موائــــد العــرضات والضيــافات **لبنات اللمة **

[la_safa]

يعطيــــــــكم الصحة يآ لبنـــآتـ
الحــآلة هنـــآ تجوع أكيــد هههـ
ديمــــــــآآآآآ متألقة عفوفة .. /

​

 

[كوثر الوهرانية]

مشاء الله اختي مريم كل طابلة تقول لختها لزي
ان شاء الله تجي لوهران و نتلاقوا اختي مريم مرحبا بيك في داري غير كي تجي علميني باش نلاقيك اهلا ةسهلا بكي و بكل حباباتي تاع اللمة على الراس و العين

 

[narjes81]

ماشاء الله عليكم طابلة لي تقول ختها لزي فريدة ومريم من صابني في وسطكم

 

[حاملـة المسك]

قعدات هايلين مريم..الله يدوم عليك لمة الاحباب​

 

[anissa 13]

موضوع هايل
انشاءالله مين يجوني ضياف
راني نصورلكم الحطة نتاعي
بصح ماتضحكوش عليا !
مشكلتي هي اني ماعنديش ماعين اي اواني
شابين ونتاع قيمة
لاني عندي شهرين فقط ملي دخلت لداري
بعد زواجي كنت نسكن عند ختني
لهذا راني عاد نعمر في داري
كملت مع الصالون ودرك راني لاتية بالمطبخ
الله يبارك راني نشوف ف les services تاعكم وحطاتكم هايلين
شكرا جزيلا لصاحبة الموضوع
​

 

[عفاف الجزائرية]

مرحبا بيك اختي انيسة معانا
ان شالله درجة درجة تتعمر دارك وتولي بضايفك وتصوريلنا حطتك والله يبارك
ننتظروك
​

 

[أم نيفين]

بارك الله فيكم ...ما شاء الله موائد قمة فالروعة .... سخفتوني أنا استناوني كي ندير داري بإذن الله تشوفو موائدي
يعطيكم الصحة و ربي يدوم لمتنا

 

[l'algeroise]

لبنات يعطيكم الصحة عجبني الموضوع وحبيت نشاركم بموائدي تاع العرضات الا تشفاو عليهم راني جبدتهم مالأرشيف
هادي كي عرضت لوستي و بناتها جاو من فرنسا

 

[ام منصف]

مائدة وعليها الكلام
يعطيك الصحة اختي
​

 

[narjes81]

ماعندي مانقول يعطيك الصحة اختي لالجيرواز

 

[imane27]

يعطيك الصحة الجلرواز مائدة بطبع

 

[oumniati]

الله يبارك الجيرواز، عرضة عالكيف ، :showoff::showoff:


روز كون تجي تمديلنا طريقة تزيين الكيسان، نطبقوها في العيد فيها فيها عرضة

 

[cherine]

سلام عليكم


ماشاءالله عليكم عرضات وعليها الكلام

عجبني الموضوع وعجبتني الموائد تاعكم قلت انا تاني نشارككم :shay:


اليووم درت لعشا لصحاب راجلي وهنا ماياكلووش على الطوابل لازم السفرة ياكلو في لرض :cra_zy:



القهوة مادرتش القاطو ماقدنيش الوقت قالي غير البارح واليوم جاو تعشاو وصورت لكم :shiny:

وهنا العشا نوريلكم بالحاجة ماعليش صبرو معايا :sadwalk: تليفوني مايصورش غايا مي قلت نوري لخواتاتي :shay:

شوربة

دجاج هو لي جابه وانا زدتله الفريت

جلبان

المسفوف بالزبيب و طاجين الحلو البرقوق

سلاطة مع الفاكهة واللبن

كوكا درتهم اموونتي مشكوورة قلبي وخرجولي غايا ماتحلووش الحمدلله

صدور دجاج محشية بالجبن تاع االاخت ندى ودرتلهم لاصوص مشكورة قلبي

وهدي صورة جماعية :shiny:

[/URL][/IMG]



ان شاءالله ماطولتش عليكم :shay:​

 

[nada242008]

شرين الله يبارك وما شاء الله عليك
طريقة التقديم هايلة والاطباق ماعندي مانقول
كيفاه قدرتي تطيبي هذا كل ؟ هههههه
تسلم الايادي وربي يكملك على خير في حملك ويرزقك بالذرية الصالحة

 

[Djazaire-El-Ghalia]

هايلة هايلة هايلة السفرة ديالك أختي إن شاء الله ما تكونيش تعبتي بزّاف تقبّلي مروري

 

[cherine]

