الزواج من القبائليات بين الإيجابيات والصعوبات ...

[M!ss_f@ti]

موضـوع حسـاس
اول حاجة دك يتغشو العربيات....:schmoll:
مي انا منشوف حتى فرق بيناتهم الا الشرط مع انو كاين عربيات ميشرطوش كما حنا عندنا عيب الا عجبنا لولد نقولو لقدرت عليها و الا معجبش الله يسهل
مي عن انها تصون بيتها هادي بكري من عام جدي مي درك ..._o:
اما عن الجمال يا جميل.....:shay:
فعدرا انا يعجبني الزين العربي شعر كحل و العين كحلة و الطول الله الله..i-o:
و في نفس الوقت تلقى الشقروات و العيون ملونة

حتى احنا كاين كل ليموديل ههههه السمانة والبيوضية هههه
و كما قالت الاخت لقبل: درك جات لمود تع الصغيرات روح جيبها شاوية خير

ماتقوليليش راكي تبريزونتي في روحك ؟؟ ههههه

و حاجة اخرى الشاطرة شاطرة و لتحب تصون بيتها تصونو
روح جيب وحدة تعرفها بنت فامي و باباها راجل و خوتها رجالة و تسمع الكلمة الباقي شي ميهم نخاف ممبعد لديت القابائلية تقل يا ريت حطيت 100 مليون لعربية خير خطاك تختلف العادات و التقاليد و هدا يعييك

ماتسمعلهاش اسفيان :sad: هههههه
مع احتراماتي لك و لطريقة تفكيرك و تبقى الاراء تختلف
سلام..
:re_gards:
​

هي اختي كل واحد ورأيوو واسمحيلي بركـ

راني غير نقصر

 

[ماكانش]

ياااه سفيان حط الرحال هنا ...

واش نجاوبك بالعربية فصحى كيما موضوعك ولا بالعامية كيما موالفين ؟
راني سكنت أنا تاني في المنتدى هذا ... عجبني خير من واش راك تهدر ...
المهم أنا ما سمعتش على القبايليات بلي مهرن أدنى و و و و ... مي سمعت
بلي عندهم العفسة تاع القبايلية يمدوها للقابايلي ... مي الظاهرة هذي كاينة
في بزاف بلايص مثلا في سكيكدة ... ناس عزابة يحبو يمدو بناتهم للعزازبة
ناس القل يحبو يمدو بناتهم للقلية بعد وهكا ... عندك غير تاع وسط المدينة
ما عندهمش مشكل خايفة بابا يبعتني لكاش بلاص جامي سمعت بيها في سكيكدة
هههه ... انا لي سمعت على لقبايليات ... وخايفة يهجمو عليا دركا ويديرو
عليا انقلاب ويطالبوا : العضوات تردن اسقاط نور ...
سمعت : قالوا عليهم واعرات وراسهم خشين ... وااا اسمحولي مي كيما
سمعت برك ... كاين العضو شعيب هدر على العربية لي تهدر عربية وتقرى قرآن
نعرف بزاف قبايليات يهدرو عربية عادي وغير مع بعضاهم يهدرو أمازيغية
ويقراو ويحفظوا قرآن عادي ... يعني النقطة هذي ماهيش محتكرة للعربية برك ...
وباقي نقول العربية القبائلية لي في حدود الدولة الجزائرية = بنات بلادي وكامل كيف كيف
مغــــــــــــــــــــــــــسي ... شكرا .... حبيت نقولك مغسي علابالي توحشت الآغ تاعي
سلاااااااااااااااااامي ليك​

اهلا بيك ألهامو
أيا اهدري بالدارجة ألي والفناها هههههه
صح راكي غبتي علينا لهيه، ديرينا دورات ساعة على ساعة
عندك الحق مادامت بنت لبلاد والجزاير مايهمش
على خشانة الراس تبالي تبالي راهي هنا عندنا في الشاويات
هاني خليتها وذرك يريبو عليا يبهدلوني هههههه
انا تبالي الميزة ألي مشهورة عليهم قلة الشرط والزين :shay: اي هذا هوا المفيد
ونتي مليح يبعثك باباك لعزيز لباتنة مرحبا بيك تشوفي العقلية هههه
​

