- الأوسمة
- 1
اللي يرد العلم عن حال نوره
يكسب اجر في انسان ما عاد به روح
له وقت في حاله وفاقد شعوره
مجروح لكن ما تبين به جروح
كاتم وجع جرحه ويخشي ظهوره
لا يفرح الشمات ويبعد الشوح
الناس مليانة وجع ومحشورة
والصمت بعض ااحيان يغني عن البوح
يا ليت نوره بس وقت الضرورة
تقدر تكلم كان ما نيب مجروح
لكنها غصب علي معذوره
طفله غلاها بنظرة العين مفضوح
العمر توه في بداية زهوره
اقل من عامين والصوت مبحوح
ويا ليت تدري كيف بيعيش دوره
انسان حي وساكن انسان مذبوح
جعل الفرح ينثر عليها سروره
والعافية تبني علي جسمها صروح
واللي يرد الروح من جاب صوره
له دين فرقبتي واعده من الروح
