قولوا لي اذا غالطة و لا والو !!!

[just_people]

السلام عليكم و رحمة الله تعالى و براكاته

لا أدري كيف أدخل صلب الموضوع فالكثير سيعتقد أنه في نوع من الكبر و التعالي - حاشا لله - و لكني سأبدأ
يخي اسمو ركن فرغ وش في قلبك و راني نفرغ فلا تواخذوني
الحكاية و ما فيها

تجد كثيرا من الناس يقول :" احنا رانا كامل كيفكيف من التراب و إلى التراب"
نعم أوافقك و لكن ماذا يفصل بين من و إلى ؟
و بالمثال يتضح الكلام
- واحد طول نهار برا في عز الشمس يخدم و يضرب في البالا بعدها يرجع إلى المنزل يلقى صاحبه قدامه مريح له في بلاصته يقول ليه نوض ريح برك لهيل خليني نرقد هذي بلاصتي الله غالب ميجنيش النوم غير فيها و صاحبه في البيت من صباح قاعد في كليماتوزور لا خدمة لا ندبة يقوله منوضش أنا لقيت و ريحت وأنت اتهرد املا ذاك الخدام يزيد يشاحن معاه املا صاحبه يقوله وشبيك تنفض في روحك رانا كامل من التراب و إلى التراب !!!
- برايكم أليست صعقة كهربائية -
- إنسانة عندها علم في الراس و فاهمة جيدا معايير الحياة في القراية تجدها تحب تساعد غيرها
و تلبي جميع الاحتياجات من طلبوها بصح متخالطهمش لمن بعيد لبعيد لأنه ببساطة متعرفهمش و متجيش في بالها تروح تتعرف عليهم لأنه عادة نجد مثل هذا النوع خجول املا تجيها وحدة تقول لها وشبيك شايفة في روحك رانا كامل من التراب إلى التراب !!!
- برأيكم أليست صعقة كهربائية -
:sad:
و يا جماعة اخطونا من سوء الظن - إن بعض الظن إثم -
حبيت برك نفهم طريقة تفكيري خاطئة اذا هكذا شرفوني بالسبب
شكرا
أرجو اعتماد الموضوع​

 

[ياسمين عنابة]

السلام عليكم
اختي الكريمة الناس معادن وعقليات وذهنيات وتركيبات نفسية وفيزيولوجية وكيمائية يصعب فهمها
ولكن نحاول ان نفهمها ونتخذ كل السبل للتقرب اليها
معك كل الحق
لابد اننا نضع انفسنا مقام الناس لنعرف من هم
الحكم السريع يولد سوء الظن
نعوذ بالله منه
مرحبا بك فرغ قلبك ورانا معاك نتواصل ونفرغ لعلنا بعد التفريغ نملأ هذه القلوب بمايليق

 

[ماكانش]

أهلا بيك الأخت الكريمة
تفكيرك سليم وصحيح
الحل الوحيد ألي وليت نشوف فيه انو الواحد يولي مايديرش على الناس واش تهدر ومايسمعلهمش لأنهم جهال جهل مكعب وليس مركب ...
مادام الإنسان علابالو بروحو وواش راهو يدير الباقي الله يسهل همذا يرتاح ومايتقاسش بالكهرباء هههههه​

 

[BlackFlower]

إييييييييييييييييييييييييييييييييييه.......صح
يعطيك الصحة

 

[just_people]

السلام عليكم
اختي الكريمة الناس معادن وعقليات وذهنيات وتركيبات نفسية وفيزيولوجية وكيمائية يصعب فهمها
ولكن نحاول ان نفهمها ونتخذ كل السبل للتقرب اليها
معك كل الحق
لابد اننا نضع انفسنا مقام الناس لنعرف من هم
الحكم السريع يولد سوء الظن
نعوذ بالله منه
مرحبا بك فرغ قلبك ورانا معاك نتواصل ونفرغ لعلنا بعد التفريغ نملأ هذه القلوب بمايليق

شكرا جزيلا , كلامك ذرر أختي ياسمين
حقيقة هي فسحة جميلة أتحتوموها لنا نطرح فيها طاقتنا السلبية لنستمد منكم طاقة إيجابية تدفعنا للحياة و العطاء أكثر
و يبقى إرضاء الناس غاية لا تدرك
كل الشكر لشخصك الكريم
موفقة ،​

 

[just_people]

أهلا بيك الأخت الكريمة

تفكيرك سليم وصحيح
الحل الوحيد ألي وليت نشوف فيه انو الواحد يولي مايديرش على الناس واش تهدر ومايسمعلهمش لأنهم جهال جهل مكعب وليس مركب ...

مادام الإنسان علابالو بروحو وواش راهو يدير الباقي الله يسهل همذا يرتاح ومايتقاسش بالكهرباء هههههه​

مرحبا بيك
المشكل هوما يجبذوك !!
و هذاك الجهل - ربي يعافينا منو - صدقني هو مرض العصر و راك قلتها حتى هو طور ولا مركب
مادام الإنسان علابالو بروحو وواش راهو يدير هاذي هي الفايدة
شكرا " ماكانش " على المرور الطيب
و الله يليق لينا مضاد الصواعق نحتاجوه و راك أنت اكتشفتو ههه
"مادام الإنسان علابالو بروحو وواش راهو يدير الباقي الله يسهل"
كل الشكر ​

 

[just_people]

إييييييييييييييييييييييييييييييييييه.......صح
يعطيك الصحة

ربي يجازيك أختي
شكرا على المرور​

 

[adel-mz]

سلام

واش ختي علاه راكي تتخنزري فينا رانا قاع ولاد 9 اشهر ههههههههههه
متزعفيش امزح مع اختي
واش نقولك ارضاء الناس غاية لا تدرك ،دونك الواحد يحمل وخلاص
باش نغير نظرة او عقلية مجتمع صعيبة شوية .
مارسي عليك اختي





​

 

[*امينة*]

صح علابالك كاين ناس مايعجبهم والو
اذا شافوك مليح يقولو راه يلعبها ناس ملاح
ولا تصرفت بحدود يقولو حاسب روحه
ولا قلت نفوتهم هاك الهدرة ماتسلكش
alors لازم الواحد مايديرش عليهم
ويشوف شاراه خاد م مع ربي هذاك هو الصح
شــــكــــرا على المـــــــوضــــــــوع
​

 

[just_people]

سلام ​

واش ختي علاه راكي تتخنزري فينا رانا قاع ولاد 9 اشهر ههههههههههه


متزعفيش امزح مع اختي
ههه راني نشوف..و أنت تشوف


واش نقولك ارضاء الناس غاية لا تدرك ،دونك الواحد يحمل وخلاص


باش نغير نظرة او عقلية مجتمع صعيبة شوية .
ذاك هو الصح يعطيك الصحة


مارسي عليك اختي ​

شكرا على المرور الطيب , مرسي ليك عادل​

صح علابالك كاين ناس مايعجبهم والو

اذا شافوك مليح يقولو راه يلعبها ناس ملاح
:shiny:
ولا تصرفت بحدود يقولو حاسب روحه
:schmoll:
ولا قلت نفوتهم هاك الهدرة ماتسلكش
:sad:
alors لازم الواحد مايديرش عليهم
ويشوف شاراه خاد م مع ربي هذاك هو الصح
ذاك هو الصح
شــــكــــرا على المـــــــوضــــــــوع​

صحيتي كلام من ذهب
كل الشكر​