خدمتهم المنشار و التعليق فالعرس

B

bachboucha

:: عضو مُتميز ::
أحباب اللمة
السلام عليكم يا اهل اللمة اليوم اول مرة نشارك بموضوع في هاد القسم
راهو باين من الموضوع و العنوان بلي يحكي على العوج
ايا سيدى نبدا نحكي تبعوني مليح قلبي راهو داهش ...
- يا خاوتي انا عرست ف جوان اللي فات و الهدرة اللي لحقت و سمعتها اكتر من الناس اللي باركتلي المهم انا درت روحي نسيت mais حبيت نتناقش معاكم
1/ * درت العرس ف Une salle فولاية Batna اسمها Phenixe كريتها ب 30 مليون لليلة اي la famille كامل يعلقو يقولو خسارة الدراهم الفواخة الزواخة راهي بغات تبان بالسيف ايا و انا نتصدر مرت عمي قالتلى تروحي و تروحي مطلقة Pask مابغيتيش ولدي ..... هادي اللولة الناس علاه تحسد و تتبلى انا ربي عطاني واش دخلهم
2/ * ياربي التعليق فالوجة انت تمشي الناس من راسك لرجليك راهي تكيل ماكانش حتى كلمة Allah ybarek .... العين ربي و النبي هدروا عليها غير يقولو الله يبارك و لا خموس مكانش
3/ *لحقت للرسمي انت تعرض واحد يجيب معاه 2 ولا 3 مايحشمش بوجه صحيح و باخس و علابالهم ف la salle لماكلة بلحساب و انا تفاهمت معاهم 400 repas والله العظيم خلصت 300 الف لل repas الواحدة و كي حسبوا المعروضات و المعروضين فاتو 550 واحد تسمى واحد 150 واحد ماتعشاوش ماكفاتش الماكلة علاه خاطر الناس تجي بلا عرضة و يزيدوا يعلقوا يقولو الزواخة ماعشاتش حتى الناس روحو بلا عشا .... علاه تجيو بلا عرضة ... !!!!!!!
4/ * الهدرة الزايدة اللي حيرتني بكرى النساء هوما اللي spécialité تمنشير اييييه يا الزمان الرجال حتى هما بداو يعلقو البربوشة مسوسة الشربة باردة الزيادة مكانش يا لطيف با ربي مايقرش الخير فيهم وكلهم وشربهم و زيد زهيهم يروحو يبداو يقطعو ... كي الرجال كي النساء ...
ملاحظة​
سامحوني طولت مي هكدا trop علاه مازلنا شعب جاهل ندخلو فالكبيرة و الصغيرة !!!
 
وعليكِ السلام ورحمة الله
أولا أختي نباركلك على العرس، بارك الله لكما وعليكما وفيكما ورزقكما من فضله
ثانيا أختي شعبنا للأسف فيه غير الفم، لو مهما عملتي مش رح يرضاو وتبقى إرضاء النَّاس غاية لا تُدرك. والله أختي لو تسربيلهم الماكلة في أواني من ذهب رح يجدو عيب يتكلمو فيه.
ثالثا اسمحيلي أختي عندي بعض الملاحظات ونتمنى لو تتقبليها من أختك بصدر رحب:
* 30 مليون للصالة علاه؟؟؟ يعني أختي 30 مليون كان ممكن يفتحو عليك أبواب أخرى كبيرة، كان ممكن تجهزي بيها بيتك أحسن من أنك تصرفيها في أمور أنا أراها كماليات ومنبعد مثل ما تفضلتي الناس رح تتكلم ومش رح ترضى.
أنا هنا لا أقصدكِ بالكلام ولكن هناك أمور أنتشرت في أعراسنا والله أراها لا معنى لها، يعني شاب وشابة رح يتزوجو تلقايه (ها) يصرفو صرف العار على تكاليف العرس وعلى ما يُسمى التصديرة وفي نفس الوقت ما عندوش بيت إما يكون كاري أو ساكن مع بيت أهلو، وحتى إن توفر البيت تلقايه تنقصو ألف حاجة وحاجة، يعني علاه هذا الكل؟؟؟؟
هذا تبذير ومنكر كبير، أصلا في ديننا العرس يكون بوليمة بسيطة ليُشهر بها الزواج وكفى، علاه نكلفو أنفسنا أكثر مما نُطيق وفي الأخير تخرج النَّاس وتعايرنا ما علمتوش وما درتوش ووو
والله هذه كلها مظاهر، يوجد ناس تزوجت وكلَّفت نفسها أكثر مما تُطيق والمسكين الزوج يبقى لسنوات وهو يسلك في الدين لي عليه، علاه عليك يا أخي كل هذا؟؟؟
النبِّي -صلى الله عليه وسلم- يقول: (خير النكاح أيسره)، ونحن للأسف نعمل بعكس هذا الحديث لهذا انتُزعت البركة من أغلب البيوت والله المستعان
والله هذه كلها مظاهر خداعة ولا أصل لها في الشرع.
الحمد لله في عائلتنا مازال يزوجو البنت بدون شرط ولا مهر، يقولك بنت احسان، ديها واحسن ليها. ومازالت الأعراس تُقام في البيوت دون اللجوء للصالات. وليقولو عنَّا متخلفين.
ياريت لو كل شاب يفكر يعمل بيت أحسن من أنو يصرف على عرسو الملاين ولو كل بنت تفكر تجهز البيت أحسن من أن تعمل فساتين بـ: 40 أو 50 مليون. وهكذا يتفاهمو، هو عليه البيت وهي عليها الأثاث رح يعيشو في خير وسلام بإذن الله.
ملاحظة: أختي الكلام مش عليك، ولكن الكلام عمومًا لأن ما حدث معكِ أصبح متكرر كثيرًا في المجتمع. والواحد قلبو مليان مثل ما يُقال. واسمحيلي إذا خرجت عن نطاق الموضوع.
ربي يرزق الجميع من فضله وربي يهنيك مع زوجك ويرزقك الذرية الصالحة.
​
 