شكرا على الموضوع

ساختصر ردي بالاتي
الزوجة الصالحة نعمة من نِعم الله سبحانه لذلك أوصانا رسول الله صلى الله​

عليه وسلم أن يختار المسلم شريكة عمره على أساس مالها أو جمالها​

أو حسبها ثم قال : " فاظفر بذات الدين تربت يداك"
أي : امتلأت يداك بالخير وقلبك بالسعادة
وفقك الله و ان شاء الله يجيبلك بنت الحلال ليك و لكل الشباب و يجيب ولد الحلال لينا حنا البنات​

بارك الله فيك وفاء
يعطيك الصحة على الهدرة الباهية ولكن وين راهي هذ الصالحة ...​

 

[ensam]

في رايي مايتعلقش الحال بالطفلة قد عائلتها
الغالبية و الشائع على القبايل هم ناس متفتحين و قبالة ماعندهم النفاق بزاف بزاف و على هديك الغالبية نتاع الشباب يميل ليهم لأنو صح مقتنع في نفسو بلي هوما خير منو مي لوكان تواجهو كيما درك باه يهدرها علنا يقلك لالا الطفلة عجبتني برك .. مي الحق انهم متفتحين بزاف على الباقي و متفهمين و كيما يحب الخاطر سواء في العائلة او الطفلة في حدا ذاتها و تلقى قليل مش سواسوة يعني و هم يحوسو على الفايدة نتاع بنتهم و ما عندهم حاجة بواش يمد الطفل قد مايهمهم انو يكون راجل و ادا كنت راجل يمدولك ماتخافش مي ادا فيك الشك امم يفيقولك ههه
هدا رايي ​

 

[عالي الحمدي]

في رايي مايتعلقش الحال بالطفلة قد عائلتها
الغالبية و الشائع على القبايل هم ناس متفتحين و قبالة ماعندهم النفاق بزاف بزاف و على هديك الغالبية نتاع الشباب يميل ليهم لأنو صح مقتنع في نفسو بلي هوما خير منو مي لوكان تواجهو كيما درك باه يهدرها علنا يقلك لالا الطفلة عجبتني برك .. مي الحق انهم متفتحين بزاف على الباقي و متفهمين و كيما يحب الخاطر سواء في العائلة او الطفلة في حدا ذاتها و تلقى قليل مش سواسوة يعني و هم يحوسو على الفايدة نتاع بنتهم و ما عندهم حاجة بواش يمد الطفل قد مايهمهم انو يكون راجل و ادا كنت راجل يمدولك ماتخافش مي ادا فيك الشك امم يفيقولك ههه
هدا رايي ​

استسمح الاخ سفيان ..

راني وكليه الشرعي بتفويض منه ...

اخي الكريم//

شكرا لك بداية .

يبدو لي من كلامك انك من اهل القبائل .. وهذا يشرفنا ..

فما قولك بالاخوات اللي سبقوك ؟؟؟ وما عجبوهمش القبايليات

ما فهمنا فيه والو ؟؟:sadwalk:

راي الخاص تفضيل القبايليات ... وهذا لا يعني الانتقاص من الاخريات في جميع ربوع الوطن .

تحياتي لك.

 

[الورد الأحمر]

اهلا بيك ألهامو
أيا اهدري بالدارجة ألي والفناها هههههه
صح راكي غبتي علينا لهيه، ديرينا دورات ساعة على ساعة
عندك الحق مادامت بنت لبلاد والجزاير مايهمش
على خشانة الراس تبالي تبالي راهي هنا عندنا في الشاويات
هاني خليتها وذرك يريبو عليا يبهدلوني هههههه
انا تبالي الميزة ألي مشهورة عليهم قلة الشرط والزين :shay: اي هذا هوا المفيد
ونتي مليح يبعثك باباك لعزيز لباتنة مرحبا بيك تشوفي العقلية هههه
​

كنت نسنى في اقتباسك على ردي ...
ايه خشانة الراس كاينة في الغاشي الكل مي سمات برك بالقالب على القبائلية
وحتى الشاوية يضرب بها المثل تاني هههه قالك غير السكيكدية فوووغ
المهم الكل بنات لبلاد وصح عندك الحق مالا في قلة الشرط لي يخلي القبائلية
مفضلة ... وقليلة التكاليف ... ربي يرزقك ببنت لحلال سفيانو ... أما أنا لا لا
غير أدعيلي نبقى في سكيكدية ونفنى فيها ياو سكيكدية لاكواغيوم وانا الحوتة
هههه ... مغسي ... سلامو ...
.............

​

 

[ensam]

استسمح الاخ سفيان ..
راني وكليه الشرعي بتفويض منه ...
اخي الكريم//
شكرا لك بداية .
يبدو لي من كلامك انك من اهل القبائل .. وهذا يشرفنا ..
فما قولك بالاخوات اللي سبقوك ؟؟؟ وما عجبوهمش القبايليات
ما فهمنا فيه والو ؟؟:sadwalk:
راي الخاص تفضيل القبايليات ... وهذا لا يعني الانتقاص من الاخريات في جميع ربوع الوطن .
تحياتي لك.

العفو أخي الفاضل .. ليس بالخصوص أن أكون من منطقة حتى أكون معه هنا تكون الجهوية في رأيي ...
لست أمازيغي و إني أحترمهم كثيرا و في الأخير هم مني و انا منهم مثلي مثلك اخي جزائريين ..
في الحقيقة رأيت ردود بعض الأخوات لم يعجبهم أخواتنا الأمازيغيات هذا ربما راجع لطبيعة الفتاة ان لها غيرة عند ذكر ان اخرى افضل منها في حين انها تنسى انها هي مثلها ... أعتقد أنه من الأفضل ان يقال أمازيغية أحسن على أن يقال أوروبية مسيحية أفضل ...
إحترامي
​

 

[ensam]

..سمعت : قالوا عليهم واعرات وراسهم خشين ... وااا اسمحولي مي كيما
سمعت برك . :scared:.. كاين العضو شعيب هدر على العربية لي تهدر عربية وتقرى قرآن
نعرف بزاف قبايليات يهدرو عربية عادي وغير مع بعضاهم يهدرو أمازيغية
ويقراو ويحفظوا قرآن عادي ... يعني النقطة هذي ماهيش محتكرة للعربية برك ...
وباقي نقول العربية القبائلية لي في حدود الدولة الجزائرية = بنات بلادي وكامل كيف كيف
مغــــــــــــــــــــــــــسي ... شكرا .... حبيت نقولك مغسي علابالي توحشت الآغ تاعي
سلاااااااااااااااااامي ليك
​

كل الجزائريات ذكور و إناث راسهم خشين في بالي ما جات في الأمازيغ ...

 

[ensam]

السلام عليكم
و قبل ما نهدر نستسمح القبايل اللي راهم هنا لاخاطر مانيش على شخص معين و لا بصح الحق و على حساب ما شفت و السماح ان امكم بصح القبايل و الاغلبية الساحقة بعاد على الدين و اللي راني نقصد ماشي بعاد انهم ماشي متمسكين بيه لا انهم ما يامنوش بربي و خصوصا اللي يسكنو في الدشر و علابالنا قاع بلي معظم القبايل يسنو في الدشر و الله و الله و الله غي اللي قاع نعرفهم ما يامنوش بربي حتى اللي يسكنو هنا في تيارت رمضان ياكلوه
و حاجة اخرى التقاليد ماشي كيفكيف قاع
الميزة الوحيدة هي انو المهر قليل و الناسها ما يدخلوش فيها
اما الجمال راك غالط ا سي مكانش

