وشراك يا الشيخ ....اتفضل يا الحاج ...وش نعطيك عمي......!!!!!!

س

سلفي والحمد لله

:: عضو فعّال ::
أوفياء اللمة
السلام عليكم ورحمة الله وبركاته
وشراكم خاوتي لاباس الحمد لله
يا خاوتي حبيت نهدر شوي في منتدى وش راك تهدر...

=====
انا بانتلي المرى هي لي تكره كي يعطيوها سن كثر من سنها
بصح يا خاوتي انا قبيل كرهت تا ع الصح
شوفو مالف يقولولي الشيخ الشيخ الشيخ هاذي والفنا بيها يعني نورمال مافيها والو
وساعات ثاني يقولولي اتفضل يا لحاج وشراك يا لحاج هاذي ثاني ماعليش قبلناها وربي يوصلنا لبلاصة هاذيك وربي يردنا شيوخة ان شاء الله
بصح ياخاوتي واحد ليوم كنت انا ومكانش 'سفيان 'في بيتزيريا جانا السارفار
جان صغير يكون واحد 22 ولا 21 سنة قالي وش نعطيكم عمووو
كرهت حياتي ومت بالضحك انا وسفيان هههه
وهاذي بلعتها وتقبلتها ماعليش بصح يا خاوتي تاع ليوم اواه كرهت
شوفو جيت نفليكسي من واحد الطاكسي فون يخدم فيه واحد الجان يكون واحد 33 سنة ولا30 دخلت السلام السلام
قلتلو كاين فليكسي قالي هيه
قالي جيزي قلتلو هيه
قالي وشي هو نيميرو عمي؟؟؟؟؟؟؟
اواه عمي والله غير تعيف هههههه
انا ضحكت ومليت عليه النيميرو
ياو راني مازلت صغيييير وشبيكم
ايا يعطيكم الصحة
صح اللحية تزيدلك الوقار لكن المسؤولية تاعها كبييييرة ربي يوفقنا باش نعطيوها قيمتها وحقها
بالتوفيق للجميع​
 
السلام عليكم

ما زالت صغير عمو
 
توقيع zagane
السلام عليكم خونا الكريم
هاذو les formules de politesse تاع الشعب الجزائري ...... الله يبارك tellement يقادرك يقولك عمو .....
و tellement يقادرو أماليهم يقولو ليماهم "لعجوز" و هي بلاك ما جازتش ال45 سنة و لباباهم "الشيخ" ما فهمتش الا صعيبة كلمة بابا و لا كيفاش؟؟؟

donc normalement كلمة عمو ثاني تجي نورمال .........


يعطيك الصحة خونا الكريم على الموضوع و كنت حابة نهدر على الظاهرة تاع "الشيخ بابا" و "لعجوز يما " راهي زادت عليهم كلمة "عمو".....

تحياتي....​
 
وعليكم السلام ورحمة الله وبركاته


اهلا بك أخي الكريم :)


انت راك حكمت على روحك علاه يعيطولك شيخ وعمي وحاج !


لأن المظهر نتاعك يتطلب ذلك وخاصة كما يقولولك يا شيخ فلان


صح اللحية تزيدلك الوقار لكن المسؤولية تاعها كبييييرة ربي يوفقنا باش نعطيوها قيمتها وحقها
إضغط للتوسيع...



وكاين الي تلقاه مثلا في عشرينات وهو مزال جامعي تلقاهم يعيطولوا يا استاذ


يعني حساب ما نشوف الناس راهي تطلق الالقاب حسب المظهر


وربي يوفقك ويعينك خويا :smile:​
 
وعليكم السلام
صح هاذي أمور موجودة
الشيخ أو الحاجة أو الحاج أو أو ممكن يطلقوها لمن يُرى عليه أثر الصلاح والإستقامة
كنت 12 سنة والناس كامل ينادوني الحاجة فقط لأني ألتزم الزي الشرعي

أما عمي ممكن تكون لأسباب:
* إما أنها مبالغ فيها من طرفهم
* إما أن شكل الإنسان يوحي بعكس عمره
* وإما أنه لفظ دارج على الألسن، مثلا في منتطقتنا منتشرة: يا خالي، يا ولد خالتي، يا ولد عمِّي وهكذا

​
 
انا نشوف عمووو هي لمليحة فيهم خلي نزيد عليك انا خخخخخ
اكيد نظرتهم ليك حسب مظهرك الذي يوحي لهم انك كبير في العمر
ربي يبارك في عمرك
شكرا عالموضوع
​
 
و عليكم السلام و رحمة الله و بركاته
يمكن هو اخي ما يقصد شئ قالها على نيته
بيمكن هو يشوفها تقدير منو ليك
اما على كل حال لا تتغشش و لا شئ كلنا نتعرضو للمواقف هادي
و عادي نتجاوزوها بكل بساطة​
 
