السلام عليكم ان شاء الله تكونو أنتيك كامل اليوم راني حابة نهدر على الانترننت في بلادنا والله كارثة بززززززززززززززاف تلقى عائلة على جال الانترنت خاوة بيناتهم مايتفاهموش وووو....................
انا الحاجة اللي اكتشفتها هي الادمان عند الفتيات والشباب بكثرة وخلاو قرايتهم
نتكلم وبكل صراحة علاش في وقتنا هادا نصيبو الفتاة تدمن على الانترنت في أوقات متأخرة من الليل ألا توجد رقابة عند أهلها ام تعدت قوانين الحياة ؟واصبحت حرة
انا والله نحييييييييييييييييييير صراحة طبعا ليس كل الفتيات بصح ربي يهدي شبابنا واولادنا
والسلام عليكم
أهلا بيك وفاء الإنترنت صعيبة للولد وللبنت في سن معينة وأنا رايي أن الأنترنت ماتدخلهاش الطفلة في الليل وماتدخلهاش بكرثة هذي من جيهة من جيهة اخرى الميكرو مالازمش يكون في غرفة مغلقة لازم يكون وسط المنزل ومكشوف للجميع هكذا باش يكون الأمان اكثر ...
أغلب حالات الادمان تكون اما بسبة الشات ولا الافلام الخليعه والعياذ بالله يعني فالحالتين كارثه
وكيما قال العضو اللي قبلي الميكرو لازم يكون فوسط المنزل
شكرا على الموضوع
اولوكان يشفوني على 12 نتع الليل ومزال شاعل اي متفضش الهدرة عليا مع اني راني في 24 سنة وظهرتلي عديت المرحلة نتع تربية وتوعية
بصح والديا هذي هي العقلية وعندهم حق لازم
شكرا وعليكم السلام
والله بروبلام بصح واش نديرو هدي حالة ليزالجريان مشفناش حتى نشبعو من النت مازلنا مخلوعين كاين ولد يبات مبلاصي مع الميكرو والبنت تلقايها دور برا بزاف عليه
ربي يهدي عبادوا هي الانترنت مالزمش تطول عندها الى كثرت 3 ساعات في اليوم بالنسبة ليا تاني احنا مدايرين ميكرونا في صحن البيت هكدا مليحة شكرااا على الموضوع
والله النت في كل مكان ما كاين حتى دار مافيها جهاز dsl
لاب توب أو كمبيوتر مكتبي وأي بود وآي فون وبلاك بيري والجوالات كلها تقريباً واكثر شيء البلاك بيري وبرنامج الويتس أب
تصدقي أن أخي قبل آمس آكل من مطعم نحبوه بزآف وكي جلسنا ناكلو ما اكلناش إلا بعد ما برد الآكل كل واحد مسك الجوال ديالو وعلى الويتس أب أو النت أو البلاك بيري نأكلوا لقمة وبعد عشر دقائق اللقمة الثانية
ولكن بشكل عام أنا أثق في اخواتي ويقعدوا على الابتوب الليل والصباح وفي أي وقت عاااادي ماشي مشكيل
و الله رنا نعانو من مشكل الادمان على النت و بالاخص الوالدين الى يخلو اولادهم وهم في سن المراهقة و يتجول في النت و بدون مراقبة هم يعتبر المراقبة من التخلف و لكنهم غالطيين بزاف لان الوالد و هم في هدا السن ممكن يستعمل النت في الايجابيات و ممكن يدخل في الامور القبيحة و لهدا لازم المراقبة و تخصيص و قت معين لدخول النت
الحمدلله بالنسبة لينا حنا ممنوع منعا باتا نقعد مور 8 تاع الليل بنات وولاد
بصح بنت خالتي راهي ما تكونيكتيش مع الصباح خلاااااااص تكونيكتي غير فيالليل كون غير جا على 8 راهي على 12 حتى ل 3تاع الصباح ,,
يعني والله مرض انا نكونيكتي مع الصباح وعينيو ما رحمونيش يعني مراض دايما
هوما كيفاه يقدر و ؟؟؟
شكرااااا عل الطرح
شحال كنا نتفاتنو على لانترنات انا و خويا كنا كى القط و الفار بصح كان هو ينبش فيا و يعسنى و يحاسبنى على السوايع و انا نتقلق لانى ما نحاسبوش و هو يحاسبنى يعنى نعطيلو من سوايعى و هو يظل مورايا يستنى وينتا نكمل هههههههههههه .. بصح دوك ماناش نتفاتنو و السبب انو ماما مره رمات لونيتى سونترال من التاقه بسبب خلافنا انا و خويا و على جال واش ؟ على جال وجه النحس هادا لانتارنات هههههههه شكرا على الموضوع فكرتيني فى يمات زمان lol
