يا رب رانى باغية درارى

[amina 19]

السلام عليكم واش راكم اخوانى انا مين قلبى تعمر حبيت نحى هنا على خاطرى شوية انا معنديش بزاف ملى تزوجت غير فى فيفرى و تغربت مع زوجى و زوجى ميت على الدرارى و انا تانى منكدبش عليكم و الله عيت من كل وحدة تجى و تقولى مزال مجاب ربى يماه يما العائلة الكل من قوة الى هبلونى حتى صرا جفاف بينى وبين زوجى مانى طالبة والى غير حبيت نفرغ قلبى اليكم و ادعولى بالذرية يا رب لا تحرم اى امراة من هذه النعمة

 

[ياسمين عنابة]

عليكم السلام ورحمة الله تعالى وبركاته
اللهم ارزقها خلفا صالحا وذرية طيبة وقر عينها واسعد قلبها واألف بينها وبين زوجها
يا اختي لاتقنطي من رحمة الله
ان كانت الفحوص تشير الى انكما طبيعيين فاصبري ففرجه قريب
وماتشغلش قلبك بهدرة الغير
المهم راحتك النفسية فقد تكون وراء تعطل الانجاب
اكثري من الاستغفار والصلاة على النبي صلى الله عليه وسلم​

 

[شيزوفرينيا]

اللهم يابسط الرزق ارزقها الخلف الصالح كامل معافى عاجلا غير ااجل انك سميع مجيب ... اللهم ارزقها السعادة في الدنيا والاخرة ​

 

[AmOuNa93]

ربي كريم يا اختي
خليك املك بربنا قوي و لا تخلي الشيطان يبعث فيك القنوط و الياس
هدا ابتلاء من الله و عليك بالصبر
تفكري قول الله تعالى
بِسْمِ اللَّهِ الرَّحْمَنِ الرَّحِيمِ
(( الم * أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ * وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ))​

 

[ألاء الرحمـــن]

السلام عليكم ورحمة الله تهالى وبركاته

يا اختي الفاضلة طبيا يقولك بعد عامين الا ما وجد حمل التم تقولي في تأخر وبما انك مزال ما دار عليك العام ديري ربي في قلبك ونصيحتي ليك ما تسمعي للغير ما يحس بالجمرة غير الي كواتو بالعكس راح يوقع مشكل ليك كيما راني نشوف وهو القلق وهذا تان عامل على نقص فرصة الحمل والاطباء تان ينصحو اي مرأة متأخرة فالانجاب تفادي الغضب راح يأثر على الجهاز العصبي والي عندو علاقة بالرحم انا متزوجة منذ 6سنوات ولحد الان مزال ما رزقني ربي والحمد لله على كل حال ومريت المراحل الي ذكرتيها ولقيتها مطفرة فيا أنا
عيشي حياتك وارضاي بلي كتبو ربي فهذا قضاء وقدر وحاولي قدر الامكان تحسني وضعك مع زوجك لانو يجي يوم ويكره قنعيه ورضيه وما تخلي الغير يأثر عليكم كلام الناس ما يدي ما يجيب
وربي يرزقك الذرية الصالحة في أقرب وقت ونفرحو بيك كمل


​

 

[ماكانش]

أهلا بيك اختي
أسأل الله العظيم ان يرزقك الذرية الصالحة
أزوجتي في فيفري برك ؟؟؟ يعني ماشي مدة كبيرة خلااص
نعرف بزاف مارزقهمش ربي سبحانو إلى بعد سنوااااات منهم 6 ومنهم حتى 10 ونعرفهم شخصيا
برك الإنسان يكون راضي بقدر الله ومايجزعش عن قدر الله لن هذه المور بيد الله تعالى وفقط
يكثر من الدعاء ويتخذ الأسباب المشروعة​

 

[amina 19]

شكرا جزيلا يا اخوانى اخواتى على دعائكم معيا

 

[amina 19]

السلام عليكم ورحمة الله تهالى وبركاته​

يا اختي الفاضلة طبيا يقولك بعد عامين الا ما وجد حمل التم تقولي في تأخر وبما انك مزال ما دار عليك العام ديري ربي في قلبك ونصيحتي ليك ما تسمعي للغير ما يحس بالجمرة غير الي كواتو بالعكس راح يوقع مشكل ليك كيما راني نشوف وهو القلق وهذا تان عامل على نقص فرصة الحمل والاطباء تان ينصحو اي مرأة متأخرة فالانجاب تفادي الغضب راح يأثر على الجهاز العصبي والي عندو علاقة بالرحم انا متزوجة منذ 6سنوات ولحد الان مزال ما رزقني ربي والحمد لله على كل حال ومريت المراحل الي ذكرتيها ولقيتها مطفرة فيا أنا
عيشي حياتك وارضاي بلي كتبو ربي فهذا قضاء وقدر وحاولي قدر الامكان تحسني وضعك مع زوجك لانو يجي يوم ويكره قنعيه ورضيه وما تخلي الغير يأثر عليكم كلام الناس ما يدي ما يجيب
وربي يرزقك الذرية الصالحة في أقرب وقت ونفرحو بيك كمل​

