ونتوما يا لبنات تعرفو تحطو السينيا ؟؟؟ ...

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
مانديرش موضوع على الزواج يومين نتغم هههههه
المهم عندي صاحبي ديما كي نحكيو على الخطوبة وتروح يماه تشوف تقلي ولازم الطفلة تكون تعرف تحط السينيا تاع القهوة _o: :shiny:
المهم ديما هذي هيا الهدرةن،ويقلي اتخيل الطفلة تكون ماتعرفش تحط السينيا تاع القهوة :shiny: يما ماتقبلش _o: ...
أيا لبارح خوه لكبير راحت يماه تشوفلو طفلة بعثها ليها ، المهم قالي يما راهي خايفة الطفلة تكون ماتعرفش تحط السينيا ، وماتعرفش تهدر ولا تهدر بزاف (هذي غير ثبتو رواحكم فيها يا لبنات ولازم نديرلكم عليها موضوع دورة تدريبية ههههههه) ...
المهم راحت ولقاتها تعرف تحط السينيا والحمد لله ههههه
أنا فهمت وفاهم بلي السينية وطريقة الحطان تاعها علامة من علامات الحقة وأنها زعما الطفلة باش ماتبخصش بولدها مع الضياف ووو ...
بصح ألي مافهمتهاش هل كاين حطان تاع السينيا غالط ولا فيه ديتيكنيك زعما لازم تحط لمغارف قبل ومن بعد الصحونة وتزيد الطارموس تاع القهوة ومن بعد تكملها بالقاطو ولفناجل ؟؟؟ ههههههه
وكي تحط لازم تهز يدها 15 سنتيم، وتهبطها بربع سنتيم وتقدمها لداخل ب13.5 سنتيم ؟؟؟ ههههه
وهل الطفلة ألي تحط السينيا عادي وبكل عفوية تحط لفناجل وتزيد الطارموس ولا لبريق وتصب هذي مسوقرة ومانقبلوش بيها وراح تبهدل بينا ؟؟؟؟
ولا النسا ألي يتولهو بزاف للتمسخير والتافاهات هذي ؟؟؟
وهل النسا كامل يتولهو ويشوفو لطريقة حطان السينيا ؟؟؟ انا تبالي يما لاعلاقة بلحوايج هذو ...
انا هنا عييت نفهم وفهموني ...

الملاحظة:
ناقش وحلل في اكثر من سطرين وأقل من أربعة أسطر :shiny:
ثانيا:
صاحبي هذا راهو هنا معانا ولازم يدخل ويسقسيلي خالتي يماه تفهمني في السينية هذي
باش الواحد كاشما ينوي يخطب يوصي الطفلة هذي (تعارف :shiny: هههه) تتعلم طرق حطان السينية هههههههههههه
ثالثا:
السينيا عييت نشرحهالكم هههههه
هذيك الي يجيبو فيها حوايج الماكلة ​

 

[ماكانش]

شكرا لقبول الموضوع

 

[meriem150491]

هههههههههههههه مفهمتش علاه كي نقرا مواضيعك نضحك هدي لازم تفهمني فيها

ثانيا اهلا سفيان خخخ

ثالثا نقولك الصح والله جامي حطيت صينية للضياف كثر من مرة ولا زوج كيعاد كي يجيو عندنا الضياف نقول لما ديري مزية متعيطيليش حتان كي يقربو يروحو نسلم عليهم صاي + واش حكاية ليتيكنيك هدو لازم نديرو فيهم ليكور ولا كيفاش؟ يا بابا والله غير النسا دي رادار وانا معلاباليش انا جامي تولهت للحوايج هدو

اصبر نسناو البنات اللي مالفين يقومو بالضياف ونشوفو

صحيت سفيان على الموضوع راك تبان عجوزة خخخخ




​

 

[meriem150491]

هيه صح تفكرت في العيد هدا حطيت الصينية مي مشفيتش كيفاش حطيتها هههههه المهم شربو القهوة وتلقو راسهم

 

[سمية 16]