شرين الله يبارك وما شاء الله عليك
طريقة التقديم هايلة والاطباق ماعندي مانقول
كيفاه قدرتي تطيبي هذا كل ؟ هههههه
تسلم الايادي وربي يكملك على خير في حملك ويرزقك بالذرية الصالحة

ربي يبارك فيك قلبي
اووهو جريت جري حسيبة بوالمرقة وماتلحقنيش هههههه

نعطيك التقرير :shay::shiny:

لا شوفي والله نقوولك الصح جا مالخدمة فالليل قالي
صحابي جايين يتعشاو غدوة :scared:قلت روطاردي شوي قال
قلتلهم ونتوم راكم تعرفو الرجال بلامانهضر:cra_zy:

ضربت طلة فالفريجيدار وخرجنا فالليل شرينا لي خاصني

وغير وصلت والله 12 تاع الليل درت flon والمسفوف

وجدته ودرت الطاجين الحلو وغليت البيض و رقدت

صدور الدجاج
حطيتهم فالتتبيلة باتو فيها ووجدت الفيونداشي

درتله قوامه قاع ووجدت la farce تاع لي كوكا

رقدت على 5 تاع الصباح :scared:

والبارح غير نضت ضربتها بتسييقة شابة وبديت فالشووربة ودرت لي كوكا

وبقاتلي العجينة درت حبات ميني بيتزا ووجدت الفيونداشي

درته حربووش كبير عمرته بالبيض وبلعته بالالمنيووم ودرته فالفوور

وكملت الباقي غير جاو لقاو القهوة واجدة شربو وانا كنت نسخن فالاكل ونحط فالصالة حتى لي كملت

وبيني وبينك والله عييت بزاف كملت على 4 تاع الصباح وظهري صاي راه مقسووم:shiny:
والحمدلله على كل حال

آمين يارب العالمين ربي يسلمك وانتي تاني ربي يسلكك على خير ويرزقك بالدرية الصالحة
آمين يارب العالمين ​

 

[cherine]

هايلة هايلة هايلة السفرة ديالك أختي إن شاء الله ما تكونيش تعبتي بزّاف تقبّلي مروري

نتي لي هايلة حنونتي
التعب فيها فيها والله راني عياانة بزااف مي الحمدلله تريحي مورالمو كي تقومي بضيافك وتحمري وجهك والحمدلله على كل حال :shay::shiny:​

 

[nada242008]

ربي يبارك فيك قلبي

اووهو جريت جري حسيبة بوالمرقة وماتلحقنيش هههههه​

نعطيك التقرير :shay::shiny:​

لا شوفي والله نقوولك الصح جا مالخدمة فالليل قالي
صحابي جايين يتعشاو غدوة :scared:قلت روطاردي شوي قال
قلتلهم ونتوم راكم تعرفو الرجال بلامانهضر:cra_zy:​

ضربت طلة فالفريجيدار وخرجنا فالليل شرينا لي خاصني ​

وغير وصلت والله 12 تاع الليل درت flon والمسفوف ​

وجدته ودرت الطاجين الحلو وغليت البيض و رقدت ​

صدور الدجاج
حطيتهم فالتتبيلة باتو فيها ووجدت الفيونداشي​

درتله قوامه قاع ووجدت la farce تاع لي كوكا ​

رقدت على 5 تاع الصباح :scared:​

والبارح غير نضت ضربتها بتسييقة شابة وبديت فالشووربة ودرت لي كوكا ​

وبقاتلي العجينة درت حبات ميني بيتزا ووجدت الفيونداشي​

درته حربووش كبير عمرته بالبيض وبلعته بالالمنيووم ودرته فالفوور ​

وكملت الباقي غير جاو لقاو القهوة واجدة شربو وانا كنت نسخن فالاكل ونحط فالصالة حتى لي كملت ​

وبيني وبينك والله عييت بزاف كملت على 4 تاع الصباح وظهري صاي راه مقسووم:shiny:
والحمدلله على كل حال ​

آمين يارب العالمين ربي يسلمك وانتي تاني ربي يسلكك على خير ويرزقك بالدرية الصالحة

آمين يارب العالمين ​

شفتي الحيرةكل كي تجي تخيري الاطباق ومن بعد تعرفي واش هي اللوازم وتقسمي وقتك في توجادها
يعطيك الصحة والله من الفلون للطبق الرئيسي للمعجنات ماخليتي والو يالحرة
وكيما قلتي كي تحمري وجهك قدام ضيافك تنساي التعب هذيك الدقيقة
سايسي روحك وتهلاي في صحتك راكي في الاشهر الاولى وربي يعطيك كل خير

 

[wziane]

ظما شاء الله

 

[imane27]

يعطيك الصحة شرين عرضة وعليها لكلام وراكي شاطرة ولحقتي درتي هاد الشيئ