أهلا بيك جدي ههههه
واش بيك ياخويا غابن روحك وعلاه عليك
نحي اللحية وعيش حياتك
الرسول لوكان عاش في وقتنا راهو لابس كوستيم
ههههههههههههههههههههههه
قتلك الهدرة ألي توجعلك قلبك هههه
​
 
و الله المظهر هو السبب
مام انا كون نلقاك نقولك عمي ول الشيخ
 
لا لا عموووو هدي من شيم انتاعنا نحترمو لكبير والصغير
 
ههههههههه وش بغيت يعيطلك واش اديكابريو ولا واش توم كروز

الله غالب نتوما تاع الديانة هاذو هكذا يشتيو يعيطولكم الناس
صحيت ادادا​
 
معليش انت داير اللحية و بنتلهم كبير ايا قولي انا اللي ني لحية ني جلابة نورمال كيما الشيرات تاع دروك يا ربي اللي نشري من عندو يلا ما قاليش اما يقولي الحاجة و اختي معليش المشكل حتى جوارينا الصغار صحاباتي يعيطولهم نورمال و انا طاطا
 
و عليكم السلام
رانا الحمد الله
:rolleyes:

صح هادا هو اللقب اللي يطلقوه على أي إنسان يحترموه حتى أنا كي نشوف واحد بولحية ولا شوية كبير نقولو عمو من باب الاحترام :re_gards:
نتا رآك مليح كبروك و يقيّموك ، أنا يصغروني و يحقروني ''على جال الملامح الطفولية '' :shay: :shay:مرة واحد الجان في البلدية جيت نسقسيه على الورقة منين نجيبها قالي إيه بنتي !!! :scared:
الشكل والمظهر يلعب دور في سن الشخص
عمو موضوع مليح :rolleyes:
و ربي يعاونك
 
السلام عليكم
عندك الحق كاينة وتكون
راك فكرتني باستاذ قرانا في الجامعة هو مزال جان يكون في عمرو هكذاك وحد 34 ans
اول حصة نهار قرانا نشفى عليها كنا نعيطولوا الشيخ تقلق منها قالنا عيطولي استاذ متعيطوليش شيخ :)
ربي يكون معاك خويا الالتزام في وقتنا هذا صعيب ​
 
السلام عليكم

هذا راجع للحية كيما قلت ،، لانو تزيد في الشخص وقار وهيبة

شكرا عمو على الموضوع هههه
 
صـــــــــار نتا هو مولا اللحية اللي ظال تبيع نتا وسفيان في الحلوة الغالية والقازوز في نصاص الليالي
ههههههه
يا يقوللك عمي يعمي عينيهم واش بيهم مزالك صغير خويا مي انت مداير اللحية يحبوا يقادروك أخينا فهمت كيفاه يوليو يكبروا بيك
وزيد لقيت اللي يقولك كيما هكك وتشرط من واليوم نعيطلك صحيبي صافا هك
وينها لمليحة أجان
خير واش نعيطولك ونعيطولك مكانش مشكل​
 
قال بلد المليون:
صـــــــــار نتا هو مولا اللحية اللي ظال تبيع نتا وسفيان في الحلوة الغالية والقازوز في نصاص الليالي

ههههههه​
إضغط للتوسيع...
ههههههههه
هههههههههههه
ههههههههه​
 
ههههههه مرا انا وبنت عمي دخلنا لوحد الحانوت ليقينا وحد الشيخ كبير في السن هو الي يبيع قاتلوا بنت عمي
عموا عموا
قالها مكانش ياعمتي منوا بالجد مهوش يضحك ولا ههههههههههههههههههه
اما بالنسبة ليك انت لكراه يتمسخر برك


​
 
وعليكم السلام
مكنش مشكل خويا
عادى
انا عندى حانوت ونقول كم هك خويا
عمى خويا صحبى جارى حاج حاجة شيخ
ومين نعيط وحد منعرفش نقوله يسى محمد
ولا ولد عمى رك غلط فى صرف هههههههههه
كاين بزاف حويج نقلوهم وكل وحد نعطيه اسم ينسباه
ههههههه
​
 
سلآمو ..

مام حنا نقولو بالشاوية / آمغار / يعني جاية هدرة مع قصرة ــههههه

لي يعييو صح في باتنة لي جان تاعها كي يقولك صديقي ولا شقيقي تشبو بعد

هكذا راك لباس كي عادو يعيطولكم بعمو خير ما يقلبولك الاسم و يدوروه واحداخر

تجيك ف الصبر اخينا

وبلاك نتا كبير متحصيش :)




​
 
توقيع الرومنسي الجاد
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom