خدمتهم المنشار و التعليق فالعرس

[H@teM]

السلام عليكم
صح مش من حقهم يهدروا
بصح عندي اعتراض في الماكلة
برك الصالة وتكرت بشي الفولاني تجي في الماكلة
ومديريش حسابك ؟؟؟
سامحيني شفتي ها المصاريف كامل
وجا عرس مكان مكان
​

 

[algiroise]

مبروووك عليك اختي...
ههههههههههه وعندك الصح في موضوع كيما النسا كيما الرجال يمنشروا
ونساو بلي التمنشير او الغيبة كاكل لحم اخيك ميتا....
المهم كيما قالوا الخاوة ارضاء الناس غاية لاتدرك ...
وفي الاخير متزعفيش قاع روحك قاع لعراس كيما هاكا...والمهم انتي تزوجتي كونترا على قاع اللي ماشي باغيين ..
حاجة وحدخرا معلبالكيش بيها وشوفي حياتك الجديدة ...وان شاء الله ياربي دايما السعادة ف الفوتور نتاعك..
​

 

[أموليتا]

مبروك عليك العرس اختي الكريمة العقوبة للذرية الصالحة ان شاء الله
ماديري والو في بالك و ماتعمريش راسك بكلامهم هوما هادرين هادرين يالوكان ديري ماديري
توكليهم و تشبعيهم يهدرو فيك ماتوكليهمش يهدرو فيك كي ديري معاهم ماتسلكيش
اما بالنسبة للتمنشير و التعليقات راهي في كل انحاء الجزائر من نساها و رجالها
الله يهديهم برك ..

 

[nihade.off]

السلام عليكم يا اهل اللمة اليوم اول مرة نشارك بموضوع في هاد القسم
راهو باين من الموضوع و العنوان بلي يحكي على العوج
ايا سيدى نبدا نحكي تبعوني مليح قلبي راهو داهش ...
- يا خاوتي انا عرست ف جوان اللي فات و الهدرة اللي لحقت و سمعتها اكتر من الناس اللي باركتلي المهم انا درت روحي نسيت mais حبيت نتناقش معاكم
1/ * درت العرس ف Une salle فولاية Batna اسمها Phenixe كريتها ب 30 مليون لليلة اي la famille كامل يعلقو يقولو خسارة الدراهم الفواخة الزواخة راهي بغات تبان بالسيف ايا و انا نتصدر مرت عمي قالتلى تروحي و تروحي مطلقة Pask مابغيتيش ولدي ..... هادي اللولة الناس علاه تحسد و تتبلى انا ربي عطاني واش دخلهم
2/ * ياربي التعليق فالوجة انت تمشي الناس من راسك لرجليك راهي تكيل ماكانش حتى كلمة Allah ybarek .... العين ربي و النبي هدروا عليها غير يقولو الله يبارك و لا خموس مكانش
3/ *لحقت للرسمي انت تعرض واحد يجيب معاه 2 ولا 3 مايحشمش بوجه صحيح و باخس و علابالهم ف la salle لماكلة بلحساب و انا تفاهمت معاهم 400 repas والله العظيم خلصت 300 الف لل repas الواحدة و كي حسبوا المعروضات و المعروضين فاتو 550 واحد تسمى واحد 150 واحد ماتعشاوش ماكفاتش الماكلة علاه خاطر الناس تجي بلا عرضة و يزيدوا يعلقوا يقولو الزواخة ماعشاتش حتى الناس روحو بلا عشا .... علاه تجيو بلا عرضة ... !!!!!!!
4/ * الهدرة الزايدة اللي حيرتني بكرى النساء هوما اللي spécialité تمنشير اييييه يا الزمان الرجال حتى هما بداو يعلقو البربوشة مسوسة الشربة باردة الزيادة مكانش يا لطيف با ربي مايقرش الخير فيهم وكلهم وشربهم و زيد زهيهم يروحو يبداو يقطعو ... كي الرجال كي النساء ...

ملاحظة​

سامحوني طولت مي هكدا trop علاه مازلنا شعب جاهل ندخلو فالكبيرة و الصغيرة !!!

اولا مبروك عليك ربي يحفظك و يوفقك
ثانيا انا ساعات نحس الناس كي تجي للعرس تجي تاكل و تشبع علاه هذا فرح ماشي تويزة
اما هذيك مرت عمك ربي يهديها راهي قلقتني بلا ما نعرفها ههه
و على فكرة la salle انا من المؤيدين و نتمنى نتتشر في بلادنا بصح حنا نحبو الميزيرية ....هي صح غالية شويا مي الانسان يشري راحتو الدار كيفاه تتعفس بعد العرس لازملك شهر باه ترجعيها كيما كانت ....

 

[nihade.off]

اختي الكريم اول شي مبروك عليك العرس تتهناي في حياتك الزوجية
يا اختي نقلك حاجة كون الواحد يجبد واش يعمل في العراس متفراش راهي مكانش حاجة ميعلقوش عليه عباد مرضت بالحسد والطبايع الفاسدة
تصوري في عرس اختي بعد العيد الغداء طيبت لينا طباخة يعني كلش منضم كلش مريقل ومحسوب لاحاجة
مثلا اللحم كل صحن وحساب الي راح يتغداوانا نحسب والطباخة تحط ندي الكسكس فيه اللحمواش يديرو انا نروح يهزو اللحم ياكلوه ولا لخبوه ومن بعد يقلولك مكانش سهمي واش ديري تكذبيهم :sadwalk::sadwalk::sadwalk: والله غير فرشة
جات البياس مونتي في الحنة كي شافوها ماقلوش الله يبارك قالو راهي كبيرة لازم ناكلو وندو كامل سهومنا والبارتي كبير صدقيني مرضى
وحتى الرجال بعضهم ولى كي النساء يحكيو على كلش وياكلو بعنيهم
العرب تاوعنا مايملاش عينهم غير التراب حشاكم

اووووه حسبت هاذو العفايس غير عندنا

 

[ĉ'ëşt ćõmpĻïqǔé]

مبرووووووووووك اختي العزيزة
الفايدة فالهناء
كي تتهني نتي ومولا بيتك ميهمكش فالناس
حافظي على دارك وعيشي واقفلي ودنيك
شكرا لك على الموضوع

 

[manel@]

سلام حنونتي
مبروك عليك العرس
أنا قلك حاجة النسا هذي هي خدمتهم والغير ة تهدر وهذي نقولولها غير زجعة
حبوا يقنطوك ويفسدوا عليك فرحتك والي راها توصلك في الكلام راها منهم تاني
أنا نقلك خليك منهم وديريهم في وذنك وكي ما تحلبيهمش ينساو وتجيهم العقدة في القلب
نصححلك ماشي قاع الناس كيفكيف كاين وكاين هذوك الي يمنشروا ويعلقوا سور جيعانين وهذي هي
ختي راني طولت عليك صحيتي على الموضوع منها نتسفادوا ومن جيهة خرى الي عندوا عقلية كيما هذي ينحها
وملا حظة أخيرة انتم ناسكم لاباس لوكان شفتي ناسنا كي ديريلهم العجب المعجب ما يعجبهمش
ومبروك عليك العرس وما ديريش عليهم
النسا هذي خدمتهم