بنت ال 30 عام ............ ما يهمها

[mauvais gosse]

بنت ال 30 عام امامها فرصة للزواج هذا اكيد ... ولكن يقال انه ليس امامها اية فرصة للاختياراي انها لا تستطيع اختيار شكل الزوج او سنه او تشترط امورا الذى يهمها فى هذا السن
انها تخلع وخلاص وتتهنى والسلام وتشد زوج مهما كان وخلاص
هل هذا الكلام صحيح ارجو التفاعل والنقاش

 

[سندس الجزائر]

رد: بنت ال 30 عام ............ ما يهمها

يهمها تخلع اكيد


لكن بشروط اما تخلع وخلاص مش اكيد اكيد السن مهم والمظهر علي الاقل مقبول من وجهة نظري

 

[nadya]

رد: بنت ال 30 عام ............ ما يهمها

لا يااخي مهما كبرت البنت يكون لها راي وماشي المهم تخلع ولازم تختار وماشي تتشرط طبعا الي تقبله مشكور مفيس

 

[mauvais gosse]

رد: بنت ال 30 عام ............ ما يهمها

رايكم اعجبني ومروركم سرني اريد راي الاخريات

 

[ريحانة الجزائر2]

رد: بنت ال 30 عام ............ ما يهمها

موضوع مهم اخي
برايي البنت لما تفوق سن الثلاثين
مالازمش تتشرط المهم انها تحصل على زوج يحميها
الشرط الوحيد انه يكون ولد مربي لا مدمن او غير دلك
تقبل مروري اخي

 

[mauvais gosse]

رد: بنت ال 30 عام ............ ما يهمها

شكرا ريحانة على مرورك

 

[نيناNina]

رد: بنت ال 30 عام ............ ما يهمها

انا برايي البنت 30 هي تاني عندها الحق في اختيار شريك حياتها

تقبل مروري اخي موفيس
​

 

[احلام100]

رد: بنت ال 30 عام ............ ما يهمها

موضوعك هذا يتفرع منه عدة مواضيع بنت 30 عاما اركز في سن 30 ستجده السن الذي اصبح يتزوج فيه الرجل او المرأة الان وان حدث وان كان اقل فهذا راجع لاسباب اخرى لكن اصبح قليلا الزواج في سن مبكرة
اما بنت 30 عاما كما ذكرت تضع شروطا ام لا تضع هذه المشكلة الكبرى لماذا تشترطين انا ارى اول شروط المرأة للرجل ليس ماهو وارد اليوم الامور المكلفة اول شرط للمراة لمن يتقدم لخطبتها دينه واخلاقه
على فرض انك اشترطت ستضمنين بقاءا مااشترطته ؟؟؟ طبعا لا فما يدوم للرجل والمراة الا دينها واخلاقها

 

[mauvais gosse]

رد: بنت ال 30 عام ............ ما يهمها

انا برايي البنت 30 هي تاني عندها الحق في اختيار شريك حياتها ​

تقبل مروري اخي موفيس ​

اعرف ان من حقها اختيار شريك حياتها ولكن هل سنها يسمح لها بالاختيار ام المهم زوج باش تتهنى وشكرا على مرورك

شكرا هلى مرورك اختي الكريمة احلام

 

[nadya]

رد: بنت ال 30 عام ............ ما يهمها

معاك الحق وكلمة البايرة تقتل الوحدة وتقول المهم نتزوج بزاف بنات رماتهم قسوة المجتمع وحتى عائلتها تتصرف معاها بطريقة سيءة وذنبها انها لم تتزوج وعلى هاد الشىء البنت ترمي روحا المهم تريح من كلام الجارح
انا ضد الزواج من اي شخص المهم اني اعدر اي بنت عايشا في هده الظروف وربي يرزقنا ازواج صالحين

 

[mauvais gosse]

رد: بنت ال 30 عام ............ ما يهمها

شكرا نادية الكلام القاسي اكثر من ضربة سيف وخصوصا كلمة (بايرة تقتل المرأة)

 

[narimane]

رد: بنت ال 30 عام ............ ما يهمها

انا في رايي المراة تاع 30 اذا جاها واحد تقبل برك بلا ما تشرط
في بلادنا لي تفوت30 يقولو عليها
"فاتها الtrain "

 

[mauvais gosse]

رد: بنت ال 30 عام ............ ما يهمها

شكرا نريمان على شجاعتك وصراحتك

 

[nanou]

رد: بنت ال 30 عام ............ ما يهمها



السلام

خويا موضوعك عجبني وراني ولد بصح حبيت نرد عليه على حسب نظرتي للواقع الي نعيشوه في حياتنا لا الراجل ولا المرى بدات تتشرط الي يتشرط صاحب المادة و الدراهم الي موفر كلش يعني الراجل يتشرط ويبغي يتزوج وحدة بالشروط الي يحبها وقت يكون موفر كلشي لحياته و المرى كذلك و تقدر المرى ديال 30 سنة تتشرط كي تشوف الشخص مراهش مناسب ليها وجامي التران يكون فاتها وزيد علاه حتى المجتمع ينعتها بالبايرة رانا في وقت تخلطت فيه قوانين ومعايير الزواج تلقى مرات بنت 20 متزوجة ومرات بنت 40 تاني تزوجت صافي كلشي راجع للضروف المادية هي الي تلعب دورها زيد اذا كانت المرى ديال 30 سنة خدامة و الله عندها حق تتشرط و كاين عندها حظوظ اوفر باش تلاقي الراجل الانسب ليها بلاك احسن من بنت 20 و من ناحية المجتمع الي ينعت البنت 30 سنة بالبايرة فهاد الوقت نضن راحت هاذ الفكرة لخاطر مكاش عائلة في وقتنا المعاش متلقاش عندهمبنت ولا زوج وصلو للثلاثين ومزالهم متزوجوش
يعني الكل بداو يغمضو عينيهم على كلمة بايرة لانو الاغلب راه عايش الحالة سواء في بنته ولا اخته

