بنات ..... ممكن رايكم بليز

[أميرة الحكم]

بدون تفكير يا أختي

هذا لا يسمى حب ان أراد
أن يقص جناح طموحك و تعليمك

فان اخترت بينه و بين تعليمي
سأختار تعليمي ثم تعليمي .....فتعليمي​

 

[ikramh]

بلاكي يا ختي تفرطي في قرايتك القراية دوكا هي سلاح المراة سورتو في هذا الوقت واذا كان يحبك كيما قلتي يستناك حتى جيبي الباك ديالك او مبعد ساهل لازم عليك تبعي عقلك كاين قبلك بزاف تبعو قلبهم او ما ربحوش اديها من عندي يا ختي قرايتك هي الصح اومازالكي صغيرة اذا ستناك راهو ستناك ويدا ما حبش كاين الي يحبوا
او ربي يجيب الي فيه الخير ختيتي

 

[★ ميمي dz ★]

بدون تفكير يا أختي​

هذا لا يسمى حب ان أراد
أن يقص جناح طموحك و تعليمك ​

فان اخترت بينه و بين تعليمي

سأختار تعليمي ثم تعليمي .....فتعليمي​

وبدوووون تفكير شكرا على المروور

 

[★ ميمي dz ★]

بلاكي يا ختي تفرطي في قرايتك القراية دوكا هي سلاح المراة سورتو في هذا الوقت واذا كان يحبك كيما قلتي يستناك حتى جيبي الباك ديالك او مبعد ساهل لازم عليك تبعي عقلك كاين قبلك بزاف تبعو قلبهم او ما ربحوش اديها من عندي يا ختي قرايتك هي الصح اومازالكي صغيرة اذا ستناك راهو ستناك ويدا ما حبش كاين الي يحبوا
او ربي يجيب الي فيه الخير ختيتي

بارك الله فيك حنونة ومرسي على النصيحة
تحياااتي

 

[missa_1]

امممممممممممممممممممممممم

نكمل قرايتي خير لخطرش راه يبغيني ياك ميسمحش فيا

يفوت هذاك العام تاع الباك ومن بعد يرجع
​

 

[★ ميمي dz ★]

بعد الاراء نتاوعكم راني نخمم ندير كيما قلتي ميسا
ومرسي على المرور

 

[missa_1]

اه يسما هذي صراتلك وراكي تحوسي نرايو عليك
ختي عندك باك ربي ينجحك
وراكي مزلتي صغيرة الله يبارك عيشي حياتك خير
تروحي تلقاي المزيرية يقلك كل خطاب رطاب غير عيشي حياتك وخرجي وبروفيتي مادامك صغيرة
سلام
​

 

[zoro02]

بدون تفكير يا أختي

هذا لا يسمى حب ان أراد
أن يقص جناح طموحك و تعليمك

فان اخترت بينه و بين تعليمي
سأختار تعليمي ثم تعليمي .....فتعليمي​

في هذه الحال يعني انه لا هو يحبك ولا انتي !و كلاكما مستعد للتضحية بالآخر من اجل نفسه
من يحب يريد النجاح للآخر و يدعمه
وايضا من يحب لا يفكر في ان يضحي بالآخر بل يضحي من اجله
نستنتج انه لم يعد هناك شيئ يسمى حب!فالكل صار أناني
​

 

[le beau ange]

nn jamaiis nkmel et pUiis y7abasSsnii kima yChtii mais bac nn

 

[ISMA.dz]

عندك الحق في هادي اسما ويعطيك الصحة

العفو عزيزتي ونظن رأيي كان كرأي الباقي


ربي يوفقك وينجحك في دراستك


سلام​

 

[***بنت الوادي***]

اختي حاولي انك ماتخسريهمش الاثنين .. اعرفي كيفاه توفقي مابيناتهم

 

[abc.imane2009]

انا في راي نكمل قرايتي احسن

 

[نجاة40]

مانحبسش لقراية
ولوكان يحبني يسما يحب مصلحتي ويحبلي الخير
وقرايتي فيها مستقبلي وفيها الخير ليا
وزيد باك يعني 17 سنة اكي صغيرة وقلبك يمشي فيك اختي
هو راجل منا لغدوة يطيشك ومايحوسش عليك
مي بقرايتك تضمني حتى واذا خلاك تلقاي روحك​

 

[fille unique]

jamais jamais
deja ana hada l3am l bac mais je pense pa beli ndir haja kima haka krayti hiya l futur ta3i w hiya kolchi
merci

 

[mina21]

اكيد قرايتي لولا لكن حتى حبيبي ما نسمح فيه ونحاول كيفاه نقنعو باه نكمل قرايتي و ممبعد يسهل ربي

 

[crazykhadija]

بالنسبة ليا لوكان يحبني يخليني نكمل الجامعة ويصبر كيما الخلق

اموا انكمل 3 سنين تاع الجامعة دون تخصص نبقى وافيا ليه ونحبو
وبعد الجامعة يكون الزواج

مرسي

 

[مابقاش بزاف.Dz]

ما تلطيش بين الحب و الدراسة لانو لكل واحد منهما حدود و ضوابط ياك قرايتك ما تسمحيش فيها حتى تكملي الجانمعة بربي ان شاء الله لانو هادي دنيا دوارة كيما يقولوك
و الحب من جهة تاني ادا كان صادقا فكل شيء يهون امامه و لكن خممي مليح قبل ما تقبلي باي شيء
راني خلطت فالهدرة كي لعجايز خخخخ
ربي يفرج عليك و يهديك للطريق الصواب تحياتي

 

[احلام dz]

ان بالنسبة ليا قريتي اولى من اي شيئ اذا حب يتسنى مو نوصل لجامعة اوكي محبش الله غالب كل شيئ بالمكتوب وهذا مجرد رائي وكل وحدة كيفاه تخمم

صح عندها الحق انا تاني نقل هكدا و كل واحد كيفاش

 

[MARY S]

chOfi khti le3zizà 9raytk hiya lewlà fi 7yatk maranich n9Olak ekhtik meli t7ebih mais li 7ebni y7ebli slahi w kOun ja yhebni ykhelini nkemel pcq le9raya tenf3ak fi 39Obtk !9ader ida 9adara allah yetwefa wach diri mOrah tO6Olbi! w ida kan 3andk drari chkOn yesref 3lihOm...!!! yab9a hada mojarad ray yatik sà7à 3là el sujet khtitO w rabi yjib li fiha lkhir

 

[كمايا]

وينو المشكل

تقدر تقرى ونتي مخطوبة