واش هي الطبخات والحلويات المعروفة بولايتك

[labed93]

نسيت نقلكم اشهر اكلة و هي الدوبارة
كاين تع الفول و كايت الحمص

 

[labed93]

‏labed93, ‏samra19, ‏s_luna, ‏كوثر الوهرانية
راكم تطلو من بعيد
مرحبا بيكم شاركو معانا

 

[ام ايناس]

‏labed93 راني غير نتفكر فيها وما لقيتهاش انشا الله نتفكرها ولا يكونو الاخوات يعرفوها وبالنسبة للدوبارة الناس كامل تحبها يعطيك الصحة

 

[السلطانة]

وعليكم السلام
فكرة طيبة ام ايناس
ممم منعرف تشفايلي ول
المهم بالنسبة للاكلت تاع قالمة عندنا الشخشوخة

المكونات:
بصلة مراpيا+ثوم+فخض دجاج+ملح+فلفل اكحل+زيت +حبات حمص
قليها زيدي ا لطماطم وحطي الشخشوخة تفور مباعد جمري وحطي في الصحن

​

 

[السلطانة]

وكاين تاني لملوخية نطيبوها بزاف
هه راني نسرق من كوزينتي ونحط
تفنينت عندي بزاف مطبختش
ان شاء الله ترجعلي النفحة ونشري كاميرا باهية
تحياتي ​

 

[ام ايناس]

اهلا بيك شوشيتا توحشناك يعطيك الصحة تبانلي هديك شخشوخة الظفر نمووت عليها والملوخية تعلمتها تاني راهي ما تبعدش الدار

 

[labed93]

ام ايناس تعرفيها؟واش اسمها؟

 

[ام ايناس]

ما نيش عارفتها مي قلت بالاك راني ناسيتها انشا الله يكونو يعرفوها الاخوات ونستفادو كااامل ماشي اسمهم لي بينيي

 

[naGam]

شكرا ليك اختي فكرة هالة

الأطباق الرئيسة هي الكسكسي الاحمر واهم طبق هو السفة ولا (البومفور) كيما يقولولو في بعض الولايات
وشربة الفريك والمحاجب وكما نقولوها احنا في الواد (المتابيق) والمحاجب كاينين بزاف انواع كاين انتاع البصلة الل كامل تعرفوها وكان بالطوماطيش و..الخ والرقاق والرخساس والدوبارة والشخشوخة
والرفيس بوصلوع كيما تقولولا ولا الكعبوش واحنا نسموه الرفيس
الرفيس يجي بالتمر ولا مانسموه بالرفيس التونسي والابراج ولا المثقبة كيما يسموها والطمينة ولا(الزريرة) كيما يقولولها
وعندنا بزاااااااااااف اكلات مشهورة ي الواد ووين مانتفكرهم نجي نقولك
​

 

[ام فاروق و ايناس]

السلام عليكم
اختي ام ايناس حنا تاني عندنا في الغرب هذه المثقبه بالطريقة الثانية لي ذكرتها الاخت و لكن نسموه المبسس وعندنا رفيس بو صلوع ونسموه رفيس حبيت نعرف علاه بو صلوع

 

[labed93]

كيفاش ديري البيني بلاك هو
انا ما نعرفش اسمها خاطر بعثوهالي برك

 

[ام ايناس]

بالنسبة لي بينيي هادي هي المقادير والكيفية انا نحب نديرها بالمعجون وكاين لييرش عليها السكر وكاين لي يدير العسل
500 غ طحين أبيض
ملعقتان كبيرتان زبدة طرية
3 ملاعق كبيرة سكر
ملقعتان كبيرتان نشاء
بيضة
ملعقة صغيرة فانيليا
ملعقة كبيرة خميرة الحلويات
ملعقة كبيرة خميرة الخبز
نصف كأس حليب
ماء دافئ للعجن