آخر تعديل:
سلام
اولا مبروك عليك العرس
قالك ارضاء الناس غاية لاتدرك
نحكيلك حكاية على واحد دار عرس (نكتة)
قالك واحد رايح عرس وخايف من هدرة الناس ايا ذبح 20 خروف باش الناس متقولش بلي فلان دارنا عشاء ماهوش مريقل ،المهم ياسيدي دارلهم المشوي والمقلي والديسار المخير ،كلات الناس وكملت ،ايا خرج واحد من المعاريض ينقي في سنيه من اللحم ،تلاقى واحد قالو يافلان وين كنت قالو كنت نتعشى عند فلان ونبعد واش قالو ياسيدي غير حب يخسر ويشقي روحو لوكان غير دارنا حاجة خفيفة وفرات .
المغزى منها الناس تهدر مهما كان الحال سواء بالكثير ولا بالقليل .
بالعامية (ياكلو الغلة ويسبو الملة )
كبر بالك خويا وخلاص .
بارك الله فيك
الله يكون في عونك.
​
 
آخر تعديل:
كلشي مبروك ولعقوبة للذرية الصالحة
خاطيني مواضيع النسا والتعلاق هذا
برك حاجة كي قلتي الرجال ثاني ولاو كي النسا يعلقو هذي صح رخسو
انا ساعات نفكر ماندير لاعرس لاوالو عشا خفيف للحباب والسلام ...​
 
مبروك عليك اختي
الله غالب الناس تعلق على كل شي لي دار العرس ماخلاوه ولي مادارش ماخلاوه ​
 