ههههه موضوع روعة نرجع ممبعد ان شاء الله

 

[SAFA-94]

اممممممممم انا اول مرة نسمع بيها
بالصح نظن ماشي النسا الي يروحوا يخطبوا كامل هكا
شكرا على الموضوع القيم
​

 

[عاصفة الورود]

علاه السينية ثاني ولاو عندها ديتيكنيك ههه
جامي سمعت بيها هذي العفسة
يخي المهم متسيحش القهوة على الضياف وخلاص هههههههههه
​

 

[أم راضية ~_]

سلااااامو
والله صح يمات صاحبك عندها الحق راهي تعرف ملييييح :re_gards: :shay:
إيه كاين طريقة تنحط بيها السنيوة للضياف ، يعني ماشي ترفد و تحط برك ، كي تحطها فوق المايدة لازم بالعقل ماشي كيشغول راهي تخبط فالعجين هههههه و كي تحط السكر تحطو بالمغرفة و تحطو ماشي ترميه كيما ترمي الحجر في الواد :shiny: و غيرها من الحاجات اللي يعتبروهم ناس بكري اللي يحبو ''الطبع و الشان ''من الضروريات عند المرا
بالنسبة ليا غير السنيوة ما نحطهاش ههههه و الله من الحشمة و الخلعة ندفق كلشي:shay::shay::shay::shay::shay::shay::shay::shay::shay::shay::shay::shay::shay::shay:


صحيت على موضوعك الباهي

 

[القطة الزهرية]

سلالالالالالالام
السينية نعرفوها بلا متشرحا اذا هذي ماعرفناهاش واش بقا ...............:shiny::shiny::shiny:
التقنية هذي كيفاه نحطو السينية جااااااااامي سمعت بيها خلاص او هدي العقلية تاع بكري هههههه ضك يشوفو كيفاه ادير المكياج في وجها ولبستها ههههههه وهدرتها ........نقل حاجة كيما ادير ماتعجبهمش
تضحك ......مخك صغير
تلبس مليح .......مخلوع
عاقل ....هايشة
طاير ......ماكش متربي
غني ......درتها بالحرام
قرااي ...الي قرا قراا بكري
ماكش قراي .....ماكش بنادم
حدك حد روحك .....متكبر
تحكي مع الناس الكل ......ناقص معريفة
امالا ادفن روحك ....وبلاك يصيبوك ويجبدوك
..............ارضاء الناس غاية لاتدرك ........مشكور

 

[meriem150491]

ياي وحدة متعرف تحط السينية يا سفيان مالا كامل ماراحش نزوجو

اي غير ازربو ديرو ليكور هههه كشما تمنعو رواحكم
​

 

[homework]

ربي يطول في عمر لعجايز نتاعنا والا خلات على لبنات نتاع هذا الوقت انا عندي وحدين صحاباتي كي نروحوا زيارة عندهم يماها لي تحط السني و تهزوا و ين الكارثة كي تجي ماماه تسلم علينا تقوللها ماما ديريلنا قهيوة
ثبت روحك يامكانش راه دنيا صعيبة وصي خالتي أم مكانش تسكاني الحالة مليح لا يهفوك ههههههههه

 

[iméne09]

ياخويا في هدي لعجوز عندها الحق لمرا لي ماتعرفش تحط سنيوة كيفاش رايحةتحمل مسؤولية تاع بيتها وديجا كاين بزاف عفايس يديروهم عجايز باش يعرفو ادا لعرايس يوالمو ولا لالا طفلة من قعدتها تبان ادا رزينة وزيد كي تحط سنيوة تان رايحة تبان ادا مفرفشة تلقاها مرمدت دنيا بلقهوة وكاين ديتيكنيك بزاف
يعطيك الصحة سفيان ع سيجي هايل ​

 

[AHLEM1992]

و الله هادي تبانلي غير تفاهات
و كي ما تحطش السنيوة مليح واش فيها
علاه راهي رايحة تخدم في ريسطو ؟
الخطبة عند الجزايريين ولات كي شغل راك رايح تفوت سارفيس ناسيونال
صحيت سفيان على الموضوع
​

