ادخـلـ نقــــــــــــــلك حيـــــــه زينه ياسر

[07 _H@yThm]

بسمـ الله الرحمن الرحيمـ

بصفتيــ متأكد بليــ كل واحد عندو هدفـ فيـ حياتو ..>

و راني متأكد ثانيــ بليــ الأغلبية عندو رغبة باه يحقق الهدفــ تاعو ..>

كاينــ البعض مع أسفي .. مايعطوشـ للموضوع اهمية ..>

كي تسقسيه و تقولو واش هو الهدف تاعكـ في الحيااة

هو واشــ يقولكــ

حاجة باينة ..> هههههه

يقولك حاب نكونــ سعيد ..><


معـ اسفاااااااااه
هذا ماشي هدفــ بلـ ( اسعى الى تحقيق هدفكـ تكونـ سعيداا فيـ حياتكــ )

كيفاشــ تقدر تحققـ هدفكــ في حياتكــ ؟؟

نعطيكـ شوية اسحلة احمي بيها روحكـ و هكذا راحــ تقدر تحقق مبتغاكــ ؟ ..>
ثق بالله و بنفسك .. وبقدراتك .. لا تخجل.. ..لاتخاف .. لا تتأثر بكلام الناس .. دعهم يقولوا مايقولون..
ما سمعتشـ منـ قبلــ بقصة الضفدع لي حقق الهدف تاعوا ؟؟

شوية صافابا هدي هههههههه

قالكــ عشرينــ ضفدع يتسابقوو و دارو جائزة كبيرة للي يوصل لقمة الجبل الأول

لبلاصة تاع السباق مشارجيا بالجمهور ايااااا انطلقووا
بعدها اشتد التنافســ بينهم ..>

كانووا يسمعو لسيبورتار تاعهم يعيطووو و اكم عارفينــ // العقلية صطاد// ههههه
اياا اسيدي لي سبورتار هدوا كانو يقولو للمتسابقين ..>

يااو ماتقدرووش تلحقووو للقمة خاطاكــ الجبلــ عالي بزاااافــ
و هي رايحة

و راكم عارفين كي يخدمهالكم الجمهور ...> ههههه يسربيها في عقلك باللمبوط
هههههههه

الضفادعــ هدوكــ حبسووو منهم 19 و بقااا واحد
و كي بقاا وحدووو

بالاكــ تقولو راهو نقص السرعة و المثابرة بالعكســ

طيح كلمة الجمهووور في الترااب
غرسها ههههههههه


و الجماهير مازالــ تعيط
يا ضفدوووع ** راني ندلع فيه ضفدوع هههه **وين رايح

ارجى ارجى ارجع يا ضفدوووع
الجبلـ راهو عالي عااااالي عااااااااااااااااااااااااااااا ااالي
لاتستطيع الوصول ستسقط

راكــ حاتجيبها على راسكــ و طيحــ


احبســ يا جرانة هههه
احبس ضركــ علااه تتسلقـ الجبل وحدكــ ..>
والله يا ضفدوعــ مادارشــ عليهم قعــ

رماهم في التوشــ // مازلنا في عقلية الصطاد هههه//



ايااا امليحــ حتى لحقــ للقمة بالهمة تاعووو

ايه ايييييييييييييه الضفدع ربحــ بدونــ نقانيقــ

يعني مش ماير على السابوطاج حتى لحقــ ههههه


الجمهور واش داااااار ..؟

صفقووولوووا و كذا و كذا اكم عارفين
و منــ بعد كيما عادو حايعطولو الكادوو عرفوو بليــ هدا الضفدوع ههه مايسمعشــ
اصم :scared:

و انتــ يا القارء انا نقول راكــ عارف الأغنية تاعــ جورج لي يقول فيها

كلاااام الناســـ .......الخ

مالا انتــ ماتسمعش للناســ و كلامهم هكاا راك تضيع
مادامــ راكــ واثق من نفسكــ مالا ماتسمعش للسابوطاجــ تاعــ العباد

ابداا منـ ضركــ في السعي لتحقيق الهدفــ تاعكــ

و شكرااا لكمــ على حسنــ المتابعة

 

[adel-mz]

يالضفدوع يالضفدوع مارشاريار مكانش
والله سي فري اخي بنوادم لازم ينصب هدف قدامو ويسكر وذنهين والقدام حتان يوصل الى مبتغاه.
وفي الاخير ليقول ناس السابوطاج راني كنت نسمع فيكم مي مادرتش عليكم .
مارسي عليك الرايس على النصيحة لي كانت باسلوب شيق

​

 

[ماكانش]

انا نقول راكــ عارف الأغنية تاعــ جورج لي يقول فيها

كلاااام الناســـ .......الخ

ههه
اهلا بيك هيثم
ماتقليش برك تسمع الشرقي ؟؟؟
ههههههههه
هههههههههه
يجيك لاجودان يموت عليك بالضحك ههههه​

 

[ياقوتة الصحراء]

هههههه والله ياقصة الجرانة هاد الشيى كان اطرش هههه
يعطيك الصحة خويا هيثم وصل الميساج​

 

[hiba14]

هههههههههههههههه ما صبت ما نقول لاخاطر عندك الحق و طريقة روعة باش توصل الرسالة يعطيك الصحة

 

[Sẻl Mā]

امممممممممممممم
انا كي يقولولي وش هدفك في الحياة
نقلهم منعرف
ههههههه
شكرا على الموضوع