زواج مبروك و عقبال للذرية الصالحة انشاء الله و الهنا و السعادة يا رب
 
قال إنسانة ما:
وعليكِ السلام ورحمة الله
أولا أختي نباركلك على العرس، بارك الله لكما وعليكما وفيكما ورزقكما من فضله
ثانيا أختي شعبنا للأسف فيه غير الفم، لو مهما عملتي مش رح يرضاو وتبقى إرضاء النَّاس غاية لا تُدرك. والله أختي لو تسربيلهم الماكلة في أواني من ذهب رح يجدو عيب يتكلمو فيه.
ثالثا اسمحيلي أختي عندي بعض الملاحظات ونتمنى لو تتقبليها من أختك بصدر رحب:
* 30 مليون للصالة علاه؟؟؟ يعني أختي 30 مليون كان ممكن يفتحو عليك أبواب أخرى كبيرة، كان ممكن تجهزي بيها بيتك أحسن من أنك تصرفيها في أمور أنا أراها كماليات ومنبعد مثل ما تفضلتي الناس رح تتكلم ومش رح ترضى.
أنا هنا لا أقصدكِ بالكلام ولكن هناك أمور أنتشرت في أعراسنا والله أراها لا معنى لها، يعني شاب وشابة رح يتزوجو تلقايه (ها) يصرفو صرف العار على تكاليف العرس وعلى ما يُسمى التصديرة وفي نفس الوقت ما عندوش بيت إما يكون كاري أو ساكن مع بيت أهلو، وحتى إن توفر البيت تلقايه تنقصو ألف حاجة وحاجة، يعني علاه هذا الكل؟؟؟؟
هذا تبذير ومنكر كبير، أصلا في ديننا العرس يكون بوليمة بسيطة ليُشهر بها الزواج وكفى، علاه نكلفو أنفسنا أكثر مما نُطيق وفي الأخير تخرج النَّاس وتعايرنا ما علمتوش وما درتوش ووو
والله هذه كلها مظاهر، يوجد ناس تزوجت وكلَّفت نفسها أكثر مما تُطيق والمسكين الزوج يبقى لسنوات وهو يسلك في الدين لي عليه، علاه عليك يا أخي كل هذا؟؟؟
النبِّي -صلى الله عليه وسلم- يقول: (خير النكاح أيسره)، ونحن للأسف نعمل بعكس هذا الحديث لهذا انتُزعت البركة من أغلب البيوت والله المستعان
والله هذه كلها مظاهر خداعة ولا أصل لها في الشرع.
الحمد لله في عائلتنا مازال يزوجو البنت بدون شرط ولا مهر، يقولك بنت احسان، ديها واحسن ليها. ومازالت الأعراس تُقام في البيوت دون اللجوء للصالات. وليقولو عنَّا متخلفين.
ياريت لو كل شاب يفكر يعمل بيت أحسن من أنو يصرف على عرسو الملاين ولو كل بنت تفكر تجهز البيت أحسن من أن تعمل فساتين بـ: 40 أو 50 مليون. وهكذا يتفاهمو، هو عليه البيت وهي عليها الأثاث رح يعيشو في خير وسلام بإذن الله.
ملاحظة: أختي الكلام مش عليك، ولكن الكلام عمومًا لأن ما حدث معكِ أصبح متكرر كثيرًا في المجتمع. والواحد قلبو مليان مثل ما يُقال. واسمحيلي إذا خرجت عن نطاق الموضوع.
ربي يرزق الجميع من فضله وربي يهنيك مع زوجك ويرزقك الذرية الصالحة.
​
إضغط للتوسيع...

الحقيقة حبيبتى اني انا كنت رافضة حكاية la salle مي mon papa قالي ماش رايك و قالي باه مايحقركش الراجل ويقول وراها رجالة ...
 
مبروك عليك
عندك حق الله غالب شعبنا هدار واش ديري​
 
قال bachboucha:
الحقيقة حبيبتى اني انا كنت رافضة حكاية la salle مي mon papa قالي ماش رايك و قالي باه مايحقركش الراجل ويقول وراها رجالة ...
إضغط للتوسيع...

الله يحفظلك والدك أختي ويديمه تاج فوق راسك دايما
يعني لي دير عرسها في بيت أهلها والا في صالة يكون سعرها معقول والا تعمل عرس بسيط يحـgـرها زوجها ويقول ما وراهاش رجال؟؟؟
والمسكينة لي حالهم على قدهم وش تعمل؟؟؟
المهم اختي ربي يهنيك ويباركلك في زوجك ويبارك له فيكِ ويرزقكما الذرية الصالحة


​
 
المهم انتي راكي في دار راجلك مهنية اما
الهدرة كاينة اتسما الواحد مايوجعش قلبو خليهم يهدرو براحتهم وماديريش لكل واحد خاتم على قد صبعو باش ترضيهم

ربي يهنيك​
 
قال إنسانة ما:

الله يحفظلك والدك أختي ويديمه تاج فوق راسك دايما
يعني لي دير عرسها في بيت أهلها والا في صالة يكون سعرها معقول والا تعمل عرس بسيط يحـgـرها زوجها ويقول ما وراهاش رجال؟؟؟
والمسكينة لي حالهم على قدهم وش تعمل؟؟؟
المهم اختي ربي يهنيك ويباركلك في زوجك ويبارك له فيكِ ويرزقكما الذرية الصالحة


​
إضغط للتوسيع...

