يا ماما يا ماما على الجزائر يا ماما
تعرفو ما لقيت ما نقول الجزائر الروح التاعي عمري حياتي
انا لوكان نخرج منها نموت
انا كي لحوتة والجزائر هي البحر
انا جزائرية وافتخر رافعة راسي وين نروح
يا ماما كي نسمع كلمة جزائر في اي بلاصة قلبي يعود يخبط
وحد الفرحة تدخل قلبي غير طبيعية
اذا سمعت في كاش بروقرام، كاين واحد جزائري نموت بالفرحة
سورتو الا كان يشرف نعود نتابع بقلب ورب
شحال نحب دزاير تكون احسن بلاد في الكون
الجزائريين احسن ناس فالكون
واش نقولك يا الجــــ لميمة ـــزائر راكي اغلى من ماما وبابا
من خويا واختي
اغلى من روحي
لوكان تتقاسي بكلمة ينفجر في قلبي بركان
مثل اللبؤة فشراستها كي تحس بالخطر داير على اولادها
واش نقولك يا الجزائر كل حرف من حروفك يرعش قلبي ليه
مئة رعشة
ربي يغمد روحكم الجنة يا الشهداء على اجمل هدية قدمتوهالنا
حرية بلادنا
