مادا ستطبخين اليوم سيدتي الجزء الرابع

[merieme hassi]

السلام عليكم
صح فطوركم
بصحتكم ام ايناس القراتان و ام ندي المحاجب ام ابتسام الكسكسي و ايمان 27الحوت يعطيكم الصحة
حنان ربي يجيب الشفاء بادن الله
فوفة و عفاف الجزائرية ان شاء الله المانع خير
روز جربت شوربة الكرم جات هايلة و زدتلها كريمة طازجة جات تهبل يعطيك الصحة حنونة
امانة اليوم جمعة ادعولي ربي يفرج عليا
اليوم عملت سباقيتي بالكلمار معمر بالكفتة
الله يدومها نعمة

 

[ام منصف]

assia dz القاطو جاك هايل بصحتكم والبيتزا ثاني اممممممممم
samora68 الله يسلمك حبيبتي
merieme hassi ربي يفرج عليك اختي والدعاء هو مفتاح الفرج
nada242008 بصحتك البيتزا والمحجوبة اممممم وربي معاك
oumniati الله يسلمك حبيبتي والفكرة اللي اقترحتيها هايلة ان شاء الله تلقى النجاح المطلوب
ibtesem NaNouS بصحتكم عشاكم خفيف
كوثر الوهرانية الحمد لله على سلامة امك وراجلك طهور ان شاء الله وربي يكون معاك
ام ايناس بصحتك القراتان جاك هايل
واللي نسيتهم سامحوني
الغدا اليوم وكالعادة دوبارة

عفاف 2 وعفاف 3

توحشناااااااااااااااااااااااااااكم
​

 

[hanane alg]

sba7 elkhiiir om 7anane
ana ngoulek chkoun elfoooooooooooooooooooort eli raki t7awssi 3lih
wellah hadak a7saan docteur ana mjerbatou
dr brahimi
rahou machi b3id 3la la fac centrale

الف الف شكر والله غير ما قصرتو ربي يفرحك

 

[ام منصف]

قهوة المساء جربت المقروض التونسي
وجاء هايل

​

 

[nada242008]

ايمان مرحبا بيك اختي كون جاو يتبعثو راني نبعثلك انت وبسوم كل جمعة
ههههه والله غير ناكل ونطلس كيما قلتي
الحوت تاعك سيبسيال و يشهي والمقرونة امممممم بصحتكم
مريم حاسي بصحتك الكلمار والسباقيتي لون يشهي .. دعواتنا كلها ليك // عفاف الجزائرية هدرت معاها وراهي تسلم عليكم كامل
ام منصف والله غير نطيب في المحجوبة وتفكرتك قلت راهم مع الدوبارة تشهي تشهي اااااه نموت عليها والمقروض جاك هايل

 

[assia dz]

جمعة مبارك للجميع.
صح غداكم وبصحتكم واش طيبتو.
هذا غدايا:

 

[nada242008]

قهوة المساء جربت المقروض التونسي

وجاء هايل​

​

واشي هو الفرق بينو وبين المقروض نتاعنا يا شريفة
يبان يذوب في الفم اممممم

 

[nada242008]

جمعة مبارك للجميع.
صح غداكم وبصحتكم واش طيبتو.
هذا غدايا:

اممممم روعة روعة بصحتكم .. راكي دبرتي عليا واش نطيب غدوة ان شاء الله :showoff:

 

[faloussa]

صحا غداكم كامل البنات اشئ محاجب وحوت وليباط ومقروض ووووووووووو راكم قايمين بيها اليوم :sheer::sheer::showoff: يا الفحلات
انا اليوم درت حمص اليكم الصورة

 

[assia dz]

قراتان الخضرة بالبيشمال يبان هايل ام إيناس بصحتك.
امممممممممممم على المحاجب ياأم ندى تسلم الايادي.
​

 

[ام حنان13]

صح فطوركم يا نسا يعطيكم الصحة بنات بلادي كامل شاطرات
:sheer::sheer::sheer::sheer::sheer::showoff::showoff:

 

[assia dz]

بصحتك إيمان الحوت والباستا بالمرقاز، وكالعادة صحن السلاطة المميز بصح اليوم تبانلي ماحطيتش الخبز المحمص.
الدوبارة تبان تشهي أم منصف عمري جربتها راهو جاي الشتا ونجربها ان شاء الله ونستمتع.أما المقروض متحوف الله يبارك ماعندي مانقول يعطيك الصحة.
الحمص دوبل زيت يا فلوسة امممممممممم وقتو بصحتك، قوليلي دوبل زيت يعني تكثريلو الزيت، ولا كي تحطيلو زيت الزيتون عند التقديم سميتيه هكذا ما فهمتش.
بصحتك مريم الكالمار محشي والسباقيتي، ودعواتنا ليك ربي يفرج كربك ولجميع المؤمنين آميييين.

 

[ام ايناس]

ام ندوش المحاجب راهم يهبلو يعطيك الصحن مع الهرييييييييسة
بصحتك ايمان العشا اناتاني اليوم جابلي راجلي الحوت رايحة نديرو
اممم مريومة الكلمار يشهي بصحتك وربي يفرج عليك حبيبتي
وواش نقول على دوبارة تاع ام منصف اممممممم وهاداك المقروط يبان هايل بصحتكم
ام ابتسام بصحتك الطعام
اممممم اسيادز المونشتويبان يشهي بصحتكم
بصحتك فلوسة الحمص يبان يشهي
انا رايحة نعمل الكيكة منبعد نرجع سلااااااااااام

 

[عشقي الامارات]

مريومة انا تاني مجرباتو دويت عندو كي كنت صغيرة ونعرفو مليح ملقيتش احسن منو
قولي نتي من وين فالعاصمة:sheer:

ahla alwiza
ana tani dawit 3andou
ca fait 6ans wellah houwa fadni
ana machi men alger mais la famille w nos terbiyti fedzaer
ana men tablat
wenti 9bayliya men béjaya wela tizi

 

[imane27]

ahla alwiza
ana tani dawit 3andou
ca fait 6ans wellah houwa fadni
ana machi men alger mais la famille w nos terbiyti fedzaer
ana men tablat
wenti 9bayliya men béjaya wela tizi

مريومة انا من باب الواد ولا تعلرفيها واصلي قبايلية من برج منايل يني انا من العاصمة كي شفتك حطيتي نفس دكتوور قلت انت تاني من العاصمة ايه طابلات نعرفها بصح عمري مرحت ليها

 

[ام منصف]

واشي هو الفرق بينو وبين المقروض نتاعنا يا شريفة
يبان يذوب في الفم اممممم

مقاديرو ساهلة
3 كيلات دقيق خشين مع 3 مغارف فرينة وكيلة سمن مع شوية زيت ووحدة خميرة الحلويات
وتبلي بما وماء الزهر وتشكلي كيما تحبي
الحشو تحبي غرس او مكسرات
ممكن تقليه او طيبيه في الفور
ويجي خفيف ورائع
​

 

[Setifienne]

مساء الخير عليكم حبيباتي و الله توحشتكم بزاف
هدا وين دخلت من سطيف رحت عند جدة اليوم راحت للحج لعقوبة لينا كامل و تحياتي ليكم
مازال ماقريتش واش فاتني الله يبارك خليتكم في الصفحة 5 لي عودة ان شاء الله

 

[faloussa]

الحمص دوبل زيت يا فلوسة امممممممممم وقتو بصحتك، قوليلي دوبل زيت يعني تكثريلو الزيت، ولا كي تحطيلو زيت الزيتون عند التقديم سميتيه هكذا ما فهمتش.

اختى اسيا دوبل زيت يعنى في التقديم نحط زوج مغارف زيت زيتون
اختى ام منصف المقروض نتاعك يبان يشهى يعطيك الصحة

 

[عشقي الامارات]

مريومة انا من باب الواد ولا تعلرفيها واصلي قبايلية من برج منايل يني انا من العاصمة كي شفتك حطيتي نفس دكتوور قلت انت تاني من العاصمة ايه طابلات نعرفها بصح عمري مرحت ليها

ooooooooooooooooooooh lwiza khssara 3lik kifech mana3refch bab elwad
wsa7et echouhada
wjama3lehoud
wla grand poste
w didouch
w7assiba ..............ex
ana na3refha w zid 9rit fi benaknoune
ellah ybarek 7anouna
wekhyar enas

 

[ام ايناس]

مشكوووورة ام منصف على المقادير يبان هايل