 

[M!ss_f@ti]

هههه يعني كيما لي يرقص للاعمى حالة الضفدع هذا

امليح الانسان يكون علابالو وين راهـ رايح

هذا تنمية بشرية يعطيكـ الصحة

 

[أم راضية ~_]

سلامو

والله أنا نهنيك على الطريقة المميزة في طرحك للموضوع :sheer:
و القصة جد رائعة و فيها عبرة مليحة
و إدا تسألني عن هدفي، حط قدامك كراس و ستيلو و ابدا تحسب :shiny:
عندي بزاف أهداف حابة نحققهم، أهمهم نرضي ربي و نكون صالحة و أهلي و أهلي في المستقبل :shay:، و نكتب كتب ,و نكون أم صالحة لأولادي في المستقبل :shay: :shay: :shay:إن شاء الله و تحقق حلمي
و غيرها من الأهداف الله يقدرني و نوصل ليهم كامل
تمنياتي لكم كلكم دون استثناء أن تحققو أهدافكم في الحياة و أسأل الله أن يوفقكم لما هو خير لكم ​

 

[programmeur]

عندي وحد الهدف وان شاء الله ربي يحققهولي

وشكرا لك لى الموضوع

 

[imy_amani]

موضوع يستحق القراءة
هادف ويستحق التقييم
كلامك في محله نستطيع تحقيق كل اهدافنا اذا وثقنا في الله
وبعد في ارادتنا
فالمستحيل يصبح سهل المنال
شكرااااااا على الموضوع
​

 

[hadil2044]

احسنت القول اخي عندك الحق
واغنية جورج في الصميم
شكرا على الطرح تقبل مروري اخي الكريم

 

[براءة مسروقة]

ههههههههههههههه مالا من اليوم نولى ضفداعة هههههههههه راك قلبت الحالة قع وش كاين ووصلت الرسالة تاعك
مارسي على هدا السوجى ورانى قررت نولى ضفداعة اييييييه وقيلة نحوس على الضدفداعو الى ربح باش المرة جاية نرو كيف كيف هههههههههههههههههههههه

 

[N@riM@N]

هههههه والله انا منخممش اصلا في تحقيق هدفي بووووويسك علابالي مش رايح يتحقق
وديجا ايماجين واحد يفكر في لفونير تاعو في دزاير يعيا وتجيه حاجه بيزار
صحيييييت ع الميضوع شباب سال عليها
​

 

[اميرة الغروب]

مرسي اخي على الموضوع الفور
اولا:انا عندي هدف اساسي و2 للاحتياط
ثانيا: انا مانسمعش ني للمدربين :santa_1: ني للجمهور:sheer: :sheer:
نشوف غير وقتاه يدخل البلون في الشبكة برك:shiny:
هههههههه و الله ضفدوع يشبهلي مواااااااااااااه احلى قبلة لضفدوع على
العبرة
مرسي خيووووووو على الميساج التوحفة​

 

[rــآآآج ــــ الاميـرهـ ــo]

صباعك في وذنيك
وللامام سر
مرسي هيثم على السوجي الرائع والطريقة الاروع
في انتظار الجديد نتاعك
وفي انتظار ضفدوعة جديدة ههههههههه
مرسي
​

 

[nour el yakine]

سلمت يمناك على مانزف به قلمك وعلى القصة والعبرة الشيقة .
إن شاء الله إلى الأمام من أجل تحقيق الهدف
دمت
​

 

[@نور البيضية@]

هههههههههه هذ الشي طلع الضفدوووع اطرش
ربي يخللليك خويا على الطرح الرائع ةالمتميز
+تقييييييييييييييييم
راك وصلت الرسالة وبإحترافية
تحيآآآآآآآآآآآتي​

 

[mira real]

موضوع رائع و قصة جميلة ولله نشكرك بزاااااااااف خويا على المجهود
ولله صح عندك الحق لازم نوليو طرش قدام هرت الناس لي تحطمك لخاطر كاينين لي في قلبهم رحمة و ينصحك ويشجعك
بصح ساعاتك هدرت الناس تقتل حتى دير روحك مسمعتهاش تقيسك تقيسك
ايا مرسي بزااااااااااااااااااااااف على الميضوع

 

[07 _H@yThm]

يالضفدوع يالضفدوع مارشاريار مكانش
والله سي فري اخي بنوادم لازم ينصب هدف قدامو ويسكر وذنهين والقدام حتان يوصل الى مبتغاه.
وفي الاخير ليقول ناس السابوطاج راني كنت نسمع فيكم مي مادرتش عليكم .
مارسي عليك الرايس على النصيحة لي كانت باسلوب شيق

​

لازم تكون ابكم سعi-o:
هااااعادل ربي يحفظك حبيبي مارسي ع المرور الذي اسعدني وزاد لباجه نور ع نور:re_gards:

 

[07 _H@yThm]

ههه
اهلا بيك هيثم
ماتقليش برك تسمع الشرقي ؟؟؟
ههههههههه
هههههههههه
يجيك لاجودان يموت عليك بالضحك ههههه​

هااااااسفيان ماتفضحناش ربي يسترك وراس لغالي عندك غير حفظتها من ختي نهار كومبلي مصدعتني بيها والله اول خطره في حياتي نستفيد منها ههههههههههههههه
كيلعاد لعوايد نورت لباجه سال ع هداك لي ماشاف ماقرا قلو راني شفتلك وحده اختنا ههههههه