هم جزائريين اولا و انتي لو بحثتي قليلا في الاصول لوجدتي فيك يالوكان شعرة تقربك للأمازيغ
ان تقولي الأغلبية الساحقة بعيدة على الدين اعتقد انكي أسأتي لكل ماهو أمازيغي صراحة يحكم ما شفتي في تيارت فبدون تعليق على ما ذكرتي
كاين اللي عرب أبا عن جد كلاو رمضان و حرقو الدنيا فلما لا نقيس عليهم أيضا ؟ من مكة راهم في البلدان الاوربية دارو العجب العجاب هل نقول سعوديين ..
على كل هم قبالة في كل أمورهم من الكلام حتى للأفعال و واش يهدرو يديروه صح

 

[روز]

السلام عليكم
مشكور أخي سفيان على الموضوع
الذي فعلا يتعرض لحالة اجتماعية واضحة في مجتمعنا
بحكم أنني عاشرت قبائليات كثيرات هنا
وبحكم أن من عائلتي هناك الكثيرون من تزوجوا من قبائليات سأدلي بوجهة نظري..

القبائليات بصراحة هم فئة من النساء التي تعيش مع زوجها
ولو كان يعيش في صحراء..وترضى بذلك.
والمعروف عليهن أكثر أنهن "صبارات" يعني يصبرو على بعدهم على أهلهم
ومش كل دقيقة تقلك اديني لدار بابا..
ولي نعرفها وشفتها بعيني ايضا
هم بنات على قدر عالي من التفتح
كما قال الاخ قبلي وأغلبهم يطيعوا أزواجهم طاعة كبيرة

لكن وما لمسته بالفعل ومارأيته هو أنها تسعى لتعليم ابنائها القبائلية بدل العربية
فمثلا أانا لا أفهم كلام أبن بن إ عمتي المتزوج من قبائلية..! أبدا أبدا
اضافة الى أنهم لا يختلطون كثيرا بعائلة الزوج يعني تكون جابدة ياسر حتى تشعر أنك ضيف في بيتك...؟
ثالثا الصلاة لايحرصون عليها ولا يعلموها لاولادهم...
رابعا لايفقهون في أمور الدين كثيرا ولا يسعون لتعلمه
لايهمهم الحجاب الصحيح ولا يتقبلون من يقول العكس
ويريدون العيش في تفتح يعني مايحملوش الضغط ولا التزيار ياسر
رابعا إن التقى القبائل ببعضهم البعض يعملوا حلف كما نقولو..
أعرف شخص تزوج قبائلية فصارت كل معارفها قبائل
وكل يوم القبائل عنده في البيت وصار بيته مزارا للقبائل
حتى انه بدأ في التذمروالملل..

هذه بعض ما أعرفه بحكم المخالطة والمعاشرة وليس من قول كلام هباء
وفي الاخير الحسن والسيء اخي سفيان في كل مكان ونتا وزهرك ههه

لكن في مسألة الزواج أنا شخصيا نفضل الواحد يكون مقتنع
ويحب البنت وهي تحبو غير هذا كل شي مايهمش

يعطيك الصحة مرة اخرى على موضوعك
ونشاطك في القسم
++تقييم
​

 

[ماكانش]

السلام عليكم
و قبل ما نهدر نستسمح القبايل اللي راهم هنا لاخاطر مانيش على شخص معين و لا بصح الحق و على حساب ما شفت و السماح ان امكم بصح القبايل و الاغلبية الساحقة بعاد على الدين و اللي راني نقصد ماشي بعاد انهم ماشي متمسكين بيه لا انهم ما يامنوش بربي و خصوصا اللي يسكنو في الدشر و علابالنا قاع بلي معظم القبايل يسنو في الدشر و الله و الله و الله غي اللي قاع نعرفهم ما يامنوش بربي حتى اللي يسكنو هنا في تيارت رمضان ياكلوه
و حاجة اخرى التقاليد ماشي كيفكيف قاع
الميزة الوحيدة هي انو المهر قليل و الناسها ما يدخلوش فيها
اما الجمال راك غالط ا سي مكانش

