يخلق من الشبه اربعين .........؟

[kazawa]

السلام عليــــــــــــــــــكم

كي راكم يا ليجان قاع انتكيك ان شاء الله .:: نبدا مقدمة بسيطة .......


عدت اليكم و العودة حميدة .... ان شاء الله بمواضيع مفيدة


عدت اليكم بعد طول غياب .... لكي اسلم على الاحباب


في لمتنا مواضيع من ذهب ..... تعبر عن احساس وادب


اتمنى لكي طول السنين ....... فنحن بدونك مقهورين

منــــــــــــــــــــــــــــــورين


موضوع خفيف ضريف كيمااقاع المواضيع اليوم حبيت نهدر على ضاهرة واقعية مكاين حتى واحد

شيك في صحتها نبدا . في وحد نهار كنت انا وصحبي ماشيين في الطريق قالي شوف صاحبنا داير

روحو ماشفناش زعما عما علينا ... قولتو انا محال ياسين يمشي قدامنا ومايسلمش علينا ايا قلتو

عيطلو نيفروها معاه اياسين ياسين مابوجا ماتحرك قالي وش بيه ولى اطرش تاني ههههههه شوي

شوي صاحبي بدا ينارفا املا قلت انا ايا نروح تشوف وش بيه بلاك عندو بروبلام كبير . كي وصلت عندو

ضربتو ضربة خفيفة لكتف نتاعو وبش نبدا بالدبزة حبست دار السيد وخزر معايا و انا بش نقول ياس.....


ومكملتهاش تشوكيت ............................................................................................................................


لقيتو انسان اخر يشبهلو تقول فوطكوبي عليه سبحان الله دار ليا وقالي شكون نتا ..... ايا قلتو ا

سمحلي علبالي نتايا شركي ياسين قلتوا راك تشيهلو بزاف ايا كمل طرقو ا سلام ..... كي رجعت

لصاحبي لاخر لقيتو شاد كرشو من الضحك و قالي اوووووو خدمتهالك ههههههه اني عارف بلي الجون

هدا ماشي صحبنا بصح حبيت نديرلك فيلم من اخراجي وقالي كي نشوفو انا المرة الجاية منعرفوش


وفي الاخير قلتلو ا انا سبحان الله يخلق من الشبه اربعين .




س،،،،،،،،،،،،،،،،،،،،،،لام

 

[zagane]

السلام عليكم

في الجزائر يخلق من الشبه سبعين

 

[أم راضية ~_]

سلاااموو

صح تصرا بزاف بصح مانيش عارفة مدى صحة هاد القول '' الله أعلم ''
و مرات بزاف يعيطولي بأسم و يقولولي نتي خت فلانة
إييييه و شحال من مرة يشبهوني ببنات و كل مرة يلقاولي الشبيهة ديالي :scared:
أنا حرت في روحي نشبه لهادو قاع ؟؟؟؟ !!!!!! :scared: الحمد الله كي جاو شابين :shiny::shiny: :shay: :shay: :shay:
صحيت على هاد الموضوع ​

 

[nina bonoise]

hhhhhhhhhhh
yasser adi w sah kayna menha
f la fac les etudiants yahsebouni l prof tahoum li tkarihoum
galouli wallah techbhihla fotocopi
ki werawhali lgitha sah hert faha ​

 

[مابقاش بزاف.Dz]

صح تصرا بزاف و يتحرجوا فيها بزاف الناس
شكرا على الموضوع الخفيف

 

[بلد المليون]

في دزايــــــــر يخلق من الشبه ضعف أشباه اشباه​

 

[kazawa]

السلام عليكم

في الجزائر يخلق من الشبه سبعين

سلام خو هههههههههه و في الصين مليار هههههههه

 

[kazawa]

سلاااموو

صح تصرا بزاف بصح مانيش عارفة مدى صحة هاد القول '' الله أعلم ''
و مرات بزاف يعيطولي بأسم و يقولولي نتي خت فلانة
إييييه و شحال من مرة يشبهوني ببنات و كل مرة يلقاولي الشبيهة ديالي :scared:
أنا حرت في روحي نشبه لهادو قاع ؟؟؟؟ !!!!!! :scared: الحمد الله كي جاو شابين :shiny::shiny: :shay: :shay: :shay:
صحيت على هاد الموضوع ​

مليح رد شباب من انسانة شابة

 

[kazawa]

hhhhhhhhhhh
yasser adi w sah kayna menha
f la fac les etudiants yahsebouni l prof tahoum li tkarihoum
galouli wallah techbhihla fotocopi
ki werawhali lgitha sah hert faha ​

ليسونسيال المرة الجاية ديريلهم مفاجعة وقريهم ليكور و اعطيهم قاع نوت مليحة زكارة في لبروف :shiny:

 

[kazawa]

في دزايــــــــر يخلق من الشبه ضعف أشباه اشباه​

دزاير ديما تكون فيها الحالات الخارقة للعادة:scared: شكرا على المرور

 

[دمي خليجي]

نحنا الآسيويين بزآف ناس يتشابهوا يخلق من الشبه مية

خصوصاً وسط وشرق آسيا الحمدلله إني غرب آسيا

 

[kazawa]

نحنا الآسيويين بزآف ناس يتشابهوا يخلق من الشبه مية

خصوصاً وسط وشرق آسيا الحمدلله إني غرب آسيا

منورنا ياخليجي مرحبا بك في لمتنا في اسيا وش نحكيلك كي نولي نشوف في لاتيلي ليماتش تع الفوت

بين الصين و اليابان نولي حاير نقول مابين الشوطين كي يدخلو 11 جوار اخرى تلعب في السطاط شكون

الفحل اللي يعرفلهم . حتى المعلق سعات يعمى يقولك شونق هوتق دو ومبعد يقولك عدرا الاسماء صعبة

و الوجوه منشابهة و العينين راقدة خط ـــــ ـــــ تلفتلو مسكين ههههههه

 

[miss meryy]

ههههههههههههههه مليح المقلب اللي عملوا صحيبك نتا في دزاير ماعرفتوش في الصين كيفاه حتى روحك ماتعرفهاش تحير كيفاه يعرفو بعضاهم ههههههههههههههههه

 

[خوليتا]

هههههههههه و الله هاذي فووووووووووووووووووور ^_^ ثانكيو

 

[nina bonoise]

ليسونسيال المرة الجاية ديريلهم مفاجعة وقريهم ليكور و اعطيهم قاع نوت مليحة زكارة في لبروف :shiny:

hhhhhhh koun jat tasleh ani dertha
rahoum msaken 3adaw koul rattrapage

 

[kazawa]

ههههههههههههههه مليح المقلب اللي عملوا صحيبك نتا في دزاير ماعرفتوش في الصين كيفاه حتى روحك ماتعرفهاش تحير كيفاه يعرفو بعضاهم ههههههههههههههههه

شكرا على المرور نورتي الموضوع

 

[kazawa]

هههههههههه و الله هاذي فووووووووووووووووووور ^_^ ثانكيو[/
QUOTE

العفو :re_gards:

 

[kazawa]

hhhhhhh koun jat tasleh ani dertha
rahoum msaken 3adaw koul rattrapage

سلام مساكن اللي تشبهلك دارت فيهم حالة دوك وين يشفوك_o: يحسبوك هي املا نصيحتي ليك تهلاي في روحك و سلميلي عليهم gاع

 

[virus2015]

السلام عليــــــــــــــــــكم

في وحد نهار كنت انا وصحبي ماشيين في الطريق قالي شوف صاحبنا داير روحو ماشفناش زعما عما علينا ...
قالي وش بيه ولى اطرش تاني ههههههه
كي رجعت لصاحبي لاخر لقيتو شاد كرشو من الضحك و قالي اوووووو خدمتهالك ههههههه اني عارف بلي الجون هدا ماشي صحبنا بصح حبيت نديرلك فيلم من اخراجي

وعليكم السلام ورحمة الله
صحيت عالموضوع خويا، والشبه صح كاين منو، بصح ما نعرف ولا كاين 40 فوتوكوبي ولا لالا :shiny:
وعجبتني كي ما خليتش الشيطان يديرها بينك وبين اللي يشبه لصاحبك، ورحت تدر معاه باش تتأكد :re_gards:
ونوصيك، هاداك صحيبك شاري بلا رد بالاك منو :showoff:
سلامي​

 

[hicham500]

ههههه كاينة خويا عندك الحق
انا مرة نشفى كنت مع صحابي نمشو عندها بزاف هدي
وجاو 2 تاع ليجان عاقبين علينا واحد فيهم بقى يشوف معاي ومباعد جا يجيري سلم عليا القدر
ويعيطلي باسم نتاع واحد منعرفوش وانا بقيت نهدر معاه مع اني منعرفوش لاباس لاباس الحمدلله
مكش تبان المهم انا مشيت قالولي صحابي اشكون هذا صاحبك لي منعرفوهش
وانا والله السيد هذاك جامي شفتو في حياتي ممكن غلط فيا ولا بصح انا كالميت اللعب :shay:
وكملت نهدر مع السيد عادي مدام سوء تفاهم برك محبيتش نديرلو احراج
المهم جماعة نتاعنا طريق كامل وهوما يضحكو قالولي موقف يصلح يديروه في
الكاميرا كاشي هههه كل ما نتفكرها نضحك وحدي ​