لماذا يغسل بعض الجزائريين مراحيض الكفار؟

[هديل يسمين]

السلام
شفت بزاف الردود على هدا الموضوع كاين الي فعلا عندهم الحق وكاين الي يحب يقلل من شانهم برك
انا عايشا في الخارج ونقولك علاه يقبلوا يخدموا كعمال نظافة
اولا لان ثقافة العمل هنا مختلفة تماما على الي في البلاد هنا ماشي عيب انك تقول عامل نظافة العيب انك تقول بطال
كي يخدم راه يخدم بالسوايع يعني في نهاية الشهر تجيه الخلصة على قد السوايع الي خدمهم ويقبض دراهمو في الاول انتاع الشهر ماشي يجوه غير في العيد ولا راس العام
وازيد انا جابلي ربي الي خرج من بلاد لبلاد وهدفو انو يتبع الخبزة انتاعو هداك عمرو مراح يتشرط على الخدمة الي يخدمها المهم عندو في تالي الشهر الكونت انتاعو فيه الدراهم ما تقولوليليش وين دار كرامتو انا نشوف بلي الي يجيب خبزتو بعرقو خير من الي يدير يديه في جيوبو وقريب يناصف عمرو والديه مازال يصرفو عليه ويهدرلي على الكرامة

 

[حسان]

الاخت الفاضلة
جزاك الله كل الخير

كثير من الجزائريين يعملون في الخارج و اوربا على الخصوص باعمال مثل غسل الصحون و غسل المراحيض و في المطاعم و حتى نظافة في مراكز تجارية لديها فيها عذر للاسباب منهاا

------- بعضهم لا يحمل الوثائق القانونية و هو متلبس بالهجرة غير شرعية يعمل في اي عمل يستطيع أن يواصل حياته بشكل طبيعي و باقل اجرة مثل 700 اورو شهريا

-------- بعضهم يحمل شهادة الإقامة و هو مؤمن بالتامين و مرسب و يحصل على أجرة مقبولة مثل 1200 اورو ورغم ان عمله هو غسل الصحون و تنظيف في المطعم أو تقطيع الخضر أو اللحم و حتى غسل المراحيض

ألتقيت بشخص جزائري في إسبانيا يعمل في شراكة لتجهيز السمك و الحوت طازجة اخبرني أن شهريا مغرية جد هي 1500 اورو و هم يبحثون على العمال الجزائريين و المغاربة بالخصوص (خدمة كاينة )
لكن ضروف عمل صعيبة هي عمل في مكان درجة حرارة تحت الصفر في غرف التجميد


جزائري يغسل المراحاض في أروربا بسعر 1200 أورو أو حسب عملة جزائرية 17 مليون سنتيم تقريبا


ههههههههههههههههههه

و في الجزائر يغسل المراحيض بسعر 0.8 مليون سنتيم شهريا

ان شاء الله يعطوهمولو و ما يحقروهش