ارفعتيلى معناوياتى اختى انشاء الله ربى يرزقنا عن مقرب و نفرحوا قريبا يا رب امين

 

[13matmour]

ماكيش عارفة اختي الخير وين في العاجل او الآجل ربي كل حاجة يديرها فيها حكمة مالا الصبر ثم الصبر و انشاء الله انجاب قريب و خلف صالح يا رب

 

[ألاء الرحمـــن]

ارفعتيلى معناوياتى اختى انشاء الله ربى يرزقنا عن مقرب و نفرحوا قريبا يا رب امين

لا شكر على واجب غاليتي فهذا واجب مني اتجاهكي ومن فمك لربي ويرزق الجميع

راح نفيدك بحاجة في حياتك وترتاحي كثير خاصتا في حياتك الزوجية

موضوع لاستاذتنا الكريمة أم زهرة وخليل اتبعي الدروس وأكيد راح تستفادي

اضغطي فقط على الرابط

https://www.4algeria.com/forum/t/285407



​

 

[براءة مسروقة]

ماتقلقيش روحك الحالة النفسية تلعب دور والتاخر مش معناه العقر والعقر مش معناه مارح جيبى درارى وهدا وين تزوجتى بشويه على روحك

 

[سلفي والحمد لله]

اسال الله العظيم رب العرش العظيم ان يرزقك الذرية الصالحة الطيبة التي تقر بها عينك
اختي الكريمة اكثري الدعاء واغتنمي مواطن اجابة الدعاء
وبإذن الله ربي يستجيب لك​

 

[hiba14]

كبري قلبك و ما تعمريش راسك و زيد مازلتي راكي غي كي تزوجتي و كيما يقولو كل عطلة و فيها خير هدا ربي يقسم الارزاق و الاطفال رزق من عندو ربي ان شاء الله يرزقك الدرية الصالحة و يهدي سرك انت و الزوج تاعك

 

[amina 19]

كثر خيركم على الدعاء معايا والله غير نحيتوا على خاطرى بزاف

 

[Łøst Fłôwęr]

اختي كل شيء على الله هين فلاتقنطي من رحمة الله
الله يرزقك بالذرية الصالحة ويسر قلبك ​

 

[هآجر]

السلام عليكم

وسعي بالك يا الغالية كل بيد ي ربي سبحانه وتعالى ومتخليش هذاالشيء ياثر على علاقتكم الزوجية لازم تكونوا اكثر ترابط عن ذي قبل

ربي يرزقك الدرية الصالحة عاجلا وليس اجلا
امين​

​

 

[═♥.ЈŪšť_ màn.♥═]

...
و اللهـــ اختي
هادا قضااااااااء الله و قدره .. وما عليكــ سوى الدعآآآء انتــ و زوجكــ
و ليســ الذنبــ ذنبكــ وعلى الجميع ان يعرفــ هذا
و لا يحملونكــ الذنبــ الذي ليســ ذنبكــ
..
اللهم فرجـــ عن اختنا ياااااا رب
​

 

[ђĩหđǿĉħǻ]

اللهم يابسط الرزق ارزقها الخلف الصالح كامل معافى عاجلا غير ااجل انك سميع مجيب ... اللهم ارزقها السعادة في الدنيا والاخرة ​

​

 

[داليا]

ربي يرزقك يا اختي و يرزقني معاك انا ثاني راني نعاني من نفس الحالة و منهارة نفسيا عندي قريب عام منين اتزوجت و الكل يسقسي وقتاش حتى وليت ما نخرجش من الدار بصح ربي كبير ما تخافيش​

 

[adel-mz]

السلام عليك
اختي عليك بدعاء زكريا عليه السلام عندما قال : رَبِّ لا تَذَرْنِي فَرْدًا وَأَنْتَ خَيْرُ الْوَارِثِينَ ، فإنه دعاء جميل في غاية المناسبة للحال . وكذلك دعاؤه عليه السلام لما قال : رَبِّ هَبْ لِي مِنْ لَدُنْكَ ذُرِّيَّةً طَيِّبَةً إِنَّكَ سَمِيعُ الدُّعَاءِ .
وان شاء الله ربي يرزقك الذرية الصالحة
​