ربي يهدي ما خلق ...

 

[L!Na]

آآآآآآآآمين ان شاء الله

 

[مسلمة وافتخر باسلامى]

آآآآآآآآآآآآآآآآآآآآآ وي تاح بيها النيــــــvـــــــو
علابالكم حاجة .......راهي كبيرة عليها ب 5 سنين حشاكم وضرك كي ستر على بنت الناس ولينا في طاح النيــــــvـــــــو ايماجيني هو 25 وهي 30 ايماجيني !!!!!!!!
حاجة ماتدخلش في العقل كامل
وزيد وش زاد فيها ربي بنت العاصمة كيما حنا كيما هيا كامل امة وحدة
الحمد لله يا ربي حتى هيا طلعت قاوية بلبزاف وما سكتتش على حقها
بنت الدزاير صح

مفهمتش هدا التعليق ستر على بنت الناس كيفاش مكانتش مستورة امالا
وكى كبيرة عليه علاش يتزوجها وعلاش يضربها
وديجا اختى عندنا فى العاصمة نورمال واحد يتزوج بواحدة كبييرة عليه وزيد تعيش فور
انا نعرف كثر من واحدة فى العاصمة راجلها صغير والعكس صحيح مكان حتى مشكل مدام فى الحلال
بصح تعليقك مفهمتوش
حبيت نقولك برك بلى رانا كامل جزائريين تسما واحدة تبعد شويا على بلادها يصرافيها هك امال فى الخارج كيفاش
ربى يفرج على بنت الناس وعلى بنتها ويهدى ما خلق

 

[crazy girl2]

wa 3la hadi kkol wahda tadi man wald manti9tha makalah tba3ad khatar mab9ach kayna confience

 

[عاشقة مجهول]

ماهوش راجل .......من اللخر وماعندوا حتى ذرة رجولية وشهامة

 

[عاشقة مجهول]

الرجلة مش على مرتو يروح يتفل في خدمتو الرجلة جامي كانت في انك تحقر المرا الرجلة هي انك تحترم و توق مرتك
على كل ربي يهديه و يعينها عليه
لكن عندي ملاحظة انتي قلتي في احد الردود انو هي اكبر منو ب 5 سنين
يمكن حتموها عليه والديه و الا غلط معاها و كي تزوجها ندم و مقدرش يعيش معاها ولا يتصرف معاها هادي التصرفات و الا في حياتو مرا اخرى و الله اعلم

وعلاه ديما تجريو للنقص ........(غلط معاها ).......او الراجل راجل لوكان يغلط مليون غلطة الراجل يتحمل نتيجة تصرفاتوا وقراراتوا ............اسمحيلي بزاف ماعندكش الحق تتهمي هكذا حتى ولو وحدة ماتعرفيهاش

 

[imotag]

ربي يهدي ماخلق
هدا واش نقول
​

 

[♥بنت عنابة♥]

ماشي راجل لي يستقوى على مراة
ربي يمهل ولا يهمل
​

 

[rima barcaouia]

الله يهدي ماخلق ربي خلق و فرق الله يهديه رجال كيما هادو لاحولة ولا قوة الا بالله بببببببففففف مي كاين لمرا لي توصل روحا مشكورة اخت لينا وعيد سعيد

 

[waba]

الله يهديه و الله يصبرها و يجيبلها طولة البال
​