مادا ستطبخين اليوم سيدتي الجزء الرابع

[ام منصف]

حالياً الأعضاء النشيطين الذين يشاهدون هذا الموضوع : 32 (17 عضو و 15 ضيف) ‏ام منصف, ‏═♥° شجـ الروح ـون °♥═+, ‏*NoOoR*, ‏assia dz, ‏ام التوام, ‏ام ايناس, ‏ام حنان13, ‏بلادي نبغيك, ‏برنســ اللمة ـيسة, ‏faloussa, ‏hanane alg, ‏ibtesem, ‏ياسمينة الباديه, ‏nassima88, ‏شذى الزهور, ‏setifienne, ‏smiliani1

مرحبا بيك سامية
منورة
​

 

[حاملـة المسك]

مسائكم جمعة طيبة
و نا نقول علاش راحت من بالي البيتزا و نا راني متعشيتها عندك ندى
تعيشي يا الغالية ربي يطرح البراكة
ياسيدي بسومة راك فنانة بالفرشات ...البوري جات تحفة
االله الله ماذا ستطبخين دخل فيها الغربال دك نصورلكم المطحنة :shiny:
يا كوتر زيدت تعبت كقريت ردك بالساسة على روحك
الحمد لله على الوالدة..ربي يشافيها
مريم ربي يسرلك امورك و يفرج عليك و على عفاف
و يرجعولنا كل الاخوات لراها غايبات
حنان ربي يشافيك
بصحتكم الدوبارة القرتان المحاجب السباقيتي الدوبارة المقروط المونشطو
فلوسة دوبارتكم تبان دروها طماطم و لا راني غالطة
مريم صوص الكالمار مدوزيا كما يحبها خاطري مممممم
ام منصف المقروط جاك هااايل
آسيا كفاش عمرك مطيبتي الدوبارة حسبتك بسكرية ..؟
:islam_slat1:هديك هي صلو العصر و القهوة راهي عندي

ههه متلتاوش بطريقة التزيين...راه التعب كلاني هدوما الايامات ​

 

[حاملـة المسك]

الطمينة لتحفتها زعما خير حطيتهالك روز
مدامني ندردر في القرفة و يدي يرجفو
العسل راني صورتلك العلبة وش بقى فيها الزبدة 2 ملاعق كبار بالمقدار سائل نص كاس
الدقيق انا نحب المتوسط و درت كاس
لما تخلطي المزيج لازم العسل يكون دافئ باش ميتعجنش

​

 

[faloussa]

اممممممممم طمينة هايلة حاملة المسك يعطيك الصحة روعة
ايه الحمص الي درتو كاين الي يديرلو الطماطم ، انا وزوجى ما ناكلوش الطماطم كي تعود نية ما درتهاش

 

[assia dz]

أمممممممممممممممم على الطمينة شهيتينا، والتزييين ما عندوش وين يزيد الله يبارك.
انا الطمينة ماناكلش تاع السميد رغم اني كنت نموت عليها فالصغر كي كبرت وفقت وليت نحوس على الصحة، لازم القمح والحمص والشعير محمصين ومطحونين وتقدري تزيدي الكاوكاو وعند التقديم حلوة الترك من فوق تجي روعة صحة وبنة. واشنو تاع السميد ساهلة وتقدري تديريها وقت ما حبيتي مقاديرها متوفرة في كل بيت.
​

 

[assia dz]

آسيا كفاش عمرك مطيبتي الدوبارة حسبتك بسكرية ..؟
​

هههه كيفاش حسبتيني بسكرية، راني كل مرة نسال على الاكلات التقليدية اللي تحطهم ابتسام وام ندى
وما نعرفهمش كيما الحسوة والباطوط والدشيشة ووو هذا واش تفكرت.
أنا سطايفية أختي.
​

 

[assia dz]

رانا صلينا وجايين وجدي السنيوة تاع القهوة وافتحي الباب حاملة المسك.

 

[روز]

أهلا بالبنات وجمعة مباركة
رغودة يارغودة قبيل كنت عند جارتي ولدت حطتنا طمينة على الكيف بالدراجي تفكرتك
ودركة دخلت لقيتك خدمتيها يعطيك الصحة جاتك رووعة والتحفة هايلة
راهي تأجلت العرضة يمكن نهار الاربعاء أو الخميس
كي نخدمها راني نصورها ان شاءلله ونصور القاطو كامل

دايرة عشايا كسكسي يعني طعام يعني بربوشة
مانتعشاش بسكو ذقت من الطمينة ربي يستر
وزدت حبة وحدة مقروض حتمتها عليا جارتي
في الحقيقة كنت معولة ناكل ههه بلاما تحلف
الله غالب نقطة ضعفي مي لاتاي كان بلاسكر

لي عندها خبر على عفاف الجزائرية تقلنا وش بيها ماهيش تدخل
وتسنيم ولالجيرواز وش كاين..ان شاءلله خير

