ماذا ستطبخين اليوم سيدتي..انستي..../الجزء الثاني/

[tasnim55]

هذا الروز بطريقة ام ندوش جاء بنيييييييييييييين رووووعة يعطيك الصحة حبوبتي ربي يحفضك ويخليك لينا يالغالية ويفرحك بندى

​

 

[imane27]

اممممممم تسنيم حرام عليك راني صايمة ومزال وقت لفطور

 

[nada242008]

هذا الروز بطريقة ام ندوش جاء بنيييييييييييييين رووووعة يعطيك الصحة حبوبتي ربي يحفضك ويخليك لينا يالغالية ويفرحك بندى

اممممممممممممممم يشهي .. تسلم الايادي الغالية تسنيمووو

 

[nada242008]

salem alikoum ya banet
rani jit bel mouhawala ta3i
bessah ngoulkoum hadi takhdemha wahda balha twiiiiiiiiiiiiiiiiiiiiiiil mais elli ki halti ghir ma kalleh
sawart les etapes kima dertha ana ma tayabthech fi tajine, necheft la3jina b maizina w baki les etapes baynine
bessah ma kdartch nkemel heureusement ma kethrtch 3jina
elli bkatli kameltha normal

1 halit la3jina
2 kata3t ziada
3 dert maizina w roulit
4 lessakt b blanc d'oeuf
5 lazem tkat3i mayel bezzaf
6 tejabdi richa bricha

tebssi lekher bsahatkoum khiwa

يعطيك الصحة يالفحلة .. درتي فينا مزية وصورتينا المراحل
راكي جبتيه والله .. تسلم الايادي

 

[ibtesem]

تسنيمو شوفتي الرسالة
امممممممممممم على الروز جاك هايل صح عشاك

 

[oumniati]

اسمحيلي ايمان تعرفي كي نكتب من قوقل ونجي نكوبيي تروحلي خاصة كي نكتب بزاف تغيضني روحي كي يروح كل شي ههههههههه بصح راني نسيي

 

[l'algeroise]

مساء الخير عليكم
صح عشاكم كامل
أنا اليوم فالغدا درت لغريف الوصفة تاع tassnim جا هايل
يعطيك الصحة على الوصفة
وبصتك الروز يبان يشهي

 

[عفاف الجزائرية]

هاذا عشانا ليوم للصايمين

يعطيك الصحة اختي امنيتي والله افدتينا بزاف بزاف
لازمني نشوف ونركز مليح
مشكورة اختي ربي يعطيك ما تتمناي

 

[كوثر الوهرانية]

بصحت عشاكم لبنات التليتلي ميمي نموت عليه
تسنيم روز جاك روعة
امنياتي الله يعطيك الصحة اختي راكي جبتيه القريوش هو بالدات فحلة تاع الصح مشكورة على صو المراحل
عفاف الله يشافي و يعافي اختك يسلكها على خير ان شاء الله
بسومتي بصحت عشاك
ايمان صيامك فالجنة
ام فاروق ولدي زايد عام قبل بنتك هو راه كرر السنة

 

[ibtesem]

انا صراحة جعت تنعشى من عند عفوفتي ونشرب التاي عند لالجرواز
ياامنيتي هبلتينا بالقريوش انا هدا مانحب في الحلويات
رانا رجيم حرام عليكم
وقيلة نكمل اسبوع وخلاص

 

[كوثر الوهرانية]

بصحت عشاكم عفاف مشاء الله راكي قايمة بيهم و طجين الكفتة روعة و المطلوع اروع
تعرفي الطاجين تاع الخبز نشقلي عيت نحوس هنا نلقى مشي شابين وصيت باش يجبولي من الشرق و راهم طولوا عليا و انا نحب نطيب المطلوع غي في الطاجين تاع الطين يجي بنين على تاع الحديد

 

[ibtesem]

حالياً الأعضاء النشيطين الذين يشاهدون هذا الموضوع : 49 (21 عضو و 28 ضيف) ‏ibtesem, ‏arsalane, ‏assia dz, ‏أم عبدالصمد, ‏وصال تسنيم, ‏ام منصف, ‏ام مراس, ‏ام تقوى, ‏faloussa, ‏High hopes, ‏l'algeroise, ‏mimi53, ‏mizora+, ‏momoude, ‏nada242008, ‏oumniati, ‏samora68, ‏setifienne, ‏كوثر الوهرانية+, ‏tasnim55+, ‏عشقي الامارات

شوفو لقريوش واش جاب
يازوار يازوار ممنوع نقل حرام هدا جهد الغير

 

[oumniati]

العفو ندود انت اللي درتي ينا مزية لوما انت ما جربتها شكرا جزيلا

 

[حاملـة المسك]

يعطيك الصحة يالفحلة .. درتي فينا مزية وصورتينا المراحل
راكي جبتيه والله .. تسلم الايادي

احم أحم و نا معاها فحلة
مشي البارح قلتلك هدي هي الطريقة
إسألو لبيبة فعندها الجواب :tongue_3:


جزاك الله كل خير أميمة ​

 

[كوثر الوهرانية]

لالجيرواز البغرير جاك يهبل خرجلك روعة بصحتكم
بسومة انا تاني هدا الاسبوع خلاص عيت من الريجيم يا اختي نعاودوه كي ترجع اختنا روز ان شاء الله

 

[كوثر الوهرانية]

حالياً الأعضاء النشيطين الذين يشاهدون هذا الموضوع : 49 (21 عضو و 28 ضيف) ‏ibtesem, ‏arsalane, ‏assia dz, ‏أم عبدالصمد, ‏وصال تسنيم, ‏ام منصف, ‏ام مراس, ‏ام تقوى, ‏faloussa, ‏high hopes, ‏l'algeroise, ‏mimi53, ‏mizora+, ‏momoude, ‏nada242008, ‏oumniati, ‏samora68, ‏setifienne, ‏كوثر الوهرانية+, ‏tasnim55+, ‏عشقي الامارات

شوفو لقريوش واش جاب
يازوار يازوار ممنوع نقل حرام هدا جهد الغير

ههههههههههههههههههههههههه
وحدك يا بسومة وحدك

 

[عشقي الامارات]

matkhafich ya moulat elgriwech jina ngouloulek ya3tik essa7a
machi neser9ouh loooo

 

[oumsif]

صح عشاكم لبناتكوثر بصحتك لخفاف سخفتيني
ام ندى شفتي القريوش الى حطيتي درنا عليه بحث برسك لقينه كيفاه يتعمل , بصحتك حنونة الكوكا و الثليثلي
تنسيم بصحتك الروز , بسومة سخفتك بالبانيني تكليه بالصحة اختي
امنيتي جاك هايل بالك صح ميتشوحش يتنشف خير بالنشاء
ستفيان ربي يشفلك بنتك

 

[حاملـة المسك]

آسيا طريقة المقرقشات هدي كفاش درتيهم سييتهم و ما نجحتش يتحلولي

حللتها مع روحي قلت بلاكقلتيهم في حاجة ضيقة
علبة مربى مثلا

الصورة ما ظهرتليش إليك الرابط

https://www.4algeria.com/forum/t/281481​

 

[nada242008]

لالجيرواز البغرير جاك يهبل خرجلك روعة بصحتكم
بسومة انا تاني هدا الاسبوع خلاص عيت من الريجيم يا اختي نعاودوه كي ترجع اختنا روز ان شاء الله

_o:_o: ههههههه الدال على الخير كفاعله يا بسوم
شفتي يا ابتسام مانعياو نلقاو القريوش في منتدى الج ل .... وتقول بطريقتي الخاصة ههههه
شفتي رغوودة عندنا فحلات الله يبارك اللي حوست في منتديات اخرى وجابتنا الوصفة واللي صورتنا القطاعة واللي جبتنا موضوع بالصور وطبقوها زوج عضوات
الله يبارك عليكم والف شكر لكن جميعا:sheer:
--
عفوفة عشا يشهي بصحتكم