النظافة من الايمان

[زهرة الجنوب9]

واش راكم لاباس حبيت اليوم نتكلم على نظافة شوارع يعني كون جا كل واحد انظف غير قدام بابو ويهتم بنظافة شارع على الاقل يلعبو اولادنا في بلاصة نظيفة ونعلموهم ما يرموش اوساخ في شارع وتشوفو كيفاه تكون بلادنا وانتوما واش رايكم:sheer:

 

[ماكانش]

أهلا بيك زهرة
أصغر موضوع قريتو هههههه
كيما قلتي لوكان كل واحد يكون نظيف في روحو راح يكون نظيف مع الناس ونظيف في تصرفاتو
انا بالنسبة ليا الإنسان ألي يرمي برك الأوساخ تاعو هذا ماشي نظيف حتى في نفسو ...
يعطيك الصحة​

 

[تاج الجزائر]

السلام عليكم
واش راكي زهرة صافا؟
خير الكلام ما قل ودل
موضوع قيم ختي وفيه الفايدة
كاين ناس وناس
تلقي شوارع نظيفة وشوارع مكان لاه نذكروهم والمساكين عمال النظافة هوما لي يتبهدلو بوسخهم
بلا الامراض لي تحكم الاطفال من قلة النظافة
واش نقولوا غير الله يصلح الاحوال
شاكرة لكي على حسن اختيارك للموضوع
تحياتي لكي
​

 

[adel-mz]

سلام
اين الايمان واين النظافة.
احيانا كي يشوف الواحد الوسخ ،يتاسف الواحد اي دين نتبع .
الله يهدي من خلق .
موضوع قيم ومفيد بارك الله فيك

 

[touffik]

وعليكم السلام
عندك صح اختى
بارك الله فيك كاين كلمة يقلوها لى نقى من عند ربى

 

[nina bonoise]

موضوع في 3 سطور ياه خير الكلام ما قل و دل
و الله مكانش كيما النظافة
مشكورة

 

[سلفي والحمد لله]

بارك الله فيكم يا ختي على الموضوع تعرفي ختي كاين خرين والله تقريبا كل يوم يطيشو حشاكم لابوبال تاعهم تقريبا قدام باب دارنا والحاج بابا مسكين هو لي يروح يرميه
ليوم برك بعد صلاة الجمعة لقينا3صاشيات مرميين الحاج تاعنا تحول علابالي لوكان يلقى هذا لي راهو يرمي يخلطها معاه
الناس مازال ماهيش متربية ربي يرزقنا التربية والنظافة​

 

[نور الانوار]

وهدا مجتمع ؟ تلقاي الصواريخ تطير من الديار في الباطيمات
والي يشرب يطيش لقرعة في الارض والي ياكل يحط في الارض ويعفس
الكوارط بارتو

حتى التلاميد كي يكمل العام، يطيشو لي كايي في الطرقات بعد ....

النظافة اي تربية من الصغر
الي يتربا نظيف يحب يعيش في بيئة نظيفة .. والي والف بالعفيس مايلتاش
​

 

[زهرة الجنوب9]

شكرا للجميع علىالمشاركة

 

[07 _H@yThm]

فكرتنيني بدرس ف 3 ابتدائي النظافة من الايمان ةالوسخ من الشيطان
تربحي
​

 

[سيموني]

فكرتيني بوحد الخطرة كنت نتمشا في امان الله حدا باطيمة حتى شكارة زبل طاحت فوقي دخلت لدار مبهدلة ,,,الله يجيب الخير وخلاص ,,باين كي كتبتي الموضوع كنتي عيانة ههههههههه ...سيموني​

 

[amoulita@mosta]

موضوعك في القمة بارك الله فيك اختي الكريمة راكي سبقتني كنت حابة نحط موضوع على النظافة مي ماعليش.
درك ولاو حتى قدام الباب ماينقوش انا راني نزلت صور في بعض الاماكن
في البلدية الي نسكن فيها قريبا رايحة نحطهم هنا ان شاء الله
والله غير حشومة رغم اننا اتكلمنا مع رئيس البلدية
ولاكن لا حياة لمن تنادي.....
سلاااام.

 

[Innocence]

نعم نعم

الحكاية نعاودوا فيها دائما و ابدا

في التذكير فائدة كبيرة .. ميغسي

 

[ام أمينة]

الله غالب شوارعنا دايما موسخين بالرغم من وجود عاملين النظافة ربي يجازيهم على شغلهم
صح لوكان كل واحد ينظف عند باب بيتو و يديرو مرة في الاسبوع يجتمعو اهل الحي او المدينة و ينقو الحالة باش ولادنا ما يلعبوش فالاوساخ و الناس ما تهدرش

مي مع من تهدري ؟؟
​

 

[زهرة الجنوب9]

فكرتنيني بدرس ف 3 ابتدائي النظافة من الايمان ةالوسخ من الشيطان
تربحي
​

في اعادة افادة وياربي تكون حفضتو