ربي يخليك على الهدرة الزينة

+

تقييم:sheer::sheer:​
 
سلام خيتو الف الف مبروك ربي يهنيك لعقوبة للذرية الصالحة انشاء الله
ايه الناس هاذوا والله مايحشموا ربي يهديهم هدا ماكان انشاء الله
 
وعليكم السلام
قريت الموضوع باه تولهت مع مولاتو :sheer:
بشبوشة الغالية
صحيتي على الموضوع
وي يقولك ارضاء الناس غاية لاتدرك
تخسري دم فؤادك وميقولوهاش فيك تصلح
راكي خسرتي دراهم بزاف وفي الاخير مسلمتيش من كلامهم هادوهم لعرب

راه مليح لي يانيلي العرس خير
يحتفل بينو وبين زوجتو وعايلتو والدراهم لي يكسرهم على الناس لي رايحين يعلقو في الاخير يخبيهم ليه احسن

تقبلي مروري والله يهنيك انتي وزوجك
:re_gards:

​
 
توقيع السلطانة
ربي يهنيك و انساي و سامحي
لا تنسي ان ارضاء الناس غاية لا تدرك
 
rabi yhanik khti whadhi hiya nas triiiiiiiiiiiiiiiir surttou lbnat emala dima twak3i licomnter zayda mi gloubhom ldakhel tahrag.rabi yostor 3lik hadha maken.hiya mliha sotra mn jiha
 
اختي الكريم اول شي مبروك عليك العرس تتهناي في حياتك الزوجية
يا اختي نقلك حاجة كون الواحد يجبد واش يعمل في العراس متفراش راهي مكانش حاجة ميعلقوش عليه عباد مرضت بالحسد والطبايع الفاسدة
تصوري في عرس اختي بعد العيد الغداء طيبت لينا طباخة يعني كلش منضم كلش مريقل ومحسوب لاحاجة
مثلا اللحم كل صحن وحساب الي راح يتغداوانا نحسب والطباخة تحط ندي الكسكس فيه اللحمواش يديرو انا نروح يهزو اللحم ياكلوه ولا لخبوه ومن بعد يقلولك مكانش سهمي واش ديري تكذبيهم :sadwalk::sadwalk::sadwalk: والله غير فرشة
جات البياس مونتي في الحنة كي شافوها ماقلوش الله يبارك قالو راهي كبيرة لازم ناكلو وندو كامل سهومنا والبارتي كبير صدقيني مرضى
وحتى الرجال بعضهم ولى كي النساء يحكيو على كلش وياكلو بعنيهم
العرب تاوعنا مايملاش عينهم غير التراب حشاكم
 
كل شيء مبروك اختي ربي يهنيك في حياتك
الناس ما يقرش فيهم الخير خاصة في الاعراس كيما دار العبد ما يسلكش
انا الي محيرتني فكرة لاصال هذي ب 30 مليون وقتنا صعيب التاع الصح





 
ربي يباركلك في زواجك اختي وعقبال الذرية الصالحة ان شاء الله

ومكان لاه تعمري راسك بهدرتهم

يقولك المثل من راقب الناس مات هما

امالا خليهم يموتو بغيرتهم وقد ما ديري معاهم خير ولا شر يهدرو يهدرو

امالا ايvيتيهم وصاي

تربحي راحة البال

وربي يدوم هناك ان شاء الله
​
 
إرضاء الناس غاية لا تدرك
ana tani fi 3erss 5ali l'3am li fett 3radna jma3a 3la l'3cha imagini jaw m3a wa9t l'ghda w arwa7i ntia w ghadihom psq kolech ble7sseb w zid t9ahwaw w l'gato kifeh w l'3cha bla ma nahdar yjou yaklou w yochorbou w tmanchir tjr 7ata l'ambiance te3 l'far7 ma 3adch ihhhhhhhhhhhh
 
السلام عليكم
مبروك عليك ختيتو الزواج
ربي يهنيك و يرزقك الذرية الصالحة...
ارضاء الناس غاية لا تدرك...الناس تهدر تهدر ... و الله يا اختي عرس ختي جاز عليك قريب عام و شي ناس مازالهم ياكلو في رواحهم ...وعلاش فلان ما عرضنيش؟ واقيل دار الدراهم و ما ولاش يحسب الغاشي؟ و حنا كاين ناس باينة بلاصتهم بلا ما نعرضوهم و كاين اللي ما لحقتهمش l'invitation
وعلاش مدها لفلان وليدي خير؟؟.... ربي يهديهم..
.... واش تقولي الناس تهدر option عندهم....
المهم راكي مهنية في داركم و خطيك من هدرة الغاشي...

تحياتي ليكي ختيتو...

​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom