plzzz help me......I'm confused now

[ourida17]

عليكم السلام ورحمة الله تعالى وبركاته
انا نحييك لانك اتخذت لأول مرة رأي من تلقاء نفسك
وهذا معناه انك على الطريق الصحيح
الاستقلالية في اتخاذ القرار وتحمل النتائج
هدرة الناس تعيي وتمرض وتدخلك في دوامة
انت درت ترونسفار صايي يعني ماعليك غير تبع الاختصاص الي اخترتيه وتبذلي جهدك وتتفوقي خاصة انك تحبو
اما الي يقولك اختصاص صعب او ماوش مليح او ماعنده مستقبل يكذب عليك
اللغات عموما اختصاص مطلوب وممكن تكمل اختي مع اختصاصها وتعمل ترجمة او غيرها
المهم انك على الطريق الصواب
وتوكلي على الله وانجحي
وللعلم فقط بحكم كوني في قطاع التربية والتعليم اعلم انها اختصاص مطلوب في القطاع وبكثرة

اولا بارك الله فيك لانك اول من ردت عليا يا اختي الكريمة والله كلامك في محله ويطلع المورال
ربي يبارك فيك
وان شاء الله ربي يكتبلي واش حابة

 

[شذى الإيمان]

والله يا ختي تخمام كمل عليا صاااااااي وليت نطلع ونهبط في حسابااااات
ايه راني دايرة الاحتمالات وراضية بواش يكتبلي ربي الحمد لله محضرة نفسي
آميييييييين يارب وخبر لي هو نقولهولك
بارك الله فيييييييك ختيتو

وفيك بارك الله أختي،
راني نستنى خبر الخير اللي يفرحك إن شاء الله
سلامي​

 

[مابقاش بزاف.Dz]

السلام عليك ورحمة الله أختي​

صدقيني أختي، راني حاسة بالمعاناة ديالك، علا خاطر أنا تاني جربتها، وصح كيما قلت تحسي روحك في دوامة، لأنك تشوفي بللي حياتك كلها متوقفة على القرار اللي رايحة تاخذيه...​

نحب نطمنك أختي، ونقلك ما تقلقيش روحك بزاف، التخمام ما يزيد ما ينقص، أنت استخرت، ودفعت طلب تحويل، خلي الأمور تسير وتوكلي على ربي، وإن شاء الله ما يكون غير الخير،
دوك راك كرهت تكنولوجيا، وراكي حابة لغات، أنا شخصيا ما نحبش التكنولوجيا، ونحب الإنجليزية، لكن الأمور ما تمشيش غير كيما نحبو...
وديري في بالك بللي ما بقاش بزاف " ما رانيش نتكلم على العضو" هههه
المهم نرجعو لموضوعنا، قريب يبانو النتائج، والعام الجامعي الجديد يا إما رايحة تقضيه في الإنجليزية اللي تحبيها، وربي يوفقك فيها،
يا إما الإحتمال الثاني اللي ماراكيش حاباتو​

أختي، هذه نصيحة نمدهالك من قلبي وعن تجربة، حضري نفسك من ضرك أنك تتقبلي وترضاي بالنتيجة كيفما كانت... لأن فيها الخير
وواحد ما يعرف الخير وين،
وحتى إذا كنت ف تخصص آخر، كاين وسائل مختلفة لتعلم وإتقان الإنجليزية، cd, internet, مدارس خاصة... يعني تكوني ضربت عصفورين بحجر واحد​

ربي يوفقك أختي، ويسمعنا عليك خبر الخير​

احم انا العضوة و لست العضو ا=ا و شكرا على ترديد عبارتي ولات مشهورة وااااااااااااااو ثانكس حنونة كي تفكرتيني ربي يفكرك فالشهادة
اما عن موضوعك اخحتي تنظن ما قالولك الاعضاء خير لكي ديري واش تحبي و واش يخرج عليك

 

[n@tcho]

اختي نمدلك نصيحة اخدمي بيها في حياتك سواءا في هاد المشكل الي راكي فيه او في اي شيئ
المهم دائما الي في راسك ديريهو علاه باه غدوا ماتندميش و تقولي كون غار درت واش كنت حابا و متبعتش هدرت فلان و فلان
اما فيما يخص الاختصاص بالنسبة لي كل الاختصاصات مثل بعض ليس هناك شيء اصعب من الاخر انما هناك اشخاص يتمكنون من اختصاص دون الاخر
و ان شاء الله يكون اختيارك في مكانو سلاااااااااااااااام

 

[podolsky]

السلام عليكم

لا اختي بالعكس الانجليزية مليحة بزاف ومايكذبوش عليك فيها الخدمة انا نقولك وزيدي انتي حابتها
عموما كلشي بالمكتوب لكن انت ديري الاسباب

 

[The DoN]

اقراي وش تحبي اختي
نتي اقراي باش تقراي
الخدمـة ساهلة

​