 

[شجـ الروح ـون]

حالياً الأعضاء النشيطين الذين يشاهدون هذا الموضوع : 32 (17 عضو و 15 ضيف) ‏ام منصف, ‏═♥° شجـ الروح ـون °♥═+, ‏*NoOoR*, ‏assia dz, ‏ام التوام, ‏ام ايناس, ‏ام حنان13, ‏بلادي نبغيك, ‏برنســ اللمة ـيسة, ‏faloussa, ‏hanane alg, ‏ibtesem, ‏ياسمينة الباديه, ‏nassima88, ‏شذى الزهور, ‏setifienne, ‏smiliani1

مرحبا بيك سامية
منورة
​

الله يخليك ام منصف
تسلميلي يارب
هههه صيدتيني نتجسس
النور نورك يا غالية انتي وكل سيدات المطبخ
ماشاء الله عليكم
ربي يحميكم
ويعطي لكل وحدة حساب قلبها
ويحقق امنياتها ان شاء الله
يومكم سعيد
وصح قهيوتكم
قبلاتي للجميع وحدة وحدة
:shay:

​

 

[oumniati]

السلام عليكم ورحمة الله وبركاته
لبنات والله من صفحة وانا نقرا وسييت زعما نتفكر بصح والله كي كملت ماشفيتش شكون طيبت واش:shay: اسمحولي نعود نحط ورقة نمركي فيها
اللي علابالي هو اطباق كلها تشهي الله يبارك وبصحتكم كامل
شفيت ثاني على المقروط باش نجربو اليوم ان شاء الله:sheer: والطمينة ما نحكيش عليها مزوقة عالكيف:sheer:
اليوم ماقعدتش راني نفرز وراجلي ما يتغداش في الدار امالا درت بيتزا للبنات وخلاص
يامن عاش

 

[NaNouS]

بصحتكم كامل واش طيبتو البنات كل وحدة باسمها
انا درت الغدا شواط

​

 

[oumniati]

اهلا بيك شجون الروح شرفتينا
لبنات اذا قدرتو اضربو طله هنا انا لعشية ندير اول مشاركة تاع رهام بنتي رهام رهام يا بو كروشة ههههههه


https://www.4algeria.com/forum/t/312539

 

[oumniati]

بصحتكم كامل واش طيبتو البنات كل وحدة باسمها

انا درت الغدا شواط

​

بصحتك نانوس بصح بسرعة بسرعة واش هو

 

[NaNouS]

بصحتك نانوس بصح بسرعة بسرعة واش هو

امنيتي الله يسلمك اختي تريدة تاع الشواط ولا المسمن بالمرقة
احنا في قسنطينة نقولولو شواط​

 

[ام منصف]

═♥° شجـ الروح ـون °♥═ ربي يخليك حبيبتي واتمنى انك تشاركينا دائما
حاملـة المسك الطمينة جاتك هايلة بصحتك حبيبتيhttps://www.4algeria.com/vb/member.php?u=129897
oumniati جاري الاطلاع على الرابط
​

 

[oumniati]

ممممممممم شهيتيني يا نانوس بالصحة والراحة

 

[كوثر الوهرانية]

مساء الخير يا اغلى حبايب
حمعة مباركة على الجميع
الله يشافي المرضى و يفاجي على كل مغبون و يفرح كل مؤمن
مشاء الله عليكم رام ساجيات تاع الصح
يا ندوشة كي نشوف المحجوبة تاعك عيني تعوار ههه تهبلني بصحتكم
اختي مريم حاسي ربي يفرج عليك اختي واله راني ندعيلك حتى راجلي دعلك قالك ربي يفرج عليك و على جميع المسلمين
اليوم الصباح درت الفطيرة تقهوينا بيها و الغدا طعام بالمرقة و الدجاج كانوا عندي ضياف فطروا معايا و العصر درت المدلوك سخفوني فيه اسيا و ايمان و العشاء ندير حاجة خفيفة

و هدا البغرير تاع البارح

 

[ام ايناس]

بصحتكم شجون الروح البقلاوة تبان هايلة
رغودة الطمينة توحشتها بصحتكم
ننوس طبق هيل كي العادة حطيه في الموضوع

 

[assia dz]

أمممممممممممم يعطيك الصحة أختي ام كوثرعلى المدلوك،ياخي هو المعارك؟؟
بصحتك الطعام والفطيرة راك قايمة الله يبارك.بصح قوليلي واش هي الفطيرة إذا أمكن من فضلك.

 

[ibtesem]

ههههههههههههههههه
ياسيدي بسومة راك فنانة بالفرشات ...البوري جات تحفة
هديك صاحبت روز لعملتها كي قلتلها صوري
كي نتبهت عيطت عليها علاش تعملي في بالفرشيطة
كون خلتيها كيما راها هههههه
مليح كي عجباتك
رها ابدعات بنات اللمة ههههههههه