خوك نانو

 

[mauvais gosse]

رد: بنت ال 30 عام ............ ما يهمها

شكرا اخى نانو سرني مرورك ورايك محترم وشكرا

 

[هاوية المنتديات]

رد: بنت ال 30 عام ............ ما يهمها

البنت بنت مهما كان عمرها

 

[نسمة الاحلام]

رد: بنت ال 30 عام ............ ما يهمها

و أنا نقول ماشي صام صام و فطر على بصلة

بنت 30 سنة او 25 سنة تبقى فتاة و مهما كبرت فانها لها الحق في الحب و السعادة و راحة البال ، ماشي المهم العنوان تاع متزوجة ....

المهم بعد ذلك لانها حياتها ماشي حياة الناس و اللي حب يهدر يهدر...
اذا لقات الرجل المناسب أكيد بدون تضخيم الامور
و اذا مالقاتش واش ادير الي جا هو ...
ماشكيتش وحدة فاهمة و متعلمة تخمم بهذه الطريقة رانا شفناهم يتزوجو واحد ما يخدمش يسكنوه في دارهم
انا بالنسبة ليا ماشي معيشة الي جاها مكتوب مليحة مبروك عليها و الي مازال لازم تصبر خير
بالرغم من ان المجتمع ديالنا ما يرحمش حاصة الهدرة الي ما تقتلش بصح توجع الخاطر ​

شكرا على الموضوع و تقبل مروري ​

 

[الم و امل]

رد: بنت ال 30 عام ............ ما يهمها

كيما يقولو وشهد شاهد من اهلها وانا وبلا فخر من اصحاب الثلاثين لكن ليس المهم عندي الزواج فقط وحتى لا يقولو بايرة بل بالعكس اركز كثيرا في مسالة الاختيار ولا اتنازل عن مبادئي وشروطي وحتى احلامي عن زوج المستقبل فان اتى فالحمد لله وان لم ياتي فكذالك الحمد لله فانا املك وضيفة محترمة وعائلة متفهمة والاهم من هذا وذاك املك شخصية قوية ولا انظر لكلام الناس فهذه حياتي انا ولن ارضى باقل مما استاهل مع العلم ان هناك طلبات للزواج لكن لست مستعجلة(نستاهل خير) غرور ها ها ها .

 

[mauvais gosse]

رد: بنت ال 30 عام ............ ما يهمها

و أنا نقول ماشي صام صام و فطر على بصلة ​

كلامك منطقي ووجيه سرني مرورك

كيما يقولو وشهد شاهد من اهلها وانا وبلا فخر من اصحاب الثلاثين لكن ليس المهم عندي الزواج فقط وحتى لا يقولو بايرة بل بالعكس اركز كثيرا في مسالة الاختيار ولا اتنازل عن مبادئي وشروطي وحتى احلامي عن زوج المستقبل فان اتى فالحمد لله وان لم ياتي فكذالك الحمد لله فانا املك وضيفة محترمة وعائلة متفهمة والاهم من هذا وذاك املك شخصية قوية ولا انظر لكلام الناس فهذه حياتي انا ولن ارضى باقل مما استاهل مع العلم ان هناك طلبات للزواج لكن لست مستعجلة(نستاهل خير) غرور ها ها ها .

قلت انا من اصحاب ال 30 ومالها صاحبة ال30 انت مازلت شابة و60 شابة والف واحد يتمناك بنت ال30 صدقيني ومن غير مجاملة هذا وين حلوت ممكن ولو فيها فضول وسماطة ما هي مبادئك واحلامك في فارس احلامك - وهل انت مغرورة يا امل - وامل فقط نحي الم

 

[الم و امل]

رد: بنت ال 30 عام ............ ما يهمها

اولا شكرا على المجاملة يا mouvais gosse مبادئي هي مبادئ كل فتاة تقدر نفسها حق التقدير لا ارضى بغير ما استاهل ولا اسمح لنفسي بالتنازل عما اريد وان كانت مسالة المبادئ مسالة يطول الحديث عنها لانني انسانة جد صارمة عندما يتعلق الامر بكينونتي اما عن احلامي فهي احلام جد عادية وواقعية ان يكون رجلا بكل ماتحمل الكلمة من معنى وان يشعرني انى الانثى الوحيدة على وجه الارض وان يكون رجلا مسؤولا يقدر ان يحميني والاهم ان يحبني ويحبني ويحبني اما عن الغرور هل انا مغرورة ربما اكون كذالك لانني اعرف قيمة نفسي وان كان الغرور مسالة نسبية عندي كالالم والامل اللذان هما اسمي المستعار هذه انا فمن انت يا اخي.