ممنوع عالرجال ...............

[nour mary]

السلاااام عليكم

واش الاحوال؟؟

عيدتو مليح ولا حسيتوه ناقس شويا ؟؟

سير كي ماعادوش يمدولكم الدراهم فوقتلكم:shay:
.
.
.
الرجال يا الرجال


يا سيدي في رمضان كنت نتفرج وحد الحصة فاليتيمة نتاع

محطة رمضان (بيناتنا كنت حابة نشارك فيها مي كل مانعيط

نلقاه اوكيبي :sad عيطتلهم وحدة جاوبت على الاسئلة قالولها

راكي سير قالتلهم ايه جاوبت عليهم انا ومولى بيتي قالها وين راه

راهو فالكوزينة يطيب فالبوراك

قالها هادو هوما les hommes بالاك يحرق روحو بالزيت :shiny:
.
.
.

و كاين واحدوخر

نعرفوه كي كانت امو حية ربي يرحمها

كان كل مايدخل للدار لازم يضرب مرتو وهي مسكينة قلبها كبير

صابرة خلاص

و كي توافات نقص الضرب

زعما باش يقولو راجل

صافي الرجال 2 انواع :scared:


*يالبنات واش تخيرو منهم ؟؟؟؟؟؟؟ :sheer:

*ويا اللولاد زعما صح نتوما زوج انواع

والرجولة عندكم فالضرب ولا انكم تعاونو مراواتكم

راني نستنا فيكم تجاوبوني :re_gards:


​

 

[لاجودان شاف]

السلام عليكم

علاه نعاون مرتي نزوج 4 ويتعاونو مع بعض في الكوزينة وكل وحدة وش تحكم
والضرب هيه تغلط نكسرلها فمها
ونعطيها 100 الف تروح دير فم عند الدونتسيت
مشكورة ختي​

 

[ماكانش]

أهلا بيك ختي
والله كاين وكاين
كاين ألي تبالو في الرجولة هيا الضرب ولعياط وو
وكاين ألي مرخوف خلااص وديما مسلانو يضر فيه من الطابيس تاع النشافة
ولمليحة بزاف أنو يكون راجل ماشي مرخوف وماشي يابس
يعاون مرتو في الأمور ألي يقدر يعاون فيها وألي يديروها الرجال
مثلا يعاونها تكون مريضة يطيب البيض ولا مانعرف
يعاونها يغسل قشو كي تكون تعابنة ولا مريضة
ومايعاونهاش يغسل بنتو الصغيرة ؟؟؟
واللخرة هذي ماعنديش بزاف شفتها ...​

 

[joker-17]

ما نضربها ماتضربني هههه الرسول الكريم مكاش يضرب مرتو صح و لا ماشي صح وهي ماكانتش تتزعم عليه

 

[somiasahraoia]

رجولة اخر زمن...................................

 

[الظل الطويل]

منجاوبش ـأنا خطـــاش موضوع ممنوع عـلى ـالرجال ..i-o:
ـأيا معليش نعولوا علـى ربي
كلـ ممنوع مرغوب فيه عدنا :shiny:

ـالرد ’

حبيت نسقسيكـ وشمن فايدة كـي ـالراجل يضرب
ـالمرا ولـــأ ـالمرا ماتسمعش كلـأم راجلها

ـاذا كــان زواج يجمع بين زوج تحت سقف واحد باش يتعاونوا
علـــأه حتــى تلحق ـالضرب
طريقة طرحكـ للموضوع كـأنكـ تحكي على حرب
شكـــون لي يفوز فيها
و شكـــون لـي رابح في لـأفير

نقلكـ لكــان عليا ـأنا :
مايهمني لـأ نضرب ولا تضربني
و مايهمني وش يقولو عليا
عنديـــ مبدأ نخير ـالمرا لـي نتفاهم معاها
و متوجعليش راســي

ـاذا ـانا طيبت البوراك ولـا هي طيبت ـالبوراك سي كيف كيف
ـالمهم متفاهمين

و كفـــى ـالله ـالمؤمنين شر ـالقتال ..
​

 

[اللؤلؤة المصونة]

خيتي سوجيك ملييح وجبتيهالنا بطريقة حلوة...:sheer:​

المهمـ انا رايي اختصرتو باقتباسات لاخوانى
:santa_1:"الرجال الصح" :santa_1:

اللي هناا

يااااو كي كونو مهنيين هاديك الفايدة:shay:​

كاين ألي تبالو في الرجولة هيا الضرب ولعياط وو
وكاين ألي مرخوف خلااص وديما مسلانو يضر فيه من الطابيس تاع النشافة
ولمليحة بزاف أنو يكون راجل ماشي مرخوف وماشي يابس
يعاون مرتو في الأمور ألي يقدر يعاون فيها وألي يديروها الرجال​

​

حبيت نسقسيكـ وشمن فايدة كـي ـالراجل يضرب
ـالمرا ولـــأ ـالمرا ماتسمعش كلـأم راجلها​

​

ـاذا ـانا طيبت البوراك ولـا هي طيبت ـالبوراك سي كيف كيف
ـالمهم متفاهمين​

​

​

 

[شهرزاد32]

يعطيك الصحة اختي نور على الموضوع
انا في راي الرجلة مشي في الضرب
الرجلة لازم تكون في بلاصتها مع شوي حنانة
والله غير المرا تولي خاتم في يده
هههههههههههه

​

 

[═♥.ЈŪšť_ màn.♥═]

و الله انا نحبــ مرتي ... نحبها نحبها نحبها
والانسان الي نحبو ما شكستشــ نضربوا و لا نديرلو حاجــة ماشي شابة
... و الرجال ماشي غير نوعيــم .. انواع
و الضربــ حل من الحلول . مي لمرة تاني لازمــ ترعفــ قدرها ياكــ
تحياتي :shay: غزااااااال
​

 

[mohgladiator]

شوفي ختي
بالنسبة للضرب خلينا منو
لاخاطر ماتزوجتهاش باش نضربها
و بالنسبة للطياب
('' عيطتلهم وحدة جاوبت على الاسئلة قالولها

راكي سير قالتلهم ايه جاوبت عليهم انا ومولى بيتي قالها وين راه

راهو فالكوزينة يطيب فالبوراك '')

شوفي ختي نعاونها صح
مي كي تكون عيانة بزاف ولا مريضة
ماشي تروح تهدر فالتيليفون
و انا نطيب
هادي ماتصراش​

 

[هآجر]

السلام عليكم

رجلة عمرها ماكانت بالضرب
شكرا لك
وعليكم السلام​

 

[*BlackRose*]

الراجل للي يضرب مرأة مااهوش كااااااااااااااامل راجل

 

[NINA_c9]

سلااااااااااااااام اختي
شوفي الرجلة ماشي في الضرب وعلاه كي عونهااااااا هكدا في حوايج خفيفة ساهلة نورمال ياك ماشي حرام انا شفت وشحال من راجل يعاون مرتو في حوايج كي تكون عيانة زعما حتى هيا متخليهش يقضي معاها وعلاه تقولوا روح نشف الحالة مكانش منها هي متقلوش وزيد الناس كي شوف راجل يعاون مرتو يقولوا عليه جايح هههههههه بويسك ميفهمووش وان شاء الله يا ربي في راجل صالح يسعفني ونساعفو امين
مرسي

 

[Orodent]

السلآم عليكم
شوفي أختي الزوآج شرآكة ومسؤولية عليهم في زوج
بصح لي مآ رآهيش قد الزوآج يعني رح تقوم دآر كآملة من لمينآج حتى للطبيخ
وآش أدآهآ تدي ولد النآس يسوفري معآهآ مآشي عفسة
مليح يعآونهآ مي في حآجة خفيفة مآشي يقلي البورآك والله لآ مليحة هآدي
وقصة الضرب هآدي مآشي رجولة أنو يستقوى على مرأة ضعيفة عيب عليه
ويآخي أحنآ نديو من الشريعة تآعنآ غير وآش نحبو ويخدم مصآلحنآ
ومآ نطبقوهآش كآملة يعني الرجل يسمع بلي عندو الحق في ضرب مرتو
يروح يعطيها طريحة الموت ويطلقهآ
دآروهآ خدمة

صحيتي عالموضوع أصبح ظآهرة اجتمآعية في تنآمي مستمر ​

 

[lamilam88]

n7eb ali y3awnni wn3anou
hwa rajel wana mrra
elcousina lia w elkhadma lih
w ki yji bach yakoul y7ot altbassa wkinkamlo
yarfadhom
hada makan w alsa7 ga3 fel mofahama​

 

[اجمل زهرة]

يا اختي نقولك الصح الراجل لي يضرب مرتو ماشي راجل هاذي هي
و مافيها حتى عيب اذا عاونها فالكوزينة واش فيها ؟
​

 

[DARINE05]

Merciiiiiiiiiiiiiiiiiiiiiiiiiiii

 

[sabrina17]

الضرب ماهوش حل لا لا بالعكس

والراجل الي يضرب مرتووو حاجة وحدخرة .......

واه يعاونها احم احم ههههه مي في حواايج خفاااف ساديبوو تكوون مرتووو مريضة ولا كاش ما فيها
وتاني مايكنش رااخف روووحووو عسووو راسكم يااا لولاد

هههههههههه

ايا سلام

وميرسي على الموضووووع


​

 

[sissi-jijlya]

السلام عليكم أختي
أنا رأيي أن الضرب غييير ماكالاه و الرجل لي يحب تاع الصح جامي يضرب واحد قريييب على قلبو بزااف
لكن أفضل النوع لي يعاوني و اذا غلطت يقدر يعاقبني لكنني ضد الضرب حنا ماشي حيوانات بعدا
شكرا على الموضوع
في أمان الله

 

[M!ss_f@ti]

شوفي يا اختي

الانسان لازم يكون امليح بركـ مايطلق روحو حتى تحقرو لمرة مايلعبها رجلة حتى تحسبو غول

انا صراحة الراجل لي يطلق روحي مانحملوش ,, لازم الراجل يكون عندو رهبة ومرتو لما تكون معاهـ تحس بالامان ,,, وبالنسبة للمعاونة امليح يكون الزوج يعاون مرتو في حوايج يواتيوه كيما ينفظ الفراش ولا يطيب حاجة ياكلها ..

يعطيك الصحة على الموضوع