أهلا بيك هيبة
يعطيك الصحة
ورانا كامل نحكيو فقط ونستسمحو كل بنات الجزائر الغاليات ...
صح هذي كاثرة بزاف انهم مايامنوش وبعاد على الدين ولكن كاين المتدينين منهم وألي معاشرين لعرب ، بصح الأغلبية كيما قلتي ...
والزين راهو بارتو هذاك ثانوي برك
يعطيك الصحة على الهدرة الباهية ​

السلام عليكم اعجبني موضوعك و اقول لك و كل من يقراء هدا الرد ان لا فرق بين هد و داك بقول النبي صلي الله عليه و سلم من ترضون دينه و خلقه فزوجوه الافكار تختلف و كل و احد منا لبد ان يبحث شريك حياته و مدرسة ابنائه بدقة كل منا له خطائه العيب عدم تصليحه و كل بنات بلادي مشاء الله هناك خير و ادا مازلت عازبا اسال الله ان يرزقك زوجة صالحة و درية صالحة و عيش كريم

اهلا بيك خويا لعزيز
يعطيك الصحة على الهدرة الباهية
راني معاك وماكانش فرق إلا بالتقوى وذات الدين تقدم ولو كانت زنجية ...
ربي وفقنا لكل خير​

 

[randa serine]

السلام عليكم و شكرا لك على موضوعك
اولا اخي قبل ان نكون قبائليات او عربيات نحن مسلمات و عن الدي قلت عنه ان زواج القابيليات سهل فانا اخالفك الراي تماما انا شخصيا قبائلية الاصل و اهلي يتدخلون عندما كون هناك احد يريد التقدم لخطبتي و تدخلهم لا يكون من اجل معرفة ادا كان هدا الانسان قبائلي او عربي بل كيف ستعيش ابنتهم مع هدا الانسان هل حياة مريحة ام تعيسة و انا شخصيا لقد تقدم لخطبتي انسان و هو عربي و ادا كتب المكتوب راكم معروضين للعرس و لكن في كل صغيرة و كبيرة تدخلوا اهلي صحيح حنا القابليات كي نجو نتزوجو ندو معانا الجهاز الله يبارك معناها والديها يبعتوها كاملة مكملة من دهب طبعا و البسة و هدو عنيين عن التعريف و حتى لوازم بيتها معناها الراجل دارو تعمرهالو من النهار الاول و ادا راح حاب تخطب عندي صديقتي و عدرا للاطالة.

 

[hiba14]

هم جزائريين اولا و انتي لو بحثتي قليلا في الاصول لوجدتي فيك يالوكان شعرة تقربك للأمازيغ
ان تقولي الأغلبية الساحقة بعيدة على الدين اعتقد انكي أسأتي لكل ماهو أمازيغي صراحة يحكم ما شفتي في تيارت فبدون تعليق على ما ذكرتي
كاين اللي عرب أبا عن جد كلاو رمضان و حرقو الدنيا فلما لا نقيس عليهم أيضا ؟ من مكة راهم في البلدان الاوربية دارو العجب العجاب هل نقول سعوديين ..
على كل هم قبالة في كل أمورهم من الكلام حتى للأفعال و واش يهدرو يديروه صح

السلام عليكم
الحاجة الاولى راني قلت ماشي قاع و طلبت السماح و زيد انا القبايل ماشي غي تاع تيارت بصح قريت في دزاير و كانو صحاباتي قاع قبايليات و هوما يهدو و قالولي سيرتو الرجال ما نامنوش بربي
و بالنسبة لتاع كاين عرب وخارقين الدنيا انا راني على العايلة اما يخرج فرد فيهم هكاك معليش و زيد واحد مسلم و مشهد بعيد على الدين و ربي ماشي هاديه ماشي كيما واحد ما يامنش قاع بربي
و على العموم اسمحووووووووولي و الله غي اهدرت على لسان القبايل اللي نعرفهم

 

[colla]

عندكم نظرية خاطئة حيث ترون ان القبائلي مايتزوج غير قبائلية والعكس

ولكن هذا غير صحيح هناك عرب تزوجوا من قبايليات والعكس

 

