يا البنات معليش تعاونوني

[nour mary]

السلام عليكم

وشراكم يا البنات

عندي واحد البخوبلام

راني نطول في شعري مي المشكل انو عادينسل ( يطيح) بزاف

نمسو برك نلقى روحي جبدت كمشة نتاع شعر

و زيد الهبرية ( القشرة) كرهتلي حياتي

مام كي نغسل شعري كي نجي نشفو نلقاها بدات تخرج

مع العلم نغسلو مليح ونعاودلو شحال من مرة

دبرو عليا كاش وصفة طبيعية وساهلة :shiny:

شكرا مسبقا :re_gards:
​

 

[BlackFlower]

شوفي ديري حبة بصل قشريها مع 2 فصات نتاع ثوم خليهم يغلو مليح كي يولي الما صفر نحيهم.....وجيبي السدرة مطحونة زيديلها 2ملاعق كبار تاع زيت زيتون و ملعة كبيرة زيت الخروع.....خلطيهم مليح وزيديلهم هاد الماء تع قبيل حتى يولي الخليط كيما خليط الحنا....ومآكان حتى ريحة ديريها لعشية مورر العصر وباتي بيها حتى لصباح أغسليها وديريها 2 مرات في الأسبوع ورح تشوفي شعرك كثيف وغاااااااااااااازر وكي تغسلي شعرك مليح ديري قطرة نتاع زيت اللوز..ودلكي بيها شعرك مشمخ وخليه ينشف
إن شاء الله تعجبك وتنجحلك

 

[hanane alg]

السلآم عليكم آختي
كي شعرك يطيح بزآف ديريلو زيت آلخروع آو زيت آللوز
يكثفو آلشعر وفيهم فوآئد بزآآآف
وبآلنسبة للقشرة اغسليه بشآمبوآن
هيد آند شولدرز تآع نعنآع
مليحة بزآآف ومضآدة للقشرة
نتمنى نكون عآونتك
سلآآم
.....
​

 

[آمِيْرَتُه]

شوفي اختي في ما يخص القشرة استاشيري طبيب انا اختي كانت تعاني منها مي الان الحمد الله وصفلها دواء و التساقط ديري زيت اللوز و ان شاء الله تتحصلي على نتيجة

 

[Soumia_Sétifienne]

روحي لطبيب الجلد برك باه تحلطي وحدك انا نصيحتي ليك غير ماكالاه هذه الوصفات العجيبة الغريبة
روحي لطبيب وهو يعرف شعرك اذا عاد جاف ويطيح ولا... يمدلك شومبوا لي يوالم شعرك

 

[هــــيلدا]

آآآآآآآآ البصلة صح مليحة بصح تدير الريـــــــــــــــــــــــــحة ومتتنحاش أخطآك،
شوفي اولا روحي لطبيب هو يوصفلك كآش حاجة، كل شعر وكيفاش واللي صلحتلها خلطة قادرة متصلحش لوحدة أخرى

 

[nour mary]

مغسي حبيباتي
ربي يخليكم
+ تقييم لكل وحدة

 

[BlackFlower]

bla mezeya hanouna rana hena