الويفي يغزو الاقامات الجامعية

[IMANO77]

بسم الله الرحم الرحيم​

بعد انقطاع طويل لظروف الله غالب وبعد ما لقيت نص مواضيعي راحو كي تودرت اللمه رجعت اليوم نحكيلكم على قصة النت والويفي في لي سيتي اونيفارسيتار

حنا عندنا في السيتي طلقولنا الويفي العام لي فات وطبعا صار المنظر مدهش​

وين تروح تلقى البنات قاعدات في الارض يكونيكتيو وطبعا الاغلب يحكيو
قدام السيبار تكثر الزحمه تلقاهم كي النمل دايرين في الفوايي ما تلقاش وين تقعد واكيد في الطرقات تاع السكن والسكاليات

ولي حالفها الحظ والبافيو تاعها قريب على السيبار راها تكونيكتي من الشومبرا مرتاحه

الحاجه لي عجبتني انو ما نقعدش نستنا في لاشان في السيبار باه نكوناكتي ساعه ولات حسب وقتي وكيفاه حطيت بروغرامي

الحاجه المليحه ولي هي مشكله انهم يحلوه 24 ساعه ما خرجتش على الاداره البنات يراطيو القرايا وكل وحده ميكرو بورتابل وراها تكوناكتي

ولاو دارو اوقات محدده مخرجتش عليهم اكل يكوناكتيو مع بعض ضغطو على المودم تروح الكونيكسيو طول

المهم كترت عليكم حبيت نعرف رايكم في هادي الظاهره:

راكم مع او ضد الويفي في السيتيات :الاقامات الجامعيه؟؟؟

وسمعتو بيها ولالا؟؟ يعني عندكم كاينه وش وضعها.؟

وش تقتارحو يديرو باه يتحكمو في الوضع؟؟​

في الاخير تحيه عطرها ورد جوري دمتم بود mimi​

 

[** غزال الصحراء **]

هنا عدنــا , قاع ليسيتي فيهم ويفيــ , تاع لبنات و تاع الولاد
ميــ بالموت باس , تروح لعندهم يدخلولك الموت باس و تكــوناكتيـ عادي

بخصوص ( ملبيح و لا لا ) باينة حاجة مليــحة , خير ما تروح دراهم الطلبة في السيبارات
بالطبع مليح بالنسبة اللي يستعملو إيــجابيا ( يعنيــ الي يستعمل كطالب علم ) و معليــش لترفيه خطرة على خطرة

و ثاني الوقت لازم يكون منظم

أنا ( مع الويفي في الإقامات الجامعية ) .

 

[رونق اللمة]

والله ما نكدب عليك ..معلاباليش طول واش راهو صاري في لاسيتي
وحكاية لويفي تبان مليحة كيما قال الاخ...مي ماشي لدرجة يراطيو لي كور
اصلا اصلا ياخي لبنات نتاع لاسيتي راح يطيرو الا القليل منهم مازال عندهم حب الدراسة ..
يعطيك الصحة على الموضوع​

 

[adel-mz]

سلام
كل وسائل التكنولوجيا والتقنية فيها ايجابيات وسلبيات
اذا كان الطالب او الطالبة يستعملها فيما هو مفيد ومرضي لله فنحن معه احسن من تروح للسبار وتكونكتي + تبروفيتي شوية من التكلفة المادية خاصة انهم مقيمين بالجامعة واذا كان العكس فهذا طيش ونحن ضده.
شكرا

 

[nour mary]

masma3tch biha hadi nta3 lwifi bayna 7aja foooort ida 3arfou kifach ysta3mloha b1sùr
madanitch kan tel9ay solution m3a les algeriens
ya3tik sa7a khti
salaaaaaaaam​

 

[•мϊѕŝ Šрέсǐάł•]

اختي في السيتي تاعهم كاين الويفي .. وعجبتني العفسة الصراحة بصح الضغط الكبير بزاااف على المودام وعلى البنات ههههههه الحل ما عنديش ههههههههههههه
شكرا على الطرح ^^

 

[programmeur]

المشكلة في الجياح تاع net kit
ولاو يديروه باش غيل هوما يكونيكتو ومع الاخر تصيبه يهدر مع كاش وحدة في الفايس بوك
واللي محتاجها للقراية قعد

خطرا ماخلاونيش ندخل لنت بيراطيتلهم ميكروياتهم وحدفت كلش من داك الميكرو
هكدا بالاك يكون درس

رغم انه كاين حل لهده المشكلة بصح اللي حاكم السيبار تاع لاسيتي مايعرفهاش

 

[Houda Chaouienne DZ]

ايه حنا ماعندناش فلا سيتي
الميكرو صامت يرهج
مي نقلك حاجة هكا خير
باش نلتاو بقرايتنا
بيسك النت تدي الوقت بزاف
...
مارسي ع الموضوع ختي
​

 

[═♥.ЈŪšť_ màn.♥═]

سلامــْــْ
شوفي ختو .. هادي دارولكم الويفي العام الي فاتــ ماكاشــ منها
حنا في الليسي و كاين الويفي
و من زماااااااان
ههههههههه
مي في الجامعــة نورمالمو انتيكــ .. و كل شيء بالويفي
و الي ماكاشــ ميكرو بوتابل كاين التيليفونـــ ويفي
..
و نورمالمو حاجــة شابــة
خير من الموبيكونكتـــ
مي الي تخدمــ بيها و لا العكســ .... في خارج نطاق القرايا و التمسخير
و تلهيها على القرايا
تولي ماشي شابــة
ودمتــ بخير
​

 

[zagane]

salam alaycom

mli7a fi
Les examens

 

[مابقاش بزاف.Dz]

معليش واش فيها هدي

 

[ايمان التلمسانية]

انا سمعت بهاد الظاهرة مي كا كنتش حاسبة لهاد الدرجة
حتى توصل يراطيو القراية ويقعدو مع الميكرو
انا ضد هاد الشئ ​

 

[سيموني]

ان نشوف انو لنترنت تدي الوقت بزاف وعندها فوائد بزاف (ليحسن استعمالها) والحل انهم يطلقوها اوقات...لانو كون يطلقوهالهم في كل الاوقات لاقراية لابساج...سيموني

 

[hiba14]

والله ما نكدب عليك ..معلاباليش طول واش راهو صاري في لاسيتي
وحكاية لويفي تبان مليحة كيما قال الاخ...مي ماشي لدرجة يراطيو لي كور
اصلا اصلا ياخي لبنات نتاع لاسيتي راح يطيرو الا القليل منهم مازال عندهم حب الدراسة ..
يعطيك الصحة على الموضوع​

راكي غالطة اللي بغات اطير قدام باباها و طير ماشي تاع لاسيتي الشيرة اللي تبغي طير طير

 

[rــآآآج ــــ الاميـرهـ ــo]

مع وضد في نفس الوقت
​

 

[يوغرطة DZ]

سلام
كل وسائل التكنولوجيا والتقنية فيها ايجابيات وسلبيات
اذا كان الطالب او الطالبة يستعملها فيما هو مفيد ومرضي لله فنحن معه احسن من تروح للسبار وتكونكتي + تبروفيتي شوية من التكلفة المادية خاصة انهم مقيمين بالجامعة واذا كان العكس فهذا طيش ونحن ضده.
شكرا

شكرا قلت ما أردت قوله

 

[hasna.m]

هيه b1 sur
حاجة مليحة وفيها الفايدة

نظن بلى كامل ليسيتى راهم دايرينها
​

 

[nina bonoise]

حاجة ملاحة كوم سا ميخسروش الصوارد ياسر
مي بلا مود باس الويفي هذا

 

[N@riM@N]

مممممم تبالي عادي جدااااااا
وديجا منين رايحه تسمعي واش راه صاري فدنيا ادا مكونيكتيش
سوغتو راني نهدر ع الداخلين ني تيفي ني ولو


​

 

[the crazy asma]

خطرا ماخلاونيش ندخل لنت بيراطيتلهم ميكروياتهم وحدفت كلش من داك الميكرو
هكدا بالاك يكون درس

ههههه فور هذي والله

كل حاجة فيها ايجابيات وسلبيات وعلى حساب اللي يستعملها

الويفي نظريا مليح العبد يقرا ويرفه على نفسو مرة على مرة بلامايخسر دراهمو

مي لازم عقلياتنا تتبدل مانبقاوش أنانيين وجايحين

مثلا واحد مايحتاجش النت ضروري يقدر مايكوناكتيش باش واح اخر محتاجو يلقة بلاصة

مي الله غالب مازالنا بعاد بزاف على هاذ الشي​