 

[أم راضية ~_]

ياي وحدة متعرف تحط السينية يا سفيان مالا كامل ماراحش نزوجو

اي غير ازربو ديرو ليكور هههه كشما تمنعو رواحكم
​

هههههههه أزربو أزربو :shiny: أنا نعرف :shay::shay::shay:

 

[kaissoum_elsaker]

كان غير جات في السينية برك والله بعض البنات مايعرفوش يطيبو حتى فريت اوملات والله ربي يستر ان شاء الله مشكور اخي على مواضيعك الحصرية وخاصة طريقتك الخاصة جدا في الطرح الي تعجبني فيها عفويتك في الكتابة تقبل مروري تحياتي
​

 

[محبة الورد]

و الله يا خويا عندها الحق صح الطفلة اذا تعرف تحط سينية باينة بلي مرا ديتيكنيك ههه نعرف حوايج كيفاه يحطوها ماشي طفلة دوكا يجوها الخطابة تحطلهم الكيسان وحدهم و مبعدة تجيب السكر وحدو ههه و الله عجايز بكري عندهم الحق​

 

[meriem150491]

و الله هادي تبانلي غير تفاهات
و كي ما تحطش السنيوة مليح واش فيها
علاه راهي رايحة تخدم في ريسطو ؟
الخطبة عند الجزايريين ولات كي شغل راك رايح تفوت سارفيس ناسيونال
صحيت سفيان على الموضوع
​

ههههههههههه صح عندك الحق

دك اللي يجيو يخطبوها يبعثوها تعقب كونكور تاع عام ونص تتعلم

 

[إيمان قلب]

السلام عليكم , حتى انا قلت سفيان عندو بزاف ماحطش موضوع ههه °° سطر °°
ههههه السينيا قصدك السنيوا احنا نقلولها هاك هههه بالصح والله هذه اول مرة نسمع بيها كيفاش°السطر الثاني °
اللي ماتعرفش تحط السنيوا مايقبلوش بيها وا ؟؟؟ يمالى خليني نروح نتدرب وصاي لمهم هذه نرجع ونناقشك فيها كي يدخل صاحبك هذا وقولو يقول ليماه تعطيلنا التيكنيك اللي يحطو بيها هاكا نتعلمو وتربحو فينا اجر احم احم انا نعرف نحط السنيوة بالصح منعرف كيما الطريقة اللي يحوسو عليها العجايز ولالا
هههه ويعطيك الصحة على الموضوع الزينون ههههه كيما عييت نختصر باش نكتب قل من 4 ماقدرتش ههههه هياربي يحفظك سفسف ومااطولش علينا المرة الجاية فالمواضيع

 

[Black-Blossom]

جديدة العفسة هاذي
و اللي متعلمة غير تحط السنيوات ...او توخذت اللي خطبتها و اللي داها ههههههه
***
هاذي شكليات برك تاع ناس بكري ...اللي قاعدين غير للنقد و العسان

 

[ماكانش]

هههههههههههههه مفهمتش علاه كي نقرا مواضيعك نضحك هدي لازم تفهمني فيها​

ثانيا اهلا سفيان خخخ​

ثالثا نقولك الصح والله جامي حطيت صينية للضياف كثر من مرة ولا زوج كيعاد كي يجيو عندنا الضياف نقول لما ديري مزية متعيطيليش حتان كي يقربو يروحو نسلم عليهم صاي + واش حكاية ليتيكنيك هدو لازم نديرو فيهم ليكور ولا كيفاش؟ يا بابا والله غير النسا دي رادار وانا معلاباليش انا جامي تولهت للحوايج هدو​

اصبر نسناو البنات اللي مالفين يقومو بالضياف ونشوفو​

صحيت سفيان على الموضوع راك تبان عجوزة خخخخ​

هههههههههه
أهلا مريومة
عاش من شافك راكي غبت علينا الله لاتغيبك
او قالك يحشمو مساكن كي يدخلو والنسا تكيل فيهم ههههههه​