[ابتسامة أمل]

السلام عليكم و رحمة الله تعالى و بركاته
طرحتك أخي الكريم موضوع حساس هو اللي يسموه "التعصب القبلي" .....و هو الموجود عند الأمازيغ من قبايل شاوية و بني مزاب.....الشاوية تفتحوا و القبايل نص نص و بني مزاب هم الفئة التي _على حسب علمي _ الى حد الآن لازالت بنفس التفكير.....
كان هدفهم من هذا _للامازيغ ككل_ الحفاظ على العادات و التقاليد و خصوصا اللغة الأمازيغية_ بعد الفتوحات الاسلامية _مع اعتناق الاسلام .....أما الآن فنرى تفتحهم و اندثار بعض التقاليد الا فكرة عدم الاختلاط فالكثيرون متمسكون بها......
صديقتي تقدم لها خاطب في الجامعة و سألها عن رأي أهلها بالموضوع....أول سؤال سألته أمها ....هل هو قبائلي أم لا؟ و بما أنه لم يكن كذلك فالرفض كان فوري ....
أما عن التدين فهم منقسمون بين متمسك بالدين و متحرر.....فكما يقول أبي أن أغلب المشايخ المتميزين و المتمكنين هم من أصل قبائلي و خصوصا منطقة تيزي وزو مثل الشيخ أبو عبد السلام و على ما أظن الشيخ كتو رحمه الله.....

خلاصة الحديث

حديث رسول الله صلى الله عليه و سلم

إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "

و قوله تعالى ...بعد بسم الله الرحمان الرحيم
(يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ)

كل الشكر لكم على الموضوع ....

دمتم....


​

 

[عالي الحمدي]

السلام عليكم و شكرا لك على موضوعك
اولا اخي قبل ان نكون قبائليات او عربيات نحن مسلمات و عن الدي قلت عنه ان زواج القابيليات سهل فانا اخالفك الراي تماما انا شخصيا قبائلية الاصل و اهلي يتدخلون عندما كون هناك احد يريد التقدم لخطبتي و تدخلهم لا يكون من اجل معرفة ادا كان هدا الانسان قبائلي او عربي بل كيف ستعيش ابنتهم مع هدا الانسان هل حياة مريحة ام تعيسة و انا شخصيا لقد تقدم لخطبتي انسان و هو عربي و ادا كتب المكتوب راكم معروضين للعرس و لكن في كل صغيرة و كبيرة تدخلوا اهلي صحيح حنا القابليات كي نجو نتزوجو ندو معانا الجهاز الله يبارك معناها والديها يبعتوها كاملة مكملة من دهب طبعا و البسة و هدو عنيين عن التعريف و حتى لوازم بيتها معناها الراجل دارو تعمرهالو من النهار الاول و ادا راح حاب تخطب عندي صديقتي و عدرا للاطالة.

اهلا وسهلا .. ومرحبا ..

اختي الكريمة مبارك عليك ..

والله ايسرك امورك ...

واما بعد /

فالاخ سفيان راه مكلفني ... شوفي الملاحظات اللي وضعهم ..

اذا صاحبتك زينونة .. ومثقفة ..

رانا نجيو نخطبو بنت الحسب والنسب ..(مانيش عارف سفيان مجهز روحو بالفلوس ؟؟؟والا)).

شكرا لك يعطيك العافية.

 

[السلطانة]

وعليكم السلام

ههه تذكرت سؤالا طرحته لي ذات مرة اخي سفيان هل تتذكره؟

بالنسبة لموضوعك
معظم العائلات القبائلية لايزوجن بناتهن الا من نفس العرق

يجبون الحفاظ على التقاليد

:shiny:
يحياو لقبايل
تقبل مروري
تحياتي ​

 

[ماكانش]

مشكور على اختياركـ لمصطلح الصعوبات ، لان السلبيات كانت رايحة ادير جدل كبير ههههه​

