يعايروني بحاجة ربي

[الجريئة]

ربي يهدي ماخلق شدي في ربي و خليهم يهدروا راهم مايسواوش ربي يرزقك بولد مثل القمر

 

[dalilanadir]

السلام عليكم ورحمة الله وبركاته
ردودكم اسعدتني وفرحتني بزاف
ربي يجازيكم خير والله يفرح قلب كل مؤمن

 

[النورس]

يا اختي كبري بالك و خلي ايمانك في ربي كبير
هو لي يرزقك ماشي خاوة راجلك
و نعطيك نصيحة متديش على كلامهم خليه يدخل من يخرج منهيه
علبالي صعيبة مي لازم تكبري بالك
متسمعيش لكلام النسا
​

 

[Nina's]

الاخت وكلي عليهم ربي
و انا تاني وحدة في لافامي تزوجت عندها عشرين سنة كانت في ال18
ماجابتش الدراري كي راحت عند الطبيبة قالتلها انت ميؤوووووس منك
امال هاذي مسكينة من الخلعة قعدت تجري من عند طبيب لطبيب و والو
و دركا كي ولا في عمرها 34 سنة رفدت بطفلة و دركا عندها ربع سنين و عاملة كي الباربي
امال اتوكلي على ربي و حنا ندعولك ربي يرزقك نشاله

 

[مسلمة وافتخر باسلامى]

ختى الرزق راهو من الله مش من العبد
وحنا مافى يدنا والو
انتى خذى بالاسباب وشوفى طبيب موثوق فيه
اما الناس
عادى الجهل كثر فى بلادنا
ربى يهديهم
يا رب يرزقك بالذرية الصالحة ويفرح قلبك

 

[nawal 88]

لا حول ولا قوة الا بالله الذرية بيد ربي سبحانو
+
ماتقلقيش روحك الظاهرة تاع تأخر الحمل راهي كاثرة بزاف

ربي يزقك الولد الصالح ان شاء الله​

 

[عفاف الجزائرية]

وعليكم السلام اختي
مرحبا بيك معانا في منتدانا
وانا بدوري نشكرك على شجاعتك هاذي اللي نعتبرها انا من ناحية شجاعة ومن ناحية اخرى انك تفرغي قلبك وترتاحي هنا بين اخوتك واخواتك
واش حنقوللك
هاذو الناس اولا ما هداهمش ربي
لانه الدنيا هاذي دوارة يوم هنا ليك وغدوا لهيه عليك
ما تدري ربي كيما جرحوك وقاسوك يجيبهالهم في حاجة عزيزة عليهم
تانيا يا اختي ما تقنطيش من رحمة ربي
الاولاد راهم رزق من عند الله تعالى
يعني قادر يرزقك بيهم في اي وقت
كيما ربي عاطينا الرزق نتاع المال والصحة والديار والطاكسيات الاولاد راهم رزق تاني
يعطيهالنا في حاجة وينحيهالنا من حاجة تانية
وزيد
انتي مازالك صغيرة يعني مالحقتيش للسن نتاع تاخر الانجاب
الله يبارك كاين شي بنات هاذا وين تزوجو
و5 سنين ماشي نهاية العالم انا عندي مرت خويا 3 سنين باه درك رفدت
وهاذوك 3 سنين جرات عند الطبة كاااااااااااامل ودارت الاعشاب والعفايس والدواوات الطبيعية كامل
وسمعت بلي كاين طبيب في الجلفة كانتمعولة تروحو ما حبش يديها
قاللها خلاص درنا كل شي خلي يجيهم ربي في وقتهم
والله حبست كل شي في شهرين لقات روحها بالحمل
وخويا درك في الخارج قريب 5 سنين تاني ومزال ما حنش عليه ربي
وصابرين اولحمد لله على كل شي
والعلم تطور يعني راهم عجايز كي يحبو يجيبو الاولاد يروحو يديرو اتلقيح ويجيبو الاولاد عادي
ااما انتي قادرة ربي في اي لحظة نسمعو بيك انك بالحمل ونفرحولك ونوقفو معاك كيما رانا درك معاك
عىل هاذا يا اختي انتي حاولي ما تبينيلهمش انهم اثرو عليك
كي تشوفيهم ولا تسمعيهم قالولك هذا الموال خسري عليهم كلمة كي يحب ربي راه يجي كل شي
رربي يرزقك بالذرية الصالحة ويعمر حجرك ويفرحك وتجي تفرحينا كي نهار ليوم
​

 

[جزائرية كوول]

اهلا بيك اختي

انا نقلك متعمريش راسك بهدرة الناس

المهم زوجك قابل بيك
​

 

[la_safa]

الســــــــلآم عليــــــــكم

اولا مرحبا بيك اختي معانا في العايلة الثانية تاعك
ثانيا مشكورة و راهم شكرورك قبلي على صراحتك
نقلك الناس هاذو لي يعايرو على حاجة ربي نعتبرها من اضعف الايمان

و زيد انك ماجاوكش لولاد تاني حاجة ربي و انت علابالي بيك صابرة
و راكي حامدة ربي على كلشي مي لي مقلقك الناس و هدرتهم

يا اختي ان شاء الله ربي يرزقك باولاد و تربيهم نعم التربية
و كاين ياسر امثلة لدرك مازالو ماجابوش لولاد
عندنا جارتنا مسكينة 10 سنين زواج و راهي في 11
ديما كي تتعارك مع جارتنا لوخرى تسبها على كيما ماجابتش لولاد
درك راهي بالحمل و قريب ربي يهنيها
و لوخرى تزوجت و لدرك ماجابت
يعني والله قضية قضاء و قدر

راح ندعولك و ان شاء الله كي اليوم نفرحو معاك
:sheer:
​

 

[nounanouna23]

kiyahdroulak goulilhom <<<al9afila tassir walkilab (7achek)tanba7>>> wal nzidak rahom cwava wdes retar monto rabi yachfiham ad3ilhom mssaken matkasrich rassek

 

[وائل ابن الجزائر]

صباح الخير اختي

هادي حاجة ربي الله غالب كاين حتى 12 سنة باش يجيب طفل مي نرومامو ميعايروكش لذا انصحك

يا اختي ان تبتعدي عنهم حتى لا تجرحي منهم تجنبيهم قدر الامكان
​

 

[mimira92]

السلام عليكم
أختي متخليش هاد الناس يأثرو عليك و الشدة في ربي نعرف ناس كيما في حالتك هكا 5سنوات باش رزقهم ربي بالاولاد و وحدة فاملتي 10سنوات باش رزقهم ربي بالدرية ما عليك الا بالصبر و الرضى بما قدره الله عز و جل لك و لا تنسي الاكثار من الدعاء و نشاء الله يا رب يرزقك نتي و كل لي كيما نتي بالدرية الصالحة اللهم أمين

 

[amina 19]

اقريت الرد الى فى موضوعى و رجعت ليك اننا نفس الحالة و نفس الموضوع نقولك غير نصيحة اختى بلا ما نظلوا تحكوا على غاشيك الى ربى يجازيهم فاتت عليا نفس الظروف و نصيحتى ليك يا اختى اذا قالك طبيب حالتكم bien ما تعانوا من والوا alorsلازم تنسى الامر تنسى حتى حساب موعد الدورة انا كنت مثلك مقلقة و الطبيب تاعى دارلى عفسة مليحة باه رفدت مرة مرضت be les ourien وداك نهار طاحتلى بايام التبويض كنت كلش نديرلوا حساب حتى ايام التبويض ,ايا دارلى صورة الاشعة قالى هذى المرة غير قطعى لياس بلاك شهر الجاى على خاطر الميكروب تاع المرض الى راه فيك مخلاش البيضات يكبروا قالى غير مكلاه تحسبى ايا انا قلت ايوة حمد الله الشهر الجاى و نحسب مليح امالا يا اختى داك الشهر حملت مين درت retardرحت لعندوا قالى شفتى القلق واش يدير قتلك انسى الامر تحملى و الحمد الله رانى فى الشهر الاول عقوبالك يا رب نصيحتى يا اختى قطعى لياس و ما تحسبى والوا ne les regle ne les jour de lovulation né rien du tou و كثرى من الصلاة والاستغفار و الدعاء و انشاء الله راح تحملى يا رب