الطريقة :
نخلط كل المكونات مع بعض ثم نضيف الماء تدريجيا إلى غاية الحصول على عجينة ملساء .. نتركها تتخمر لمدة ساعة تقريبا ثم نقوم بفردها -حوالي 3 إلى 4 ملم-ونقطع أقراص صغيرة ثم نتكرها تتخمر مرة أخرة لمدة 20 دقيقة تقريبا ..
نسكب الزيت في المقلاة ونتركه يسخن ثم نقليها .. وفور إخراج كل حبة نضعها في السكر وذلك حتى يلتصق السكر من كلتا الجهتين ،، بعدها نقوم بفتح كل واحدة و وضع مقدار ملعقة صغيرة من مربى المشمش ..
اهلا بيك ايمان الهاني وبسكان الوادي اطباقكم تشبه لاطباق بسكرة وننتظر منكي المزيد
ام ايناس وفاروق احنا تاني نسميوها المبسس والرفيس حاجة جديدة عليا اول مرة نسمع بالطبق ولكن يبان بنين

 

[ام ايناس]

labed93
راني تفكرت وصفة المشوشة بالاك هي هاي ليك الصورة

مقاديرها
6 حبات بيض + كاس دقيق متوسط + كيس ونص خميرة + ملح
تخلطي الكل مع بعض وتحطيهم في مقلى وكي تتحمر من التحت اقلبيها وكي تتحمر كامل حطيها في صحن وسقيها بالعسل

 

[tasnim55]

شخشوخة بسكرية:

بومفور:

محجوبة:

 

[imane27]

عندنا شفلور مقلي مع صوص بيضاء بلجاج

نفورو شفلور ونخليه يبرد ورمدوه فالبيض ومعدنوس وملح فلفل لكحل وننقليه
نطيبو مرقة بيضاء ببصل جاج ملح فلفل لكحل قرفة وزيت لحميصة ونمرق ونخليها حتي تتجمر
ونستف شفلور فى بلا ونحطولجاج فلوسط ونسقوه بلمرقة ونزينوه بمعدنوس وقارص​

 

[labed93]

ام ايناس خاطي المشوشة بصح فكرتيني فيها باش نديرها
هاذي لنهدر عليها مقطعة مربعات و تبان بالدقيق مش بالفرينة و مش محشية من داخل و مغطسة فالعسل كما قلتي على البيني
انا راني غير نتعلم فالطياب مزالني مش خبيرة اسمحيلي تعبتك معايا

 

[ام ايناس]

امممممم تسنيم يعطيك الصحة الشخشوخة وبومفور والمحاجب كامل يشهيو تسلمي حبيبتي ممكن نطلب منك تحطي طريقة الشخشوخة وبومفور لانو كاين ولايات ما يعرفوهمش والف شكر ليك
ايمان واش نقول على بلا تاع الشوفلور يشهي يعطيك الصحة راجلي شافو قالي دوك نجيبو وديريه كيما هاك
labed93 انا فتحت هادا الموضوع باش نستفادو من بعضانا واي طلب رانا في الخدمة

 

[tasnim55]

انشاء الله حبيبتي ام نيسو

 

[ام ايناس]

طاجين الزيتون

نقلي الجاج والبصل والثوم والملح وفلفل اسود وراس الحانوت والزعفران والرند والطماطم مصبرة ونضيف الزرودية والزيتون من بعد مانكونو غليناه مع القارص ومغرف خل ونمرق بالماء وشهية طيبة
​

 

[حاملـة المسك]

السلام عليكم

موضوع مميز يهتم بالتعريف بالعادات و التقاليد الجزائرية
راقت لي الفكرةام إيناس

ولاية بسكرة بوابة الصحراء

تشيشة مرمز

تشيشة فريك

تشيشة مرمز بالحليب

البطوط

المشخشخ

السفـــــة

المروgـي

الرفيس البسكري

الحسوة

بومهراس

عيش الحليب

كسكس اليقطين

محاجب الفطير

محاجب المعارك

أخيرا و ليس أخر
الشخشوخة البسكرية

​