أهلا بيك فاتي
احم لالا نعرف نهدر غير ماتكسروش ريسانكم ههههه

اهنا بدات لحكاية ،، بزااف يا سفيان يقولكـ بلي القبايل يمدو باااااااطل وهذا عيب كبير لأنو العائلة القبائلية تبحث فقط عن الاستقرار لابنتها والهناء والسعادة لا أكثر ولا أقل .. واهم شيء انو البنت اذا خرجت من دار باباها مايلزمش تولي وهذا ماشي معناتو ملو منها ولا سمحو فيها ولكن فقط يحبوها تصون بيتها وتطيع زوجها


يعطيك الصحة على الهدرة الباهية
وشكون يعتقد بلي لقبايل يفرطو في بناتهم ؟؟؟ لالا ولكن المقصود كيما قلتي يحبو لهنا والإستقرار ...

بالنسبة لقلة المهر او المهر الرخيس كما يحب البعض تسميته فانه يخص فقط القبائل ،، يعني اذا تزوجت البنت القبائلية من رجل عربي فان المهر سيكون كباقيها ولن يكون فيه تساهل ههههه

خمم امليح ،، مزال الحال ههههههههه

او هههه
هذي اول مرة نسمعها والله معلومة جديدة
اواه نخمم مليح ...

صح العقلية هاذي كاينة وعطيتكـ مثال عليها مرة ،ن لكن نقولك ونعاود نقولك بلي احنا نمدو للعرب ونجيبو من عندهم فاذا راك ناوي اهلا وسهلا ههههههه

صح هذي كاينة ولكن ماشي كامل
خلاص نعطيك شروطي وشوفيلي اذا عندكم بنات هكذاك ههههههه

عمي عندو 5 اولاد و5 بنات ،، الاولاد 4 جابو قبايليات وواحد جاب عربية وراهي معزة مكرمة والبنات في 5 متزوجات برجال عربيين ... حكاية التطرف والعصبية ماهيش عامة والحمد لله


يعطيك الصحة
صح ماشي كامل عندجهم عقلية التطرف كيما سميتيها ....

انا راني نشوف بلي كثرت ظاهرة الزواج من الصغيرات ماسي القبائليات ههههه

ههههههه
مليح قبايلية صغيرة لنجمع بين الخيرين ههههه
رانا هنا هههههههه ياو نقصر برك ههههه
​

يعطيكـ الصحة سفيان على الموضوع

وجاري البحث عن قبائلية ...:schmoll:

ربي يحفظك فاتي على الرد الباهي

 

[لاجودان شاف]

السلام عليكم
حاب تزوج قبايلية ههههه ..قيل ذرك تنامها
انا لي نعرفو القبايليات مايقبلوش بالشاوي
صلحت غير مع لطفي البوم وفوزي
شوف مافيها لا قبايلية لا شاوية لا مزابية لا تركية لاهندية
ماتعفر الخير وين راهو
.
.
.
.
لازوجت قبايلة هاو وجهي ههه​

 

[ماكانش]

لي عودة للرد عليكم جميعا

 

[randa serine]

اهلا وسهلا .. ومرحبا ..

اختي الكريمة مبارك عليك ..

والله ايسرك امورك ...

واما بعد /

فالاخ سفيان راه مكلفني ... شوفي الملاحظات اللي وضعهم ..

اذا صاحبتك زينونة .. ومثقفة ..

رانا نجيو نخطبو بنت الحسب والنسب ..(مانيش عارف سفيان مجهز روحو بالفلوس ؟؟؟والا)).

شكرا لك يعطيك العافية.

salam 3likoum khoya atamana an tkoun f tamam el saha w el 3afia w allah ysalmak 3okbalak w l akhi sofaine w ama fima yakhos sadikti man nahiyat el zin zina w man nahiyat el 3kala 3akla w matrabiya w bant famillya w rzina ya3ni machaa allah w yasa3do khoya sofaine ida sahatlo w el mohim ida rakoum kablin wajdo rohkoum w arwaho marhaba bikom ida el arad machalatkoumch nahatokom fok risana.